نقص موظفين المكاتب الاماميه

[جابر]

حبيبنا المشكله نقص ماهي اجازات
خلال سنتين نقل من احد المكاتب اكثر من 11 موظف و تقاعد 3 و اللي نُقِل الى المكتب موظف واحد فقط
قبل سنتين الخدمات اقل من الآن .. وش المحصله ؟ خدمات جديدة و جودة و اداء مستمر بالانحدار .. الشيء هذا نشوفه من العملاء بعضهم صارو ربع لنا من سنين وهم عملاء لنا و الاغلب يشكي من حال المكتب الآن مقارنه بالسابق بدال مايخلص في عشر دقائق صار ينطق نص ساعه و فيه المتفهم وفيه المتعجرف اللي يصب جام غضبه على الموظف اللي امامه و يحمله ذنب سلاطنه البريد الجهابذة اللي يحسبون الادارة فقط صك باب مكتبك في المجمع و اشرب شاهي حليب و خل سكرتيرك يسوي اعادة توجيه البلاغات لمدراء المكاتب .. مافيه اي اثر لهم على الميدان لا زيارات ميدانيه لا اجتماعات مع موظفي المكاتب الاماميه مالهم أي اثر مباشر .. ياليتهم سلاطنه البريد ياخذون دورة في فن الادارة ماراح اقول عند فيدكس ولا اراميكس لأن البريد بعيد عنهم الف سنة ضوئية لكن ربما لو ياخذون دورة عند ماكدونالدز ولا حتى فوال الطايف ترا خدمته للعملاء أزين من اللي عندنا بنشوف تحسن طفيف

المشكله لماذا لم يتم التؤظيف في البريد حتى لو كان على نظام العقود وكل يوم اظافه خدمه جديده الحقيقة اذا استمر راح يكون في مشاكل كثيره