- نقطة في بحر سعودي على دكة الإحتياط

من الساعة ثمانية وانا على الانترنت زي ما تعودت كل يوم علشان اتابع الجديد وحسيت اني مصدع وارتفع ضغطي من اول موقع افتحة . وكل ما فتحت موقع جريدة ولا موقع اقتصادي القاه على قولة الي يقول من حفرة في دحديرة وكل المواقع تتكلم عن رفع الاسعار في كل شي ممكن يخطر على بال الواحد اخرها التفتت الشركات للمزارعين الي يادوب ممشين امورهم بعد النكسة الي صارت قبل خمسة عشر سنة او اكثر يوم ارتفعت اسعار الديزل الي كان المزارعين يعتمدون عليها وكذلك خفض مخصصات القمح التي تاخذها الدولة من كل مزارع أنا عن نفسي والكثير ممكن اعرفهم عزفو عن الزراعة بسبب ذلك . واليوم سوف لن تكون هناك زراعة في المملكة العربية السعودية وسوف يخرج الكثير من هذا المجال كما يتوقع الاقتصاديين بنسبة 80% . ابو متعب مغيب مع سبق الاصرار . والله ما نبي لا دعم حليب ولا دعم شعير ولا دعم منتجات اعلاف لان كل ما قام ابو متعب بدعم شي ارتفع سعرة في اليوم الي بعدة على طول زي ما شفنا بالحليب والارز . الارز انا البارح مشترية الكيس الكبير الي كان قبل الدعم 225 ريال الحين 250 ريال يعني ارتفع 25 ريال بدال ما ينزل والحليب زاد من 4 إلى 6 ريالات للعلبة الواحدة حنا ما حنا في دولة معدومة علشان يدعمون المواد هذي حنا في دولة غنية إلى درجة الجنون وهذا كله من مصادر معدودة من احتياطياتنا في البلد بغض النظر عن الابار المقفلة وابار الغاز الي ما بعد استغلت من الدولة وما زالت اسطوانة الغاز بـ 18 ريال والله ما وصلت للهاسعر في الدول الي تستورد الغاز وبعض الدول الفقيرة وصلت إلى درجة تمديد الغاز زيه زي الما وحنا للحين على اسطوانات وطايرة بالسما اسعارها حنا نبي وضايف بالعربي نبغا وضايف والمفروض من الملك عبد الله يصدر امر لكل مسؤولين الدولة إنهم يقومون بتوضيف العاطلين عن العمل خلال شهر او شهرين المفروض يفتحون الوضايف في كل القطاعات الحكومية ماهو يرمون بنا في وجيه الشركات الي اكثرها تعمل من الباطن لصالح اشخاص اجانب عارفين انا مفروضين عليهم فرض يعني بالعربي يدور عليك الزلة ولا يعطيك مجال انك تتعلم شي او حتى تكون عضو فاعل في شركتة الموقره حنا ما نملك قطاع خاص قوي فيه مصانع انتاجية عالمية وتكنولوجيا عاليه علشان يحذفونا في وجيههم وبعدين حنا نعاني من اشياء كثيرة خطيرة واذا الدولة ما شافت الشي هذا وسوت له دراسة واعية الله واعلم في حالنا بكرة . الشباب السعوديين الي شركات القطاع الخاص تقول عنهم ماهم حقين شغل اي نعم ماهم حقين شغل لان لو نضرنا إلى وضايفهم الي مسوينها نلقاها ما بين سيكيورتي وعامل وهذي فوق ما هي إهانة لنا رواتبها ما تتعدى 1000 ريال ولا 2000 ريال إذا طارت بالعلالي وفوق هذا تلقى واحد من جنسية ثانية ماهو سعودي ما يقل راتبة عن 7000 ريال ومدير عليك بعد ويامر وينها ويعقدك في كل شي لين تترك الوضيفة وكل هذا علشان يقدم تقرير في أخر الشهر ولا في اخر السنة يقول فيه انا وضفت 10 ولا 20 سعودي ولا استمرو بالعمل وانا شخصيا اشتغلت في كثير من المجالات وكان راتبي 1250 ريال مع العلم اني متخرج يعني معاي شهادة جامعية وكان مكان الشركة يبعد عن بيتي 80 كيلو يعني باليوم رايح جاي 160 كيلو متر وعليكم الحساب وفي الاخير يقولي قطاع خاص وبعدين القطاع الخاص علشان ما نضلم بعض القطاعات الخاصة ماهم في حاجة ناس يعملون في مكاتب على الاكثر هم يريدون ناس يعملون في اعمال فنية وتقنيات معقدة واجهزة وغيرها ..... كيف يرمون بنا في وجيههم وهم لم يؤهلونا اصلا للعمل في المصانع هذا اذا كان هناك مصانع ... الدنيا قامت وما قعدت في سالفة السعودة السعودة السعودة السعودة والكل يتكلم عنها وعن نجاحها .. سعودة اية الي انت جاي تقول عليه .... سعودة ذل وإهانة ... شباب سعوديين في اعمار الزهو تلقاه شغال في بقالة ولا في سوق خضرة ولا في حراج الغنم ولا .. ولا .. ولا ... ولا .. ولا سكيوريتية حراس امن بالشوارع ولو تجي تشوف شهاداته تلقاها ثنوية وجامعة وكليات تقنية . بدال ما تقوم السعودية بالتطلع لكيف يكون كل الاطباء بالسعودية سعوديين وتتعب على ابنائها وتدربهم وترسلهم بعثات إلى الخارج جايين يقولون لي سعودة سوق الخضرة ولا البقالة والشغل ماهو عيب لكن هذا ما هو حل الرواتب متدنية وانا لما اشتغل ما ابغى بس اكل واشرب دخان انا ابغى اغير من حياتي ابغى اتزوج ابغى ابني بيت ابغى اعيش في عز وليس في ذل وهذا كله ما يوفرة الراتب الي يقولولونه في سعودتهم بالبقالات . . ووزراة العمل والعمال صارت بين نارين بين ضغط من الحكومة لتوضيف العاطلين وبنفس الوقت ضغط من اصحاب الاعمال الي تعطلت بسبب عدم وجود بديل للعمالة الي قلصو عددهم ورفضو يعطونهم تأشيرات عليها مما تسبب بهروب كمية كبيرة جدا جدا جدا بشكل مخيف إلى خارج البلد بسبب التعقيد الي شافوه وقامو يبنون مصانعهم وتجاراتهم خارج الدولة ومنها ماهو في دول الخليج ومنها ماهو في الدول العربية الشقيقة وبعضها برى النطاق العربي كله . . انت جاي تسوي مصنع ولا جاي تسوي تجارة قوية في البلد وهذا شي جيد عند الناس الي تفهم تقوم الدولة كلها بدعمك في الخارج وكذلك رخص اليد العاملة هناك لكن هنا تجلس سنة وانت تطارد لين ما يعطونك عمال وفي نفس الوقت كل عامل تبي تصرف عليه 2000 رسوم تأشيرة استقدام و 200 و500 ريال إصدار إقامة تخيلو واحد عندة مصنة واستقدم 100 عامل ولا 200 عامل هذا في الاول الحين في الوقت الاخير الدولة رفعت سعر التأشيرة إلى 4000 آلاف ريال تخيلو ياناس تـــــخــــيــــل بس وشوف الحقيقة بنضره صادقة وشوف البلد كيف صار ووين وصل .. بدال ما نسوي زي الدول الثانية ونفكر كيف نطور البلد ونطور المواطنين ونستغل الاموال الطائلة الي ما ندري وين تروح ... نسعود البقالات والدكاكين والحلاقين وكأن السعودية بين يوم وليلة وصل عددها إلى300 مليون نسمة . بدال ما نسوي خطة علشان يكون عندنا بعد عشر سنوات أو خمس طعش سنة نسبة 50% بالمية من الشباب مهندسين وعندنا 50 %بالمية أطباء و50% دكاترة واساتذة اكاديميين في الجامعات والكليات والمعاهد جالسين نفكر كيف نسعود سوق الخضرة .. بدال ما ندعم المنتجات الي جاية من برى بدعم منقطع وبعد الدعم يقوم التجار بمصادرة هذا الدعم ليه ما نفكر نطور قطاع الزراعة بحيث انا ما نحتاج نستورد شي من برى السعودية بخطة ممتازة حتى لو احتاج تطبيقها عدة سنوات . لماذا ما يدعمون التراخيص والقروض الزراعية ويجيبون لنا شركات زراعية كبيرة من برى نستعين بها في زراعة ما نحتاجة والارض الحدلله فيها خير من الله ينجح عندنا كثير من المحاصيل الي تخلينا نكتفي ذاتيا ولا نحتاج لاحد يتحكم فينا اخوكم ااابو حسن