-
كتف غزال
السلام عليكم ورحمه الله وبركاته
أعزائي
أخواني
اسدقائي
رفيق
<======== اخلص :mad:
وش رايكم في العنوان مهوب يا خذ العقل :rolleyes:
المهم ما أبي أطول عليكم أنا وأعوذ من كلمة أنا , تعرفوني أحب القنص وطلعات البراري
<======= متب عاقل يا قيس بن ام ملوح ( لا احد يسأل يقول وش جاب ابن الملوح )
إيه المهم طلعت مره مع مجموعه من الشيبان واصغر واحد فيهم عمره 37 سنه
<===== تكفى يا صغير
^^^^^^===== يا خوك لا تقاطعني خلني أكمل
<====== طيب اخلص علينا يعني ما ورانا إلا أنت وخشتك
^^^========= طيب
المهم طلعت وكنت ناسي الكمرة وقلت يا ولد مالك الا هيفاء قصدي مالك الا جوالك
وأقوم أصور بعض الصور الجميلة والتي تشق الجبهاا من جمال الطبيعة
والمشكلة بطارية الجوال برجين يعني وراي مكالمة ورسائل كا
المهم صورت لكم كم صوره حلوه عن الطلعة واغلب الصور طالعه فيها خششنا
وقايلين ممنوع تطلعون خششكم :icon_redf واخترت لكم أحلا صور
المهم اترك لكم مشاهده الصور واعطائي ارااائكم وبس
هذي يا طويلن العمر أول ما وصلنا قمت وشبيت النار وحطيت المعاميل
http://mskah.com/img28/uploads/6337de5c81.jpg
ترى هذي ركبه واحد من العيال هو الي صاد الغزال
http://mskah.com/img28/uploads/e2a75f2862.jpg
وما دريت الا والشباب ذابحين الغزال وصالخينه وما لحقت إلا على التقطيع
ماسكين كتف الغزال وقاعدين يحرحرون فيه
http://mskah.com/img28/uploads/3ae218a323.jpg
إيه هذوليهم يالله لقطت الصورة وهو يتهاوشون عليها
طيب نروح للنار والأباريق ويا سلام على النار والجو الرومنسي
http://mskah.com/img28/uploads/b8b850bbf0.jpg
شفتو ترى هذي عزبتي وأباريقي الله يخلف رجعت والأباريق نطلناها
المهم نرجع للقدر والتكشين
http://mskah.com/img28/uploads/7cc4c356ad.jpg
هذا طريقه تكشين البصل مع الطماط ومع زيت فرامل
http://mskah.com/img28/uploads/670575b373.jpg
نسينا نجيب زين واستخدمنا زيت الفرامل كلها زيت والهدف واحد
نرجع الي الأباريق هذا يا طويلن العمر والسلامه حليب
المقادر حليب السعوديه وسكر وحلبه (حلبه قصيميه )
http://mskah.com/img28/uploads/5f88ee350b.jpg
يا سلام على الحليبه يا هي كااايفه
ايه عاد مسكت معي واقوم ازين قهوه يا هي تصك في الراس من زينها
http://mskah.com/img28/uploads/a62dd6ed09.jpg
وبعدين نروح للقدر اوريكم الطبخه وريحتهاااااااااا جنان وياهي شي
http://mskah.com/img28/uploads/70f888d067.jpg
يوم خلصت الكبسه قمنا ندور الصحن عشان ننسب الغداء ومير ما حصلنا صحن
وانا الي تجيني الفكره الجهنميه واقوم والقط كم كيس عندي تحت المرتبه واقطعه ارباٌ
ونقوم ونسبنا ( كبينا ) الغداء يا سلام
http://mskah.com/img28/uploads/4f006231a5.jpg
وبعدين قعدنا ناكل وشبعنا وشربنا الحليب وشربنا القهوه الي تصك في الراس
تسدحنا من الشبعه وما دريناااااا الا واظلم علينا الليل
وهذي صوره النار في الليل
http://mskah.com/img28/uploads/4e62989ead.jpg
وجانا الذيب واكلنا ولا بقى شي منا حتى ساعة خويي لبسها
ههههههههههههههه
تبون بعد صور والا تكتفون بالقدر هذا
يالله عاد وروني ردودكم وما مدى اعجابكم بالصور
لحظه ودي اعلمكم شي عن اللحم تره هذي لحم الاضاحي سارقينها من اهلنا
مو تصدقون انه لحم غزال
حنا و جيهنا لحم غزال
هههههههههههه
يالله خلوني اشوف ردودكم الجميله
-
هههههههههههههههههههههه
توني بسئلك عن راااس الغزااال .. زين انك قلت كذااا ..ههههههههههههه
مع الحليب وين الزنجبيل يااا ابو شوشه ..
تصدق يااا زين الطلعااات فله واخر كلااام ..
إلا تعااال فيه مشاااركه في القصه السااابقه اقول لك فله تقول لي قصر اقول كيف الحااال انت طيب <<< اثنينهم مو فاااهمين ..هههههههههههههه
بالعاااافيه يااا ذيب ..
احتراامي ابو شوشه ..
بعد احترااامي بعد كل هذي الطبخااات اخاااف نطلع معك وننصدم انك مااا تعرف تطبخ ..
تراااني كاااشخ فيك عند الربع قول اذا كااان ماا تعرف تطبخ .. قبل يدعونااا في طلعه ونتفشل ...ههههههههه
يسلم راااسك بناااخذ معنااا كتاااب نطيره للطبخ .. براااشيم ..ههههههههههه
اشوفك باااحسن حااال ..
احترااامي تراهااا فوق نسيتهااا مااا بقول لك احترااامي لك ..<<<< رحـــــااال كيف الحااال ...ههههههه
رحــــــــــــــــااال...
-
-
ابو شوشة بالعافية عليك الصراحه الخرجه له طعم وخاص اذا فيها صيد ...
تحياتي