{ ابــتــهالــية }
http://abyat.com/pictures/poet_6024.jpg
الشاعر فيصل الباهلي
في بعض الأحيان أقول ليتني لم أكن شاعراً حتى اتفرغ لغيره وفي بعض الاحيان اناقض نفسي واحمد الله على أنني شاعراً
وهنا في ذلك اليوم عندما حوصرت من جميع الجهات تنفست بالشعر وحمدت الله عليه .
أنا لامن تولجني الحزن واستهترت فيني
هموم ٍ تدمي الخافق وزاد الهم تعزيره
وجار الغم واستفحل وضاق الكون في عيني
وتهت وضيعت متحير وزادت فيني الحيرة
أيمم وجهي وقلبي كسير ٍ رافع يديني
لرب ٍ عالم ٍ قادر رحيم ٍ ما أحد غيره
طلبته مجتهد خاضع , الا يالله تنجيني
من اللي حل بي واسرف وجاد وساد تأثيره
رجيته مبتهل يالله عفوك لاتخليني
ضعيف ٍ , تايه ٍ , حاير , أسير ٍ , قل تدبيره
وربي مايخيـبني لو إن الناس تجفيني
وانا مانيب جازع من قضاء الله وتقديره
أحمده واشكره واصبر إلين إنه يعافيني
واقول بقلب مستسلم وراضي جعلها خيرة
أبـــوالـــعز
