الموظفين.. وأزمة منح الصلاحيات في الانظمة لذوي الاختصاص

السلام عليكم ورحمة الله وبركاته..
مساء الخير للجميع...
فيه موضوع شاغلني من فترة.. وحاب اناقشه معكم بخصوص ازمة منح الصلاحيات في الانظمةللموظفين خاصة لموظفين البريد الرسمي..
واتمنى يكون الرئيس او نوابه مطلعين على الموضوع
عشان تنتهي هالازمة..

بالنسبة لصلاحية الاستعلام برقم الصادر لموظفي البريد الرسمي..
لكم ان تتخيلوا اننا في البريد الرسمي وخاصة في المحافظات البعيدة عن المدن ندخل في اليوم على الاقل
اكثر من 100 خطاب صادر سواء داخل المنطقة او القرى التابعة للمحافظات..

ثم تاتي جهة رسميةبعد شهرين بخطاب رسمي للاستعلام عن معاملة انا بنفسي ادخلتهافي النظام
لكم ان تتخيلوا ان ابحث بشكل يدوي 100مادة في اليوم*شهرين عمل يومي= 4400 مادة على الاقل
في الكشوفات.. وقد يستغرق مني هذا البحث ممكن دوام كامل عشان ارد على الجهة غير الجهد والتعب النفسي في البحث بين الكشوفات..

بينما يوجد خدمة لدينا في النظام الموحد
البحث برقم الصادر وبضغطة زر واحدة استطيع
ان اوفر على نفسي الجهد والتعب والوقت..

فتخيلوا هذي الصلاحية مستحيل يحصل عليها موظف
او حتى مدير مكتب يعملون في نفس المجال ولو رفعت 100 طلب راح تقابل بالرفض..

ابغى اعرف متى تنتهي بعض هالعقول الحجرية لدى بعض المسؤولين لدينا

للمصداقية فقط اتمنى من الزملاء اللي يعملون في البريد الرسمي بالمحافظات يطلبون الصلاحية.. في النظام
راح تلقى اما الطلب معلق لفترة او مرفوض او يدق عليك واحد من اصحاب العقليات المتحجرة يقول لك.. وش تبي فيها!!!!!!

هذي مشكله ازليه حتى الصفر بالتلفون سنه من السنوات تحاشرت مع احد صغار العقول عليه يغلق الطلب اكثر من مره لأنه يرى انه لا داعي للصفر وهو مايعلم بالعمل اللي نعمله واننا نضطر للتواصل مع الموظفين في مناطق نائيه ماعندهم تحويلات ..!
ارسل ايميل لسعادة مدير عام البريد الرسمي مباشرة بدون الرجوع الى تسلسل اداري دامه يمس مصلحه العمل
اذا ماحصلت تجاوب صعد الايميل وتناقش مع صاحب القرار بحجم الضرر من عدم صرف صلاحيات لكم .. ولنفرض جدلاًَ انهم يرونها معلومات حساسه يوفرون طريقه بديله للاستعلام اما بخطاب رسمي من الجهه او ايميل رسمي , او اي طريقه يطلعونك انت يالموظف من الموضوع هذا بحيث ماتبحث وتضيع وقتك