مسكين الموظف وتعبان وغلبان
بيبص للى بيملك اموال واطيان
وهو ماسك رغيف فاضى وساعات
رغيفه الفاضى مابيلاقيه كمان أصله موظف تعبان قوى وغلبان

اصله موظف بسيط واخد على الزحمه
مش لاقى ياعينى وسيط يأكله فى يوم لحمه
عايز له بنت حلال لو فى وشها وحمه
مش قادر يتجرأ ويطلب بنت الجيران دى غنيه قوى وهو تعبان وغلبان

بيبات فى اوضه ايجار وساعات على الرصيف
عايش تملى فى نار ولما يزوره ضيف
ويقوله فين واجب ضيافتى ياابو العريف
يقول له واجب ضيافه لا دا كان زمان دا انا موظف تعبان قوى وغلبان

ولمل ياعينى اتجوز وبقاله ولاد وبنات
ووراه بلاوى متلتله ومصاريف وحسابات
دخلو عليه اوضته لقوا الموظف مات
عينى عليك ياموظف فقير غلبان عشت غلبان ومت وانت غلبان