وربـي مايجيب فـراق

[frame="7 80"]وجـتنـي ..
تعلن التوبـه ..
وتذرف من مدامعها .. دموع العشق وذنوبـه
تقـول.. إسمع ..
أحبك حيل .. أحبك .. تكفى سامحني ..
بربك لا توادعني ..
أنا نبضك .. أنا دمّك ..
أنا عيونك .. وأنا جنونك ..
وأنا صبحك إذا ضمّـك ..
أحبك قبل لا أولد .. أحبك بعد ميلادي..

وياهـذا الجنون اللي .. نسجني..
وقطّـع أصفـادي ..
أحبك قبل لا يخرج أبونا أدم من الجنـه ..
أحبك قبل لا تعزف حروف الشاعر وجنّـه ..
وأحبك .. بعد ما يحـثــون .. على وجهي دفا ترابي ..
أحبك حب .. ماحبه أبد عاشق..
ولا مشتاق ..
وصمتك بلل الأوراق ..

ولكني تماديت بذنوبي حيل ..
وذقت الويل ..
أمانه كان بك روحي ..
تعاتبني بذاك الليـل ..
وجـروحـي ..

أنا أستاهل .. أنا أستاهـل ..
بدت تنزف على حروفك ..
على كفوفـك ..
على شعرك ..
على هذا الشتات اللي ذبحني وأشعل ظروفك ..

وكلي لـك .... كلـي لك ..
بربك لا توادعني ..

أحبك .. بعد ما يحـثــون .. على وجهي دفا ترابي ..

وفـجــــأه ..

مادريت ألا .. أضم إيدينها بيـدي ..
وأعلن رغبة المشتاق ..
وصار الليل ذا عيدي ..
بدت تبكي على صدري ..
وأنا من لهفتي .. مـشــتاق ..
وكنــك يالبكا عـذري..
أخذت أرتب حروف العشق .. في معمعة جوفي..
وما بين الحرف والنبره ..
تلاشى خوفها وخوفي ..

وقلت ..

أنتي عيـون الحب .. عيون الكون ..
وبـك مجنون ..
أنا أسامح .. لأن الحب ذا جامح ..
وعنواني دفا جفونك ..
وتراهم كلهم شافوني في عيونك ..
وشافوا صـورتك ..
مثل القمر .. في صافي عيوني ..

وأنا مسـامح ..

طعنتيني .. ولكن طعنتك زالت ..
بعد ماسالت دموعك ..
على صدرك وفـ كفوفي ..
وعرفت إنك ( نــدم ) ..
يعلن حياة العشق فـ حـروفي ..

وكلـي لك ..

يارغبـة في مدى الأعماق ..
ياعبره تسبق الأشواق ..
ياشمس وتذرف شعاعي ..
ياصبح أطول .. من شجون الأمل ..
يربت على أوجاعي ..
ياكل الحب.. كل الشوق ..
ونسبق لهفة الإشراق ..
وكلي لك .. كلي لك ..

وربي مايجيب فراق ..




( رعـد الـبريـد )
بلاأضواء.. ولاشهرة[/frame]

[frame="7 80"][align=center]بسم الله الرحمن الرحيم

رائع جداً حبيبي رعد البريد
الله يعطيك العافية
قريباً جداً سوف أعلق على درتك الغالية

تحياتي لك
إداري
marhba@saudipostal.com[/align][/frame]

رائع أخي رعد بروعة قلمك المتميز وكلماتك المنتقاه

تحياتي

لـــــــــــــــــــــــــــــــــــــــــــــك

ولإبداعا تك

[frame="7 80"]الغالي إداري ..
الـروعـة هي من وجودك ..
ومـرحبـا بك الأن ..
وحيـن تعـود ..


كل الـتقـدير
وماننحـرم[/frame]

[frame="7 80"]العزيـز بريدي 999

وما الإبـداع سـوى .. بعضـا مما عندكم
وما جاء إلا .. من روعـة قـرائتـكـم سـيدي



كل التـقديـر
وماننحـرم[/frame]