عندما يتميلح أبو شوشه عند البنات
اليوم نبي نسولف لكم عن سالفتن صارت لي هاك السنه
كشتنا انا وربع لي سملق وجحلط بالثمامه..
وش تتوقعون يصير حولنا انهار ومياه وبحيرات وزهور واشجار ووجه حسن!!!!
اكيد عند المخلفات والشبوك والقواطي
المهم بليله من الليالي المظلمه ونحنوووو متوزعين
اللي يلعب ورقه بلوت
واللي جالس يقطع بصل للطبخ
واللي يصفي انتل التلفزيون
واللي يشب النار
واللي ... الخ الخ
وفجأأأأأأه وبينما حنا كذلك إذ طفى الماطور علينا!!!
يعني خلص البنزين
والله انا اطمر انا وابو سعد رحنا للمحطه نجيب جيك (جركل او تانكي)) بنزين
وصلنا المحطه قعدت انا اعبي بنزين وصديقي ابو سعد دخل البقاله او راح للحمام مدري وين طس له
ماعلينا خلونا بالمهم
وقف بجمبي راعي هايلقس فيه بنات مبرقعات
راح ابوهن للبقاله
قلت فرصتك يا أبو شوشه تميلح قدامهن طلع مهاراتك
ابرز كل مافي جعبتك من قدرات لجذبهن اليك
استعرض امام ناظريهن;)
والله انا اروح للبقاله واحصل مشط وكديت شعري ( كان لي شعر هاك الوقت)ولمعت وجهي ورجعت بسرعه للجيك
وابوهن توه مابعد رجع قلت تمااااااام
وبينما نتبادل النظرات والهمسات;) ولي البنزين بيدي اعبي الجيك
نزلت راسي ودخلت عيوني بالجيك اشوف هو امتلا او لا
فجأأأأأأأأأه
فجأأأأأأأأأه
فجأأأأأأأأأه
فجأأأأأأأأأه
بووووووووووووووووووووم:eek:
طاش البنزين بوجهي تقل بركان اللهم ياكافي
وانا اصارخ من حر البنزين ووجع عيوني
والبنيات يضحكن
ويجي صديقي بسرعه
ويجي رجال ثاني وقعد يساعدني ويغسل وجهي بمويه صحه
ويمسح وجهي بالمناديل
وبعد شوي يوم فتحت وعينت من الله خير لقيت الرجال اللي يساعدني ابو البنيات
واخزيااااااااااااه:o
واعيباااااه:o
وين اودي وجهي من بناته
ماقصر جزاه الله خير
عقبها وانا بطلت مغازل وتميلح
نجي للمهم
يوم رجعنا لربعنا بالخيمة
صديقي راح يعبي الماطور
وانا رحت للخيمه ميت برد وتعبان
دخلت الخيمه((طبعا ظلما مافيها نور ) يعني محد يشوف الثاني
قالو العيال وراكم ابطيتو
قلت ابو سعد اخذ له مشوار للحمام
وانا جالس احبرش بالجوال
<<<<<<<< نصاااااااااب ذاك الوقت مافيه جوال:d
قصدي اقشع وجهي من بقايا البنزين
كان بجمبي جعجع يسولف معي
فجااااااااه
شغل ابو سعد الماطور وولع النور
مادريت الا اللي يصصررررررخ جعجع
يقول جنننننننننني :eek:
اثاريه شاف وجهي محمر ومبيض ومخضر من البنزين وخاف يحسبني جني
مالومه والله :)
يوم ولع النور يشوف واحد لابس ملابس كوره اسود باسود
وفروه سودا
ولابس طربوش اسود ومغطي وجهي ماطلع الا عيوني من البرد
ومع هالسواد الوجه صاير ابيض واحمر من بقايا البنزين
اكيد اللي يشوفني يحسبني جني
وبس خلصت هالسالفه :d
وقريبا مقاله مع مريم نور
ياعيباااااااااااااااه نسيت اسلم:p
السلام عليكم ورحمه الله وبركاته
