( مصطلحات حساوية ) قلجة = صعبة ..هاهاها زورونا
http://www.moq3.com/img/uploads/7K442926.gif
http://www.moq3.com/img/uploads/Gb143010.gif
http://www.moq3.com/img/uploads/VBh43048.gif
أخواني واحبابي ... أبناء وبنات البريد
لقد جمعت لكم ماستطعت من ( كلمات حساوية )
بعضها " أنقرض " والبعض الأخر لازال دارج ويستخدم حتى الأن
أتمنى أن تنال المشاركة ... ( إعجابكم ) ....
http://www.mamarocks.com/sumbun3.GIF
اشذاذا....... ايش هذا ؟
منطول....... مرمي يعني مجدوع بالارض
مغتلق ..... ضايق صدره
امحق ....... امممممممم والله مادري كيف اشرحها بس يقولون امحق عليك ... يعني مالت عليك
موَقل ...... يعني على شفا حفرة من النار.... يعني متردد
دهريز ..... مدخل البيت
حويجة..... تصغير حاجه
مقاقة.... امممممممم شلون تنشرح هذي..... يعني يقولون ماعندها مقاقه على البزران .... يعني مالها خلق على البزران
حمولة.... يعني قبيلة.. يقولون هذا الولد ولد حمولة يعني ولد قبيلي
طبينة... هذا اسم ريحة النخيل اذا حرقوها ...... والله ريحتها رهيبه
تراشي ... حلق الاذن
معاضد.... اساور
شحقة....يعني ايش حقه هذا
يزنط.... يعني يخنق ... تذكرون طاش ماطاش يوم يقول ... الله شذاذا حقيقة بيزنطوووونه
هطفة ... يعني مررررره طويل
زهبه.... يعني بسرعه
ينجب... اممممممم يعني يقولون انجب الغدا يعني حط الغدا
طرطور... ماعنده شخصيه
فريج.... يعني الحي اللي ساكن فيه
الله يغربلك..... هذه دعوة عليك
رياري....... يعني سعابيل ... لعاب بالعربي الفصيح
انطم..... يعني اسكت
ازعق .... يعني اممممم يقولون ازعق له يعني ناده
سكَان .... يعني دركسون السياره
مطيور.... يعني خبل مو عاقل
ودج.... عكس مطيور يعني يقولون للمطيور صير ودج يعني صير عاقل خخخخخخ
ألمَك.... يعني أضمك .... (اخمك بالقصيمي خخخخخ )
متحنجة.....يعني متحجبه ......لابسة شيلتها
الموسدة..... يعني الوسادة
سمادة .... حظيرة الحيوانات
عصقول .... الضعييييف مررررررره
منتفج.... عكس عصقول يعني الدببببب
لاك.... يعني اممممممممم يعني مثلا تقول هذي الجزمه لاكه علي ... يعني ضاغطه علي ( وانتوا بكرامه )
جغم ......يعني رشفه من شي ... مثلا عطني جغم من عصيرك
يزرط.... يعني يبلع من غير ما يهضم
من كل ينقل ... يعني الي عنده شي لازم يشارك ربعه فيه
مغماص .... يعني اممممممم مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا
شمخ.... جرح صغير
يترارا.......يعني يشف ... يقولون هذا الثوب يترارا ,, يعني شفاف
ذب ....يعني رمى يقولون ذبيه يعني ارميه
قميظة.... يعني حسافه
الناس مول.... يعني الوقت متأخر
لثد ... يعني دبق مثل العسل لو لزق باليد يقولون يدي صارت لثده
امردقك.... يعني اضربك بقوووووه
هبابك ...... يعني عساه يمديك
إدن.... يعني اممممممم يقولون إدن لي مكان يعني وسع لي مكان
الصكة...... يعني برا البيت ..يقولون فلان بالصكه يعني مو بالبيت
سويع ..... تصغير ساعه
امبطح.... يعني انسدح و تمدد
مدعجة ..... اللي يدعكون فيها الجسم تكون من " الفخار "
صوغه ....... هديه يعني اذا سافر واحد لازم يجيب لاهله صوغه
ماتعدينا.... يعني ما طلعنا من بيتنا اليوم
يتصوخ...... يتسمع ... يسترق السمع بالفصحى
هاش ام الطرور يطرك..... هاش يعني كعه على الوجه ...... وكلها على بعض ...سبه
مصخن ..... يعني حرارته مرتفعه
مخنود ..... يعني كسلان .. يعني اذا مثلا كلمت واحده بالتلفون .. و سمعت صوتها كأنها توها صاحيه من النوم او صوتها كسلان .. يقولون .. ايش فيك مخنوده
ملهوق..... مع شد الواو .. مشي حالك .. يعني مثلا تقول لواحد ايش في شغلك ملهوق .. يعني ماهو مضبوط
مديرع .... مع كسر الدال و الياء ... معناتها واحد مفتوحه ازرار قميصه من قدام ..و شكله ماهو مضبوط
مسركل..... يعني متعدل و هندامه تمام
هتل.. متهتمل .... يعني واحد غير مهندم .. متبهذل شكله
قظاره .... يعني باديه كبيره .. يقولون .. حطي المرق في القظاره
كمشه .... ملعقه
فضيخ ..... واحد غير جدي في حياته .. وماغير يكركر و يضحك .. بالعربي موسع صدره
كديج ..... يعني واحد معتوه و مفهي
متبربد .... واحد تعبان جسمه من الحراره .. يعني اذا طلع الواحد للشمس ..و كان مررره حر .. يرجع البيت و يحس جسمه تعبان و مبهدل
مستهوي .... يقولونها للشخص المزكم .. و فيه نزلة برد
متسلفط .... يعني منكمش من شدة البرودة
حواطه = سواعه..... مع شد الواو ..هي الحرمه اللي ما تقعد في بيتها .. بس طالعه تتمشى و تسير من بيت لبيت
كنديه..... بشد الياء .. الغرفه اللي في منتصف الدرج .. لاهي فوق ولا تحت .. بالعربي مثل غرفة عمتي
عسو .... مكنسه من عذق النخل
ماصخه .....ثقيلة دم
صم حصمصم .... يقولونها للبنت اللي بس ساكته .. يقولون لها .. هذي البنت صم الحصمصم
بجت ..... وصف للدجاجه في بعض اوضاعها يعني باضت .. و يقولونها اهل منطقة الكووت .. يعني مو كل الحساويه
سبابيج ...... سيقان .. يقولونها .. مثلا .. يا يمه مدي سبابيجك .. يعني مدي سيقانك او رجولك
زوليه..... سجاده
تدوده = تبهبه = طارت بوهته ..... تلعثم .. يعني .. امممممممممم مادري كيف اشرحها ..
متشاغبه...... يعني خايفه ..او قلبها يودي و يجيب .. مثلا ..وحده متشاغبه على ولدها لانه تأخر عن البيت .. يعني تفكر . ياربي وين راح . لايكون صار له شي ..
مرتخي .... مرتاح
تطرب .... بشد الطاء و الراء .. فرحانه او تتباهى به .. مثلا يقولون .. هذي الام تتطرب على ولدها .. يعني مستانسه عليه
دلاغ .... شراب .. جوارب
أهو .... عبارة للتحذير مثال ( أهو وخر عن طريقي )
تقبلوا مني كل الأحترام
أبوالعز
