الواسطة وما ادراك مالواسطة!!!

ياعيني على الواسطة


القاضي و راعي الدجاجة


جاء رجل ومعه دجاجة مذبوحة ( يعنى ميتة ) وكان رايح (لمحل الدجاج)

عند راعي الدجاج علشان يقطع الدجاجة فقالة راعي الدجاج خلاص روح لك

ربع ساعة وتعال لي تلقاها جاهزة

قاله صاحب الدجاجة : خلاص اوكى

فمر قاضى المدينة على راعي الدجاج

وقاله :عطني دجاج

قاله راعى الدجاج : والله ماعندى الا هذى الدجاجة وهى لرجال بيرجع الحين

قاله القاضى : خلاص عطنى اياها واذا جاك صاحبها قول له الدجاجه طارت

قال راعى الدجاج : وشلون مايصير؟؟ هو جايبها ميته كيف ؟؟؟

قالة القاضى : اقول لك قول له كذا ولا عليك وخليه يشتكى ولا يهمك

قال راعى الدجاج : اوكى والله يستر*


جاء صاحب الدجاجة عند راعى الدجاج وقال له وين دجاجتى ماخلصت

قالة راعى الدجاج : والله دجاجتك طارت

قال صاحب الدجاجة : وش تقوووول كيف؟؟؟ صاحى انت... أنا جايبها ميتة

وصار بينهم شد في الكلام وبغوا يتهاوشون

فقال صاحب الدجاجة : امش معاى للقاضي علشان يحكم بينا هناك ويطلع الحق *

*فراحوا للقاضي وعند ذهابهم للقاضي في الطريق شافوا اثنين يتهاوشون

واحد مسلم والثاني يهودي

فجاء راعي محل الدجاج يفرع بينهم ( يعنى يفرق بينهم ) ولكن إصبعه

دخلت في عين اليهودي وفقعها )وفقئها(

فتجمع الناس ومسكوا راعي محل الدجاج وقالوا هذا اللي فقع عين اليهودي

فصارت القضية قضيتين فوق رأسه *

*

فجروه للمحكمة عند القاضي فيوم قربوا من المحكمة حاول يفلت منهم وهرب

وجروا وراه يلحقونه يبون يحاكمونه لكنه دخل في مسجد وهم وراه

وركب فوق المنارة وهم وراه آخرتها طمر (نقز) من فوق المناره إلا وهو على شايب

فمات الشايب من أثر طيحت راعى محل الدجاج عليه
*

فجاء ولد الشايب وشاف أبوه ميت فلحق راعى محل الدجاج ومسكه هو ومعاه باقي الناس



فذهبوا به إلى القاضي

فلما شافه القاضي ضحك يفكره علشان سالفة الدجاجة

مادرى أنه عليه ثلاث قضايا

1) سرقة الدجاجة

2) فقع عين اليهودي

3 ) قتل الشايب


*

فعندما علم القاضي مسك راسه وقال عز الله انك جبت العيد

فجلس يفكر القاضي وقال خلونا ناخذ القضايا وحدة بوحدة



*
المهم نادى القاضي صاحب الدجاجة

قالة القاضي: وش تقول في دعواك على راعى محل الدجاج

قال صاحب الدجاجة : هذا ياقاضى سرق دجاجتي وأنا معطيه إياها وهى ميتة

ويقووووول إنها طاااارت كيف ياقاضى؟؟

قال القاضي : هل تؤمن بالله

قال صاحب الدجاجة : نعم أؤمن بالله **

قال له القاضي : ( يحيي العظام وهى رميم)
قم مالك شي

جيبوا المدعي الثاني



*

فجابوا اليهودي وقالوا هذا يا قاضى فقع عينة راعى الدجاج

فجلس القاضي يحوس ويفكر ويطلع وينزل,,,,,**

فقال القاضي لليهودي : دية المسلم للكافر النصف يعنى نفقع عينك الثانية**

علشان تفقع عين وحدة للمسلم (راعى الدجاج )

فقال اليهودي : خلاص أنا أتنازل ماعاد أبى شي منه

فقال القاضي : عطونا القضية الثالثة *

*

جاء ولد الشايب اللي توفى وقال : يا قاضى هذا الرجل طمر على أبوى وقتله **

ففكر القاضي وقال : خلاص روحوا عند المنارة وتركب أنت يالولد فوق وتطمر

على راعى الدجاج**

فقال الولد للقاضي : طيب وإذا تحرك يمين ولا يسار يمكن أموت أنا

قال القاضي : والله هذى مو مشكلتي، أبوك ليش ما تحرك يمين ولا يسار؟؟؟؟؟؟؟؟؟؟؟؟؟؟؟؟؟؟

**

*

مايستفاد : مهما جبت العيد ومهما كانت الجريمه، هناك دائما من يستطيع

اخراجك منها مثل الشعره من العصيدة

هههههههههههههههههههههههههههههههه

حلوههههههههههه. طبعا اذا صار القاضي مشترك في الجريمه فان الحقوق تذهب سدى ..

أذكر مرة رقيت وهي الترقية الوحيدة في حياتي البريدية !! وتكسفت ما رجعت لمنطقتي المهم يوم رجعت للمنطقة وجهوني لمدينة تبعد عن بلدتي 100 كيلو حاولت مع شؤون الموظفين بالمنطقة ما فيه فايدة رحت اقدم اجازة على المدير الجديد نفخ على ورفض رحت لمديري الاول ليطلبني بخطاب موجه لمديري الجديد وعيا علي ولقيت كل الطرق مغلقة وما خليت احد الا وتوسط لكن لا جدوى !!! ويردد ما فيه أي اجراء قبل سنه هذا النظام !!!!! يا سلام سلم على النظام اللي ما يطبق الا بحقي ... وبينما أنا هائم على وجهي ومهموم إذا بي اقابل مسؤؤل من الامارة من مدينة مدير شؤون الموظفين فسألني عن احوالي فشكيت عليه الحال فرفع السماعة في الحال امامي واتصل بمدير شؤون الموظفين وسبحان الله تفتح الابواب وبقدرة قادر اصبح مدير شؤون الموظفين لا يردد سوى عبارات سم وابشر وامر وهاذي الساعة المباركة اللي خلتنا نسمع صوتك وخله يتصلبي قالي اتصلبه وابشر كل الامور محلوله المهم اتصلت به وقال اذهب لفلان ((مديري قبل الترقية )) وقله يقولك فلان (( يعني نفسه )) يوجه طلب بحاجته لخدماتك لفلان (( مديري الجديد )) وفعلا اخذت الخطاب ورحت لمديري الجديد واثره يهلي ويرحب ويوافق على طول... فالحاصل ان الواسطة تعمل الاعاميل ... وسلامتكم

بصراحه روعه جدا اعجبتني قصة الدجاجه


وانا اقولكم قصة صارت لي انا ..... نقلت مره من منطقه لمنطقة وحطوني بمنصب أقل من منصبي الأول


المهم رحت لمديرة الاشراف قالت لي مستحيل انتي نقلتي من منطقه لمنطقه وما به احتياج لمنصبك شاغر ... انتظري

يصير شاغر بمكان وابشري المهم بترجعين معلمه الحين ... قلت له لو اوسط احد ؟؟؟؟ قالت لو تجيبين اي واسطه

مراح يمشي ولو مشى موضوعتس انا ما افهم ابد وهالكرسي اللي قاعده عليه يكون اكبر من!!!! واصير انا ما افهم ابد ابد



المهم كني فقدت الأمل لكن عيال الحلال توسطوا لي وبخلال شهر مسكت احلى من منصبي الأول واقرب مكان

لبيتي والمشكله أول من بارك لي مديرة الإشراف الي تقول لي قبل لو تقدرين ما افهم انا ابد .... تشوفون الواسطه


بكل مكان .... الله يكفينا ويكفيكم الشر




تحياتي

الواسطة إحدى القرى التابعة لمنطقة المدينة المنورة ذات طبيعة خلابة ...