السلام عليكم ورحمة الله وبركاته
اسعد الله اوقاتكم بكل خير
اخواني كثرت بعض الردود اللي تالف وتقول كلام ويقولك مصدر موثوق طبعا هالموثوق الجميع يعرف انه مدير او او رئيس قسم او واحد مار بالممرات ولطش منه كلام وجاك هنا يبربر بالمنتدى وهو لا يعلم عن شيئ
الجميع يعلم ان البريد مؤسسة حكوميه واي نظام او قرار يصدر يصدر من جهات عليا اما من مجلس الوزراء او بعد رفع من مجلس الشئون الاقتصاديه او عن طريق الوزارة او من جهات عليا بالحكومه
فما له داعي انك تجيب كلام من مدير وكانه يملك المؤسسة يقولك اثر رجعي بنصرف لك وكل امله بيالة شاهي منك تزبط له السكر او تحمي سيارته او توصل عياله المدرسه او يبي منك مصلحه
لذلك نامل من الجميع الناقلين للاشاعات يايجيب كلام من مصدر موثوق ويعطي الجميع الكلام الصح او يقرط على شحمه ويسكت
الناس وراها اهل وراها مصالح وراها قروض وراها ابناء يدرسون وراها بيوت وراها اجارات وراها امور حياتيه ماله داعي انك تاملهم وبالاخير يصابون بالاحباط وربما تجيك دعوه قد تصيبك تخليك تكره هاليوم اللي كتبت فيه رد من اشاعه
ولا احد يجي يقول نستبشر خير ونستانس فيه امور تقدر تستانس فيها مواضيع عامه ومواضيع نقاشيه اما امور تخص حياة الموظف نفسه فلا مجال للاستئناس فيها
نأمل من الادارة العمل بحزم مع الردود اللي تتضمن مثل هالاشاعات بدن ذكر المصدر