من قبل ماصب فنجالـي مـن الدلـه واسوق فنجالهـا واشكـر مسويهـا
واخذ بعرقوبها واسحب مـن الملـه واخلي الجمـر مـن حـره يصاليهـا
ومن قبل ما اعاتب المخطي على الزله ومن قبل ما انشده ليش انه يسويهـا
ومن قبل هـذا وهـذا داخلـي علـه العلـه اللـي تتـوه مـن يداويـهـا
اسبابهـا قلبـي اللـي فاقـد خـلـه والقلب يشكي من الفرقـا وطاريهـا
يوم ابتعد مـن ملـك قلبـي ويحتلـه وابعد عن الدار واللي ساكـن فيهـا
حسيت بالمـوت والحقـران والذلـه وحسيـت بالحـزن وادور واناديهـا
واسير من غير قلب وعقـل مختلـه واصبحت تايه ولا اخذها ولا اعطيهـا
قلبي عشق زولها واصبح كمـا ظلـه لـو خلتـه حالـف انـه مايخليهـا
قالـت وداع وسـلام الله وامـان الله واقفت واناعيني من الحـزن تبكيهـا
قفت وانا خـدي مـن الدمـع مبتلـه والحزن خيم على نفسـي وغاشيهـا
قالت انا راحلـه والراحـل اذن لـه وتراعي ظروفه اللي عايشـه فيهـا
الراحل اللي يزيـد البعـد فـي غلـه ظروفـه القاسـيـه لازم تراعيـهـا
تقول هـذا القـدر يافـلان وفطنلـه الاقـدار محـد يعارضهـا ويثنيهـا
مالك يكون الصبر والفرض قم صلـه واطلب من الله عسى نفسك يقويهـا
قلت العفو يابعد عمري ويامـن لـه انا عشقت وليالـي الحـب ساريهـا
ابقى على ذكر حب القلـب وحلملـه واحلم بعـد مافقـدت انـي الاقيهـا
هذا وانا عارف ان الموت فـي حلـه واحدث النفـس بالشوفـه وامنيهـا
قضيـت معهـا ليالـي كلهـا فـلـه غير البلا مـا لحقنـا يكـون تاليهـا
مادامـت افراحنـا بطـراف منشلـه حـرام الاحـزان تسرقهـا وتخفيهـا
لاتامن الوقت ليـش الوقـت تامنلـه الوقـت لـو تامنـه نـاره تقاسيهـا
الوقت فرق الاحبـه واحـرق الحلـه وكواني الوقت مـن نـاره وسانيهـا
لاحق علي الحطـب دقـه مـع جلـه واحرق حبال الرجا وانهـا حراويهـا
حتى طريـق الرجـا ماعـاد نندلـه واخطيـت درب يودينـي لا اهاليهـا
والمفرق اللـي يـودي بيتـه ازلـه من كثر ما ابكيه دمع العيـن يعميهـا
ومن بعد ماكانت اعيونـي تناظرلـه راحت وقفت وانـا مانـي بناسيهـا
يوم انتهى الوقت كـن بخافقـي تلـه اقفت وانا دمعتـي بالعيـن تسقيهـا
اقفـا وانـا اجـر بالونـات شفقلـه تمشي ونـا خافقـي معهـا يباريهـا
اتخيـل انهـا تكلمـنـي وهــي لله ماهـي بحولـي بعيـداتِ اراضيهـا
دمعي من العين لجـل الغالـي اهلـه أي والله ابكي واصيح وليش ما ابكيها
هي غايتي هي بعد عمري وهي كلـه هي دنيتـي والحيـاه وكـل مافيهـا
هي عالمي والرجـا وايامـي افدلـه هي منيتي وغايتي والعمـر يفديهـا
ابقى على عهدهـا والقلـب راجلـه ماخون عهدي لها وامـوت مغليهـا
واكتب بها الشعر واغني بها الشلـه وانظم احلى القصايـد لـه واغنيهـا
وابقى على ذكرهـا هلـه ورا هلـه لو ينقضي العمر كله خاطـري فيهـا
ياواصلـه بلغـه بوصاتـي و قـلـه وقلـه تـرا ذكرياتـه نحتفـظ فيهـا
والله منسـى هـواهـا واتجاهـلـه ياكيف انا انسى ملامحهـا ومافيهـا
ياكيف انا انسى وانا اللي فاقـد دلـه لوهي بعيده فهـي عنـدي واحاكيهـا
تعيش في داخلي والقلـب خـال لـه مايسكنـه غيـرهـا والله معطيـهـا
هي لي كما الغمد وانا له كمـا السلـه السلـه بـدون غمـد يمـل قانيهـا
ماعاد لي طاقـة فـي حملـي اشلـه النفس تشكي الحزن والهـم طاويهـا
تقول ماعنـدي الا الحـزن فاضلـه وابليس لاما استلم للنفـس يغويهـا
لو تنزل من السماء واموت ماصلـه هذي حقيقه وعيـب انـي اداريهـا
الشاعر / مبارك المنبهي الشهراني
