عرض للطباعة
يا أخي ليش هالبلبله الفاضيه فيما يخص تقويم الأداء الوظيفي
وكنك تقول محد عنده ضمير ابد ابد ... وكن كل الناس ضميرهم نايم وتغريهم المفطحات وغيرها ؟؟؟؟
ياخي لو تناظرون بطاقات تقويم الأداء الوظيفي تلقونها اجزاء بل جزيئات صغيره جدا جدا تخص فنيات أداء الموظف
طبعا اتكلم انا على بطاقات الأداء اللي تخص وزارتنا ... وما اعتقد ان غيرها من الوزارات تخلي الأداء صفحة بيضاء يتلاعب
بها قليل الضمير مثل ما يبي .... بالعكس اللي حطوا الأداء حطوه بعد دراسات وعشان كل صاحب حق ياخذ حقه ...
واللي على راسه بطحة يحسس عليها بالنسبة للشك.... لو ترقية الموظفين ما كانت تعتمد على بطاقات أداء
تشترك فيها لجنة عندها مصداقيه لتحققت المحسوبيات اللي تتكلمون عنها من خلال طرحكم ... لكن انا اعتقد انه
بالأداء الوظيفي حفظ لحقوق الموظف أو الموظفة .... راح ارفق لكم بطاقة اداء لموظفة وتشوفون جزيئات التقويم
...اداء فني وعلاقات وشخصية الموظف ... كل شي محسوب عليه ويتم التقويم من خلال العمل طوال العام بما انه
هناك لجنةللتقويم ... يعني لو كان واحد بايع ضميره مراح يكون الجميع مثله ...صح ولا انا غلطانه ؟؟؟؟
صدقوني الأداء الوظيفي لمصلحة الموظف وحفظ لحقوقة... والموظف الذكي يحتفظ بكل اعماله موثقة ويحتفظ بملف
خاص بكل اعماله وانجازاته ... ولحفظ الحقوق اكثر الموظف الذكي لو يبي أي شي من مديره يخاطبه رسمي وياخذ
صور من خطاباته وردود المدير عليه ... هذا لو كان عنده شك بمصداقية المدير لتقويم أداءه
تحياتي لكم
تقويم الاداء الوظيفى لاجدوى منه اذ كان هناك موظفين لهم خدمة فى المرتبه تمتد الى عشرين سنه بتقدير ممتاز ودورات ولايترقى والان اصبح مع التطورات الاخيرة فى الترقيه موظفين تم ترقيتهم ولم يكملو مدة اربع سنوات فى المرتبه ......ولا نقول الا حسبنا الله ونعم الوكيل وعندما تطالب بالترقيه يفيدونك ليس من حقك ان تطالب بالترقيه !!!!...وعلى عينك ياتاجر