أخيراً بعترفلكم من أنا !!!!!!!

:d هذي هي قصة حياتي امحطها لكم هنا لاتقولون طويلة

اقروها كلها واهم شي الأخلاق وحب الوطن

وكاتبها عشان ابوفوزان يقول لي من انت وتوقيعك وش قصته :p

ترى المخدرات موب زينه

لا تطلع للشارع ترى يجيك حمار القايله

لاتحفظ جدول الضرب لأن اللي يضرب الناس لازم ينضرب

لاتماشي مضحي وصنيدح وجفين لأنهم يشربون دخان تحت الدرج

^
^
^
هذي الجمل اللي فوق كانت اللبنة الأساسية لتكوين شخصيتي حيث ان الوالده كانت تخليني

ارددها كل صباح قبل ان اتناول جرعتي المفضله من الحليب لانني كنت في وقت المهاد

ومنذو ذلك الحين وانا حافظ هالكلمات عن ظهر قلب مدري بطنه .


( اظن ان الفصحي ميب راكبه علي خلوني اكلمكم بالعامية اصرف لي واصرف لكم ورحم الله شخص عرف قدر نفسه )

اللي ابي اوصله لكم من خلال هذا الموضوع اني ادوخكم بمقتطفات من سيرتي الذاتيه وطموحاتي المستقبلية

حيث اني كنت منحوس من البداية لأنه في يوم ولادتي بدأ صدام حسين بحربه مع ايران

ويوم وصل عمري ست سنوات طلق فدغوش بنت خالتي حصيصة وفي اليوم اللي بلغت فيه

خربها ابو عدي وهجم على الكويت وعندما وصل عمري مقتبل شبابي وعنفوان رجولتي

مات جدي دليم وبعد ماخلصت من الثانوية دخل اخوي دورة عسكريه في حفر الباطن مدتها ست شهور

وصرت طوال هالفترة انا اللي اتقضى للبيت اللي يبونه من البقالات والاسواق

وعندما بدأ شنبي بالظهور على شاشة وجهي بدأ في داخلي احساس اني صرت رجل واقدر اغازل:cool:

بدون مااخاف من احد وقدرت ولله الحمد على ترقيم وحده في سوق الغنم كانت حاطه فوق راسها علف

واتفقت معها على ان اكلمها الساعه 7 المغرب لان اهلها ينامون الساعه خمس العصر مثل الدجاج :d

وعندما كنت انتظر عقرب الساعه الصغير يوصل لثنعش وعقرب الساعه الكبير يوصل لثنعش

بعد الا اعلنوا في القناة الأولى قيام امريكا بحربها ضد العراق وتجنيدي اجباري

( نصاب اصلا السعوديه مافيها اجباري :d )

هذي هي قصة النحس اللي لازمني منذو مبطي وبعد ماحكيت لكم عن النحس احب ان اعرفكم على نفسي

علشان نتعرف على بعض عن قرب ونزيل الحاجز اللي بيننا :rolleyes:

@الأسم / للحين متمشكل مع جيرانا على الاسم يبون يسمون ولدهم مثل اسمي وانا رافع عليهم قضية

@ العمر / مدري بس لي مدة انام عند اهلي حتى انهم طفشوا مني واعلنوا في الجرايد

اني من اصحاب الفكر المنحرف علشان يصرفوني ويوم جت المباحث تبي تقبض علي

شافوا حبة الخال اللي في خدي واطلقوا سراحي .

@المهنة / عاطل مع مرتبة الشرف وجربت اشتغل في كبينه تليفون لمدة شهرين ماكملت نص شهر

الا اعلن صاحب الكبينة افلاسها وتمرمطت في الشوارع ابحث عن لقمة رزق نظيفة

( لقمة رزق ماتقرب لأمينة رزق ابد ابد )

@ العلامة الفارقه /

1_فلقه في نص الجبهة من سليم يوم كنت ابي آخذ فسحته

2_حولان في العين اليمنى بعد ماقبعت بماصورة يومي اطرد فأر في المطبخ

3_ رجولي الثنتين كلهن يسار

4_ مسمار ناشب في خدي اليمين من ايام الجاهليه ومفك عجل رابطه في اذني بالشطرطون

على بالي انها تعطيني مسحة جمالية



قبل لا أنسى أحب أقول أن هذا الموضوع برعاية /

@شركة اخوي للمقاولات اللي من يوم فتحها ومافيه احد شرى من عنده ولاوقع معه عقد

بس مايهم لان اخوي فاهم ان المقاولات رسالة وفن وهو مايدري وين الله حاطه

@ عصيرات ( اشرب ولاتهتم وان اعطيناك قل تم )

<--- اقلب وجهك انت وموضوعك ياحفيد تشارلتون

( ماادري من تشارلتون بس احس ان اسمه رزه ))

النهاية

لحظه معليش كنت ابي احط موضوع غير هذا وانا جاي وافتح المنتدى والاقي ابوفوزان

ناشب في حلقي ويقول من انت وهوما سك راسي ويهزهزه تقولون ما سك شجره عبري ويرجها

معليش رااح انزل الموضوع الي كنت ناوي اكتبه

دراما من النوع الحزين .. تذكرني بواحد حبيب من العيال .. شغله خارج المملكه وأول دوله يسافر لها العراق وبعد كم يوم من وصوله وتصير أزمة الخليج وقومو عليه واربطوه بشجرة كمثرى .. يوم شافو ما عندك أحد فكوه وجاك طاير ..
وبعد مده من وصوله أجتمعت أنا وياه قال لي خلاص المحطه الثانيه الجزاير ..وقعد يتكلم عن البلد كنها ديرته .. المهم اتصل علي من هناك قلت وش الاخبار ؟ قال أبد حظر تجوال وكل واحد قاعد عند دريشه ونتفرج على الدبابات ..وعلى هالحال راح للهند ويبلاهم الله بالطاعون ويقول ما فيه الاتلطم .. ثمن قرب عندنا وزرق للقاهره ويجيهم الزلزال ويقص قصته بالقاهره .. تسدح بالحدايق وسندوتشات فلافل ويوم وصل ما عرفته من الناموس اللى لاعب بجبهته .. وقصصه تطول ما ودي أقول شي ما ينقال ...يالله حسن الخاتمه ..

الحين ابو فوزان مشقي عمرك وخاش موضوعي

وفي الاخير بس جاي تقول سالفه خويك هو ونحاسته

طيب وانا اخوك سلم قال شي قل ياخي لا تتعود تكت بمثل كذا

وقفه صمت

<====== يسمع بالوقفات بس ما يدري وش السالفه

مبروك اخي ابوفوزان على البدله الحمراء الله يوفقك ويرزقك بنيت الحلال الي تسعدك وتوسع صدرك تالي عمرك

<=========== اقسم بالله من جنبها فيه النوم

ابوفوزان كلمه ولو بجبر خاطر والا حتى سلام من بعيد

شكرا على مرورك وعلى سدح معاناه خويك

أبو شوشه .. هذي وقفة صمت احتراما لموضوعك ـــــــــــــــــــــــــــــــــــــــــــ
والله يبارك فيك وعقبى لك بكل خير .. البدله الحمراء هذي سموكنغ والا فرساتشي ..
اوه نسينا نسلم . .

وعليكم السلام ابو فوزان .

تصدق فاتح مواضيعي وقاعد انفظ الغبار عنها

ياخي ما ادري الواحد يكتب ويعصر دمجته عشان يطلع قصه فكاهيه

وفي الاخير يجي واحد من عند الموضوع ياخذ له فره ويطلع حتى نظره ما يطالع فيه ؟

ابو فوزان الله يجبر بخاااطرك مثل ما جبرت بخاطري

تحياتي لك

شكل الواحد ما يتشجع يكتب موضوع والا يجيب موضوع ما فيه الا طريقه وحده اني اغير من السياسه

واحط عنوان يجذب المتصفح والناس الي تدور النسبه والمكافاه وبدل السكن وبدل ضيقه صدر والا ما فيها بالبريد

فيه موضوع رااح انزله عن كذا نشوف لعل وعسى احد يجبر بخاطري مثل ما جبرت بخاطري


اقول الي يقراء موضوعي ابي اعطيه هديه

اخواني وين تشجيعكم وحماسكم لي في اول موضوع كتبته لكم والا رمضان كريم

حسنه قليله تمنع بلاوي كثيره

لا أبد ما قصرت .. لكن وأنا أخوك لازم تعذر لأن المزاج العام مش ولا بد الايام هذي والله يجيب الخير في القريب العاجل وتتعب من الردود والشيل والحط والصبر زين ... ترى من أهم صفات الشوشه المتميزه الصبر لين تكتمل وتبلش بها ..

تسلم ابوفوزان بشد من وزري

الله يعطيك الف عافيه ومشكور وانا اخوك على الكلام المنمق

الا على طاري المنمق ما تبخر لي محل يبيع لمبات سبوت ليت ابي اركب سبوت ليت

في الاستراحه عشان الشباب يخشون جو حلو


وارغبهم فيها ههههههههههههههه

تحياتي العطره وباقه ورد من اخوك ابو شوشه

تصدق اني ناسي لا احلق شوشتي

تحياتي لك والي باقي الاعضاء الكرام

ابو شوشه
اسعد الله اوقاتك
اتيتك كالبرق ونظرت ماكتبت فوجدت .
عبارت تنم عن دهاء وذكاء
وحياة ملئة بالمشاكسات والفكاهة
يومك سعيد وصيامك مقبول انشاء الله

اشكرك اخي البرق

على تصنيفك لي من صنف الجوااارح

<======= تره ما يدري وش السالفه

اخي وحبيب قلبي برق اتيت لك مهرولا حين سماعي ان سعادتكم رديت علي موضوعي

يا حبي لك وانا اخوك

تحياتي لك