تستحق الترقية ياخوى

ترقية خويي في مجال عمله


تستحق الترقيه والرمز شاره
ياسامى بن يوسف
من رقى الأخشب تعلى باقتداره
صاملٍ يرقاه واعزومه متينه
معتلي الهفوات ماداس العثاره
منزله أرفع طويلات المدينه
خذ علومه لي لقيته وخذ قراره
عِلْم من فعله لفت علمه جهينه
والمسا شمسه تغط بْخد ساره
ابتهج نوّار واضحك ياسمينه
ذاك ولد يوسف نقوة حراره
نجم يرقى خارج الفلك بيمينه
نجم يرقى خارج الفلك بمداره
ما اتكل الا على الله هو معينه
داغش الكتف السمينه لا الفقاره
ماتفوته عبرة الفرصه الثمينه
والنداوي ميّزه حزِّة نداره
الفعل هب بالشكل لو الشكل شِينه
ناقـله لو والله هنّه فالصداره
وإن خشع برقِعْه فَافعاله تزينه
وان تعلى فوق ماضر انحداره
ولايدسم شاربك كود السمينه
ذاك لي يرهيك هو ساعة طياره
لا انقطع كل انقطع صوبه بعينه
سل عن النادر من المحظوظ ياره
الندى يقطِر على كفوفه جبينه
والخوي مرفوق من سنّ الصغاره
واخوياه اخوان ماتعرف الغبينه
مخوة عيال البدو أكسب تجاره
والفتــى يحييك طبعه بن دمينه
والعلــوم النيِّـــره عــز وبشــاره
والفتى صندوق مايظْهِر كنينه
حي راعي العلم به تعمر دياره
والجهول اعضاه من جهله دفينه
والف صلى الله على راعي البشاره
على رسول الله بِشْر الناس دينه


وسلامتكم