تمرة قدوع

خلاص ماعاد باقي مـن غرامك، غرام
ولاعاد باقي مـن ْشموع المحبّه ، شموع
وصلت لك بإحترام ، وبتركك بإحترام
مدامي أقفيت ؟ لاترجي وراي الرّجوع !
ياصاحبي ، والكرامة ترتـبط بالكرام
عرفت قبلك وعقبك ، ماعرفت الخضوع
الحرّ يرضى يموت ، ولايعيش ويضام
والذيب يَكسبْ ولايِكسبْ وقلبه قطوع
مافاد فيك التشرّه ، والعتبْ ، والملام
يومك تذوّقني التّعذيب من كلّ نوع
أسرفت في ذبحتي ، وأنا علي بالحرام
لجل المحبّه ؟ أحدّ السيف وأدحم جموع !
كنت أفعل إن قلت يوم الحبّ ؟ فعل وكلام
وأفزّ لامن زهمتْ وقلت (تكفى) وأفوع
قبلْ ؟ أنتظر شوفتك لو مرّه بكلّ عام
مثل انتظار التلاميذ لنهار الرّبوع!
واليوم؟ ماعاد يدفعني عليك الهيام
شبعتْ من حبّك ، وخلّيتك ْتموت جوع !
أبترككْ لسّهرْ واللّيل وحدكْ ، وأنام
وأبصبح ، وعاد عينك ساهره لطّلوع
وإن جيت طاريك؟ بمرّه ، ( مرور الكرام )
لادقّ قلبي ، ولاهلّت عيوني دموع
حتى السّلام ؟ إحتمال أبخلْ ، بـردّ السّلام
لاكان تسليمتك ؟ بين الشهر والسّبوع
بفكّ ريقي وأبفطر عقب طول الصّيام
دمعتكْ ؟ فنجالي ، وفرقاك ؟ ( تمرة قدوع )

وسلامتكم
منقوووووووووول

صح لسانك طميشة

تحياتي

http://www.asmilies.com/smiliespic/t...a0asmilies.gif

رائعه قصيدة الشاعر http://www.asmilies.com/smiliespic/t...milies-com.gif
( فهد بن عصيدان )

لك الشكر أخي " طيمشة ونيمشة " على الأختيار الرائع

أخوك بوعبدالعزيز