هل صحيح هذا الخبر عن 00000000
من اسبوع كنت في الرياض وزرت قريب لي في موسسه البريد
وتناقشنا في بعض الامور ومنها علوم المؤسسه والبدلات والقفزه الماليه
وصرت ادعي للريس بنتن على الدعم المادي للموظفين
فقال لي صاحبي بلاك ما تدري عن الخبايا
قلت له أي خبايا
قال يوم صدر نظام مجلس الوزراء بتحويل البريد الى مؤسسه
تطبق على البريد نظام المؤسسات
منها زياده 20%
وتأمين علاج
وراتبين مكافأه كل عام
وبدل سكن
وحددو بدايه التحويل
وكل هذا قبل يجي الريس بنتن
قلت له كمل وبعدين
قال يوم جا الريس صب كل اهتمامه على خدمه واصل
قلت له والله هي خدمه جيده ومفيده
قال اي لكن ما درسوها دراسه حقيقيه من ناحيه التكاليف
قلت له كمل علومك
قال كل هالحوافز اللي جت للبريديين هي مقرره من قبل يجي الريس
وبتوزع في مواعيدها
حتى بدل السكن المفروض في موعده
لكن اللي اخر صرفه اشياء خافيه
قلت له وش هي
قال تذكر اول يوم كان البريد يصير عليه عجز مالي وش كان يسوي
قلت له وش كان يسوي
قال ياخذ من بنود ماليه ثانيه ويغطي فيها عجوزاته
مثل بند اركاب الموظفين للدورات
واخذ بند مكافاه الدورات
قلت له وش تبي تقول يا ابو الشباب
تقصد ان بدل السكن ؟؟؟؟؟؟؟؟؟؟؟؟؟؟؟؟؟؟؟؟؟
قال للاسف لان خدمه واصل عليها عجز ولازم تغطى
قلت له يعني لو بقى الدكتور خالد معناه ان كل الحوافز نستلمها بميعادها
قال ماهو اكيد لكن جايز
قلت له وبدل السكن وش وضعه الحين
قال بيصرفونه لكم من دخل خدمه واصل لما يعوضو العجز
والجماعه ماهم مقصرين يشتغلون على قدم وساق قبل تنتشر العلوم
وقال لي هالكلام خليه سر بيننا
قلت له اكيد لا تشيل هم
وانتم يا شباب لا حد يعلم