السلام عليكم


جت الإجازه .. وقررنا الانتقال من ربوع القصيم برحله واول مدينه رغبنا بزيارتها هي المدينه المنوره.... طبعا لزيارة الحرم ... دخلنا الحرم وبما اننا نساء ولا يوجد لدينا اطفال رغبنا أن نستمتع باجواء رائعه بالاماكن المخصصه للنساء بدون اطفال .. ولكن بحثنا وبحثنا على مكان للجلوس ولم نستطع الجلوس ابدا .... وقفنا ننتظر لنرى أن النساء من اجناس مختلفه يدخلون ويجلسون .... وتفاجئنا بأن الأماكن بالحجز .... وجدنا مكان لثلاثة اشخاص وعندما تجرئنا للدخول والجلوس علما بانه لا يوجد شيء يفيد بالحجز لا ملابس ولا شنط....وذهبنا لنجلس إلا وامرأه من تركيا ((( ترطن علينا وتهوشنا))) بصراحه نفتكر انها تبي تقعد قلنا ارض الله من سعه ووخرنا لها إلا هي تشيل شناطنا وتأشر لربعها يجون .... قمنا من المفاجأه .... ووخرنا عنهم جينا لصاله ثانيه لقيناها مستعمره بنقلاديشيه ... والثالثه للإيرانيات .... يحوووووووووووووول بس وقفنا وبالأخير صلينا بالممرات وبدون سجاده برغم ان الدوله اعزها الله موفره السجاجيد بالحرم لكن المشرفين عشان ما ينظفون الظاهر
شايلين السجاجيد.... ولقينا كراسي للي ما يقدرون يقعدون بالارض ومكتوب عليه وقف ... لكن الله يجزاهم الخير حريم المسلمين من باقي الدول كل وحده طالعه لها بكرسي يقاله للذكرى .... زين وغير كذا ... موظفات التفتيش واقفات عالباب ينتظرون بس يشمون ريحة السعوديه ..عشان يفتشونها بكل ما ربي عطاهم من قوه ... لا وتفتيش شخصي بعد .... والمشكله كاميرات الفيديو تدخل من الايرانيات علني ... ويوم سألناهم قالوا لنا شدعوا ذولي مساكين يبون الصور للذكرى
وليما فرجها الله علينا وقعدنا نبي نقرأ شوي قرآن ... إلا بذيك التركيه وش زينها وش حليلها ماسكه ذاك الجوال اللي وش زينه وقاعده تصورنا .... عاد حنا قامت حميتنا وقمنا نصيده ... وخذينا جواله ورحنا لم المفتشه الزينه ... لا وفرحنا يومها جت وقالت وينهي فيه لا وجايه محتميه عليه
وفرحنا يومها خذت الجوال قلنا بتكسره فوق راسه .... إلا تاخذ الجوال وتمسح التصوير وتقول لا تتعودينه .... إنا لله وإنا اليه راجعون

وش رايكم ؟؟؟؟؟ لا والبنقاليه اللي يتحكمون باسعار الفنادق والمطاعم ....

الحين مين حنا؟؟؟؟؟ ومين هم ؟؟؟؟


هي دولتنا ولا دولتهم ؟؟؟؟؟؟


انا قمت اشك بالموضوع ..... اتمنى تشاركوني الراي ...

حقوقنا مهضومه بس بعملنا ؟؟؟ ولا بكل اركان حياتنا ؟؟؟


نقدر نطالب ببدل السكن وزيادة الرواتب ؟؟؟ نقدر نطالب بشوي تميز بديرتنا؟؟؟


يعني السعودي اسعار سياحيه بديرته وبديار المسلمين؟؟؟



تحياتي