السلام عليكم
الجزء الثالث ويمكن الأخير من قصتي (( الرحلة الى كندا ))
كنت نايم في طيارة الخطوط الجوية العربية السعودية نحن بعون الله نرعاكم
<<<<< حافظ الدعاية
طبعا معفط نفسي في المقاعد الجانبية ام ثنين
<<<<< اونو
وفاق ها الخشة وسعابيلي تقوطر والعالم كلها نايمة
الا اللي قاعدين يشوفون برنامج وثائقي <<<< علشان يساعدهم على النوم
شوي واسمع في المكرفون
ياهوووووووووووووووووووه من قدكم وصلتوا لندن
وتشوفون العالم من الروعة اللي قمز واللي توزا تحت الكراسي
واللي تشهد واللي مادروا عن شي <<<< خيش نوم
لحظة
نرجع ليوم كنت مع ابوي في السيارة يوم يوديني للمطار
قال لي
ابوي: يا ولدي
انا وبكل ادب واحترام: هاه <<<<<
ابوي: صرررررماخ <<<< عطاه كف على هاه
انا: سم آمر تدلل
ابوي: ايه كذا
ابوي: اسمع اذا كان مطار لندن على خبري فهو متعب
انا: وش اللي متعب الله يرضى عليك ابركض ورى الطياره انا
ابوي : عطاني نظرة وقال بتشوووووووووف
عدنــــا
نزلنا من الطيارة
ومعي اللاب توب <<<< والله العلة بيعلمكم ان معه لاب توب
ومشينا في السيب (( في معنى آخر الرواق او الطريق او الممر )) فهمتوا
وقعدنا نمشي ونمشي ونمشي
..........
..........
..........
ونمشي ونمشي ونمشي
ونم.......
........
......شي
بعد ربع ساعة من المشي المتواصل المنقطع النظير <<<<< كيـــــف بس :d
وصلنا مبنى المطار
وانا شوي واصيح من التعب
وتذكرت كلام ابوي
وعرفت معنى النظرة اللي عطانياها
طبعا العجز اللي معنى وقفوا في نص الطريق يريحون
وصلت المطار وكان فاضي وهدوووووووووء
المهم رحت وقصيت البوردنج حق الرحلة الجاية اللي بعد 11 ساعة
لقيت كرسي وجلست
بعد 43 ثانية طقني الطفش
قلت خل اتمشى
والقالي محل يبيع الخرابيط التذكارية ومحل نايك للرياضة
وانا اقول في نفسي هذا مطاركم
يازين مطار الرياض
شرح ووناسة وهنود يوطون رجولك بالعربيات <<<<< مبسوط
المهم لقتي ممر منعفط أظلم يروع
وادخل معه و يا للهول دخلت على المطار الصزي
مليان ناس وبنات بدون عبايات <<<< سعودي
ومطاعم وكوفيات ستار بكس وباسكن روبنز <<<<< ترى هذولا اللي اعرفهن بس
شوي ويقوم واحد ويصفق ويصفقون الباقين واسمع في مكرفون المطار
طوووون طيـن طون ويلكم مستر توووونة طوووون طين طون
انا: افااااااااا جابوا خبري
والعالم اللي يصور واللي يسلم علي وانا مبسوووط
شوي وسحبوا علي <<<<< حسوا اني ما انعطى وجه
واتمشى وانا اقول ايه هذي المطارات ولا بلاش <<<< قلب
ما فيه هنود متسدحين ولا خرابيط ولا شي وانا امشي والزخ على وجهي ذيك اللزخة
والتفتت اناظر وش اللي طيحني
.
.
طلع هندي نايم على الارض <<<<<< وباء عالمي
المهم كملت جولتي السياحية في المطار والقا لي كرسي واجلس <<<<< لا يا شيخ
وفيني النوووووووم
طبعا العالم متسدحين اللي شوي ويطيح ولا رجله في خشت اللي جنبه
انا كان ودي انام بس مدري وش اسوي بلاب توبي <<<<< لاحول
ظميت اللاب توب على صدري كما تظم الام الحنون ابنها <<<< تراني ماخذ ممتاز في التعبير
ويشوفني السيكيورتي وشكله قال في نفسه هذا شكله ارهابي خل نتابعة <<<<< ما درى عن سالفة التونة
انا واعوذ بالله من قولة انا <<<< بعد ايش
ما طاع يجيني النوم قلت خل نتمشى
وامشي في ارجاء المطار واحس ان فيه واحد يلاحقني
يوم وصلت اقصى المطار قرب مني
انا قلت: هذا بيسرق اللاب توب <<<<< تكفون صفقوه
واظم اللاب توب على صدري كما تظم الام الحنون ابنها <<<< قد شفتها قبل كذا
وقف اللي يلاحقني ويديور وينحاش خمس دقايق وتجي كتيبه كامله من قوات امن المطارات وتحاصرني
ويتكلم رئيسهم
الرئيس: مستر بوسوسه
انا : يس <<<<<<<<<<< ياروووووووووووحي على النجليزي
الرئيس: دروب ذا بووم
انا: وشو <<<<< خار
اي بوم يا رجال فكنى الله يرحم والديك
الرئيس: شت أب
:mad:
الرئيس: دروب ذا بووم ولا ذبحناك
انا: وجع يتكلم عربي
الرئيس تنحنح وقال: دروب ذا بووم اور وي كل يو
انا: طيب بس علموني وينها فيه علشان ارميها <<<< على نياته
الرئيس: ات از وذ يو
انابعد ما تشصبت كني شماغ توه مكوي : هاااه..... معي
الرئيس: يس
انا : والله مامعي شي
الرئيس: كشلك ما تجي الا بالعين الحمرا <<<< مترجم
انا: والله تراني حبيب
الرئيس: تشااااااااااااارج (( الترجمة: هجووووووووووم))
ويطلقون 6 كلابة وقطوة <<<<< شكلها خاشة عرض
طبعا مسدسات الليزر كلها على جبهتي تقل طماطه
المهم وينط علي اول واحد واشوته <<<< اخس يالقوي
وينطون الخمسة الباقين ويسدحوني وما فيه الا تبقيس .
شوي وتجي القطوة
وهجدوا الكلابة ووخرو عني
مشت القطوة اللين وصلت الشنطة وتشمها وتموت <<<<< مخيسة:rolleyes:
طبعا انا خارت قواي بعد المصارعة مع الخمس اسود قصدي الخمس كلابة
ويمسكوني وويودوني لما مكتب الرئيس
دعاية
________________________________________
تونة ابو شوشه
http://mskah.com/img28/uploads/d334bb6719.jpg
لزيــــــــــــــــــــــــــــــــــــز
خلصت الدعاية
________________________________________
المهم ويدخلوني مكتب ظلاااااام كظلمة جحر الفار <<<<< بديت اشك في درجة التعبير
والكرسي حق المكتب ملقيني ظهره
ويكلمني الرئيس <<< هو اللي جالس بس ما اشوف وجهه
الرئيس: هذا جون سميث من الانتر بول
ويدخل جون من الباب
انا: هلا <<<<< من الروعة راحت الانجليزي
جون: وت
انا وين يلعب فريقكم فيه <<<<< يسمع بالانتر بول يحسبه انتر ميلان
جون وهو مفهي: وت
الرئيس: جون رح جب الشاهي <<<< مترجم
يوم طلع جون من المكتب طاح الرئيس ضحك
انا مستغرب واقول في نفسي وش جاه ابو الشباب
ويلتفت ويبان وجهه
يوم شفت وجهه
طلع
طلع
رحااال
رحااال : الانتر بول زي ال اف بي آي بس على مستوى العالم
انا: <<< ما زلت في حالة تفهية >>>
رحاال : ابو شوشه وش فيك
انا: هاه مين <<<<< راح فيها ضعيف
رحااال: انا سويت كل هذا علشان بغيت اسلم عليك
انا: يعني محد شك ان معي قنبلة
رحاال : انت وجهك وجه قنبلة يا راعي التونة
انا: وجع وصلتكم
رحااال : ايه ارسلها واحد من امريكا
انا: افاااااااااا
رحااال : يالله خلاص انقلع
طلعتو انا مرتاع ومكتئب
ورحت لاقرب مطعم <<<< بيعلمكم انه بعرف ياكل
واناظر الساعة صار باقي 6 ساعات على الرحلة قلت يا رجال ورى ماترقد لك شوي
وادور لي اقرب كرسي وانسدح مع العالم وأثبت الجوال
وخخخخخخخخخخ <<<<< تراه موب ضحك نوم
بعد خمس ساعات و 45 دقيقة <<<< سحب على المنبه
سمعت في اعلاانات المطار
بليز مستر تونه قو تو تياره <<<<< :eek:
واقوم واركض وأثر الطيارة في نفس المكان اللي جيت منه
يعني لازم امشي في الممر الطويــــــــل
طبعا انا اركض وثلاث ارباعي نوم ونص خشتي سعابيل حسيت اني بطيء
قمت ومسحت السعابيل <<<< هي اللي مبطئته
واسرع واسرع واسرع <<< خلاص
والعالم يصفقون لي زي حقين السباقات ويعطوني علب مويه
واسفها ( يعني انطلها ) عليهم <<<<< مسوي اخلاق
يوم وصلت الطياره
اسمع على اعلانات المطار
طووووون طيـن طون الرحلة المتوجهة لكندا تأجلت طوووون طيـن طون
انا:
:mad: قفلت
اعلانات المطار
طووووون طيـن طون هههههههههه امزح طوووووون طين طون <<<<<< يا ثقل دمهم ها الخواجات
ركبت الطياره واركض لما المقعد علشان اصير جنب الدريشة <<<< بزر
جلست وربطت الحزام
واقول في نفسي وانا اشوف ها الخواجات اللي شقراء واللي لابسة ولا شي <<<<< طبعا انا ما نظرت
خلاص ابو شوشه منتاب شايف عرب من بعد ها اللحظة
مكرفون الطيارة: ويلكم %^@^&@#^!#$@^@# <<<<< انا ما فهمت شي
اللي عرفته ان كابتن الطياره رونالدو <<<<< يشتغل اذا ما كان عنده مباريات
بعد ما طفت اشارة ربط احزمة المقاعد<<<<<< ناسخها نفسها
واطمر لم رونالدو والقاه يدقدق في الكبينة
قلت ما ابي اشغله
وارجع لمكاني وانا مشتهي عصير تفاح
يوم جت المظيفة قالت وش تبي
انا: ابل جووس
المظيفة: جوس ايه ياعيون امك <<<< مترجم للمصرية
انا: اجل وش عندكم
المظيفة: ويسكي وخرابيطه
انا: لالا وجع يوجعتس انقلعي
بعد ربع ساعة جابت لي المظيفة عصير الربيع
قالت : لقيته مع العفش <----- رحمتني
طبعا الطيارة ما فيها الا شاشة وحدة اللي قدام
موب زي طيارتنا اللي يخليها لنا كل مقعد له شاشة
شوي واسمع
"عن جد" <------ باللبناني
انا: وجع من ذا اللي يتكلم عربي
والتفت واشوف حريم عراقيات وسوريات ولبنانبات جالسات يسولفن
وما فيه الا حش <<<< مرض عربي
انا: اخيرا فيه عرب
عراقية: خخخخخخخخخخ
انا: وش فيتس
عراقية: ترى ثلاث ارباع كندا عرب
انا: افااااااااااااا
ويتكدر خاطري <<<<< مسكيـــــــــــــن
واعفط نفسي وانام
بعد خمس ساعات اسمع رونالدو يقول:
قوووووووووووووووووووول وي ار ان كندا
نهاية الجزء الثالث
مع الشكر الكبير للاخ رحااال للمشاركة في هذا العمل المتواضع ارجوا انه ما يزعل بس
وترقبوا الجزء الاخير من الرحلة الى كندا <<<<< حشى مسلسل مكسيكي
وهي بعنوان
(( ابو شوشه و مطار اوتاوا ))
ارجوا ان تكون القصة حازت على رضاكم
واشكر من قام معي بالعمل واشكر كذلك القلم الذهبي التي سطرت لكم هذه القصه
<===== مهوب هذا :d
كما اشكركم على حسن قرائتكم
وفي الختام اقول لكم ( حسنه قليله تمنح بلاوي كتيره )
تبون الصراحه انا اكتفي بالجزء هذا لسبب مافيه ممول للقصه ولا دعم مالي :d
