قصيدة ( بيت حجر ) كل واحد وذوقه
هذه القصيدة لأحد خوالي أتمنى أن تحوز على رضاكم ونرحب بالأنتقادات الشعرية .
بيت حجر مبناه تسلم دعومه
يزهاه ميقافه جيلٍ بعد جيل
يرسي على عزه وتلعج غيومه
لو يتبع الرعاد برق ومخاييل
شامخ حجر ماهو طما من ردومه
ولازمّلو سبع الحجر فيه تزميل
بردٍ هوى ظله وعشقٍ سمومه
مرت عليه من التجارب تهاويل
ناسٍ سوالفها تقول معصومه
ناسٍ تسمى بالأسامي تماثيل
ياللي تخضون البحر وش لزومه
ياللي تخضون البحر هاكم النيل
من كثّر المركاظ تحفى قدومه
ومن شوّت الجدران توجعه بالحيل
لاصار بالميدان شعب وحكومه
خل السناقي داخل الدرج ياحليل
ومروا على بنده ونشوا شمومه
وألا على الراشد تزين التعاليل
وخذ لك على الساحل غفيه ونومه
أحسن من علوم كبار البراميل
جميلكم واصل وجتنا علومه
جملّكم الله ياهل الفطّر الحيل
زانت مقاصركم وذقنا طعومه
من العام الأول لي معك زاد ومقيل
ماقول بك لوهي تطيح مهدومه
ولاأنسى ولاننسى سلوم الرجاجيل
عاداتنا فزعه ونخوه وقومه
ولانضايق اللي قاصرونا على سيل
نكرم شواربها ونحسب قدومه
ولا روحوا جعله رفاه وتساهيل
ماخوتي لحظه وساعه وحومه
خوت شرف لهل البيوت المداهيل
وختامها صلي وبارك ليومه
حيثه شفيع للخلايق بتنزيل
