اين حقي وصلت لباب السجن انا من واصل
السلام عليكم ورحمة الله وبركاته
:) الف مرحب بالجميع
عندي قصة واقعية وحادثة من قبل اسبوع لموزع بريدي لابد نواسيه هالطيب
تفضلوا هذه القصة ربما تم التعليق عنها من قبلي او من قبل غيري ولكن دخل بها تطورات
الموضوع يخص موزعي خدمة واصل بالمنطقة الشرقية
بحاول اختصر لكم وخذوا المفيذ فقط
موزعي واصل رسموهم في 17/6/1428 طلبت الادارة من الموزعين ارجاع مبلغ 2268 ريال كفارق بين الترسيم ونظام العقود
الجماعة ماعندها فلوس توه بسم الله وبالله موظف جديد يبي يلحق ويرقع ورا
الا خاطب والا متزوج والا عنده ديون والا متغرب والا ظروفه هاده ظهره والا مسؤول .....
وصل التهديد الا ما يرجع المبلغ ما بتجيه الزيادة و ما بينزل راتب شهر 6 ووو غيره
واعطو وعد انه خلال اسبوع الا بالأكثر مدة اقصها مع الراتب 6 يرجع كل شي
اغلب الموزعين وبالاكثرية راحو تسلفوا المبلغ دبروا امورهم وسلمت المبالغ للمالية
طيب الحين الموزعين يسألوا وين الفلوس كم حنا صرنا فيه خلص شهر 6 ودخلنا 7 وخلص والظاهر بيخلص 8 ولا بتشوووف شي
احــد الموزعين كان متسلف المبلغ وماشي على وعود الادارة بعد اسبوع وبعد مدري كم يوم ونهاية الاسبوع ومن هالكلام وتعرفو الجماعة بــــــــــــرق في الاجراءات
الموزع انحرج مع الي متسلف منه وكل يوم اعذار مع العلم ان الموزع عليه التزامات كثيرة ومهمة لين وصلت
الحقوق المدنية
الرجل مشتكيه في الشرطة يبي حقه يبي فلوسه وهذا حقه مافي كلام
يا تدفع الا عليك يا تنسجن اعذار ومهل مافي
وش رايكم ؟؟؟؟؟؟؟؟ لو انا مكانه والله لأصيح
انا بنفسي زرت الموزع بالمستشفى ارتفع ضغطه فوووووووووووووق ووصل لإغماء
ماتســوى عليه هالمسكين
اعطيكم فكرة عن المبالغ الا مفروض يسلموها الموزعين بعد ترسيمهم ما ارح ادكر الزيادة ما تسوى عليهم كلها 140 ريال بيدخل الرجال السجن بسببها الله يعينه
2268 ريال فارق عقد وترسيم
4445 بدل الاجازة
4445 بدل تعيين
اجمع 4445 ×2 + 2268 = 11158 ريال
يالله وين المالية عنها ليش ساكتين ليس ما يدفعوهم هل هو تقصير عمل ام الصندوق فاضي كالعادة او انتظر ادارة الرياض
والظاهر حتى مكافئة العيد (رمضان) مو شايفينها ولا بيشموا ريحتها بعد
على حد علمي انه بعض الموزعين وبعض مشرفي النقاط رفعوا خطابات مطالبة ووو ولم تصل
واعطو مدير عام المنطقة نسخة من الخطابات ووعود جيدة وما في شي !!!
يقولك ارفع خطاب مرة ثانية والمشكلة ان ادارة التوزيع ساكته يالله يامديرهم الجديد تحرك شوف للجماعة حل خاطب طالب موظفيك ذول ريحهم يريحوك
بس وش اقول الشكوى لله
اسف للإطااة بس لازم اعرض حقائق واطلع مافي القلوب خلي الناس ترتاح ادا الادراة ماريحت موظفيها على الاقل نواسيهم ونترجم مافي قلوبهم لعل وعسى يوصل شي للمسؤولية ويعمل شي لصالحهم
البعض يسألي ليش مهتم بأمور واصل دايما تعلق ودايما تتكلم عن واصل وانت في قسم غير قسم التوزيع اصلا مع العلم اني قدمت بنقل لفريق التوزيع وبالتحديد واصل ورفض الطلب
ردي مادام الكل يعمل في جهاز البريد الكل لا بد ان يكون يد واحدة فريق واحد نكاتف بعض نساعد بعض نواسي بعضنا نخفف عن بعضنا الكل إنــــــــــســـــــــــــــــان في قلب في مشاعر مو هدد.
شــــــــــــــكــــــــــــــــــــــراً
