مدخل*
السلام عليكم ورحمة الله وبركاته
*مخرج*
وعليكم السلام ورحمة الله وبركاته
قبل كل شئ بما إن الاعضاء الجدد على قفا من يشيل أحب
أقول لكم اني عضو قديم جدن ولي مشاركات متميزة لكن صارت لي ظروف قاهرة وتركت المنتدى >>>>
فلنبتدئ بهذه القُصة الجميلة ياأبنائي الشطار
.
.
.
استيقظت ذات صباح على أصوات سقسقة العصافير فغسلت وجهي كالعادة ثم احتسيت كوبا من القهوة النيوزلاندية الطازجة التي تعدها أمي بيديها الطاهرتين كل صباح>>>امش
انتعلت حقيبتي وودعت أمي قائلا:وداعا ياأماه..فأجابت: بحفظ الله ياولدي.. ثم قابلت أبي في الردهة وقلت له وداعا
ياأبتي فقال وداعا ياولدي.. ثم قابلت أختي وقلت لها وداعا ياأختي فقالت وداعا ياأبتي (ياشين اللي خبط ولا يدري
وش يقول )
ركبت سيارتي متوجها صوب بوفيه الهنا لأتناول افطاري الصباحي(أجل افطارك المسائي )..لم أدري الا وانا امام
مدرستي الثانوية..فاستهلت مدامعي.. وتذكرت اسدقائي الدحمي وعبدالله وأنس والفحمة ..وتمثلت بقول الشاعر:
عفت الديار محلها فمقامها
غير البلى.. وتراوح الأحقاب
وقول الشاعر:
لا ذكرت الزمان اللي مضى والرفاقا
عود القلب يرجف مثل رجف المكينة
ومثل ما قال>>> كل تراب لو سمحت
ثم نكست للبيت وانا أبكي بكاء كثيرا>>> يوم انه صغير يسمونه ظلال الجاحظ
ورآني أبي وضمني الى صدره حتى كدت أن أفقد وعيي..وقال ماتشوف شر ياولدي ثم صك الباب وطلع>>> مشكلة
اللي يسمع بالحنان
جلست أهوجس قليلا..ثم عن لي أن أصعد الى سطح المنزل
في هذه اللحظة.... بدأت أسترجع شريط الذكريات
***************************
يوم اني بالمدرسة كنت رجل قوي البنية ومهاب الجانب...كانت معيارتي الرجل القوي..راح الرجل القوي وجا الرجل
القوي...كانت ترتعد فرائص الطلاب اذا شافون...تصدقون اني مصفقن ولد المدير اضافة الى ذلك كنت أتميز بالذكاء
والنظرة الثاقبة التي تستشرف المستقبل..مرة جان أسبك طالب بالفصل وكان عندنا اختبار انجليزي شفوي..قال تكفى
ساعدن والله لاباشر عليك بالفسحة قلت أبشر .. قال: اذا قال لي المدرس وت از يور نيم وش أقول
قلت قل له : I am a chicken
غني عن القول أنه أصبح ضحكة الفصل ذاك اليوم وحتى اليوم
.
.
.
من قدر الله علي اني درست المتوسطة بمدرسة (أهلية) أشبه ماتكون بالاحداثية..بعد النعيم بالابتدائي..منب متكلم عن
شيبان الفصل..لكن فيه نموذج مشرق لطلاب مدرستنا..هذا طالب بعمرنا تصدقون انه يتتن والعياذبالله... لا ويعزمنا نشيش
بقهوة أبوه..يلعن ام الحالة اللي تسذا..أجل لا جينا نتضارب بالابتدائي نتفق انه يكون بدون بقوس وتشويت..كل واحد
يحط ايدينه على كتف الثاني وندف بعض .. المتوسطة العكس..يجب عليك أن تتعلم مبادئ القوم..بدأت أدشر رويدا
رويدا..وتعلمت بعض الحركات اللي مهيب زينة..وصرت اذا عصبت على أحد أقول له وعدك الطلعة.. ..ذيك المرة قلته لابوي
بالصالة..قام أبوي وسوا حركة بانورامية قمت وانا بالملحق ...لامن جد كانت مدرسة وعة>>>بسم الله عليك...تخيل انك
تدرس بمدرسة كل شي متوفر فيها ..الواحد أقصى سبة يعرفه (ياحمار) وتروح لمدرسة كله عرابجة ودشير.. أجل طلاب ا
الفصل اللي جنبنا ماسكين مدرس التاريخ(مصري) ودابغينه لمين عض الأرض..مافيه قلم مانشبوه بجبهتوه ...شوف عيني
رايح لمكتب المديريصيح ..والله حاستئيل ..حاستئيل.. مش حأعد ولا دأيئة وحدة..قعد بمكتب المدير شوي طلع وهو
يضحك ...بس الصراحة وناسة كأنك رايح لملاهي مهوب مدرسة
الحمدلله ماطولت..ونقلت لمدرسة ثانية..تختلف 360درجة عن المدرسة اللي قبل شوي .. معامل وسنع.. وطلاب مؤدبين مثلي .. ثم انتقلت الى المرحلة الثانوية..وأصبحت طالبا مجدا يشار اليه بالبنان..وأصبح أبوي يفاخر بي قدام أسدقائه ..تصدقون اني صرت ماأطلع من المسجد الا بعد الفرض بساعة
تدرون ليه
قولوا ليه
لاني اذا طلعت القى شيبان الحارة صافين سرا كل يحلف علي اني آخذ بنته ...اللي يحلف واللي يطلق..والله ياولدي
ان تاخذ بنتي...علي الطلاق ان تاخذ بنتي ....لكني كنت أكرههم لانهم قراوه هه هه ..وأنا انسان هاي كلاس..دايم
أتعشى من بيتزا هوت
نرجع لموضوعنا..الثانوية
هذي المرحلة من أروع مراحل كفاحي المسلح..ذكريات رائعة..أذكر مرة سوينا هروب جماعي.. مع البوابة الرئيسية شافنا الوكيل قال على فين ياشباب قلنا رايحين..استاذنّا من المدير>>ماعاقت
ولا مرة سرقت سيارة أبوي الظهر..ورحت لحارة صديقي عشان يشوفن وانا أسوق.. وأخذت شريط أبونورة أنا حبيبي يعنني شباب.. المشكلة مسكر الدرايش عشان مايشك أبوي.. قسم بالله تقل ساونا
مع كثرة السرقات.. كفشن أبوي ودارت بيني وبينه هذه المحادثة.
هو:وين رحت
أنا:للبقالة
هو:وش جبت ورن أبتأكد
أنا:جبت فصفص وببسي ..ووريته الثلاجة
هو: وراك تسرق السيارة تبين أفقد ثقتي بك
أنا:تكفى >>>بنفسي طبعا
الصراحة ان أبوي كبر بعيني عقب هالكلام وجلست أناظره وعيناي مغرورقتان بالدموع
فما كان مني أمام هذا الموقف التراجيدي الا أن ارتميت بحضنه ودخلته بالثلاجة
الصراحة المواقف واجد.. لكن أبتركم مع هذه الوثائق المهمة التي تنشر لأول مرة
********************
هذي قصة قصيرة من روائع الأدب العالمي تقشعر منها القلوب الوجلة هي كالدواء للقلوب وكالنزهة للمرتادين ...
حازت على المركز الثاني بمسابقة المدرسة ونلت بعدها لقب أفضل كاتب مبتدئ من جامعة واشنطون ماشاسوتيس
اقروا وانتم مغمضين
وهذي أكبر برشامة في التاريخ...مكتوبة باللغة الهيروغليفية
مايستفاد:
مجرد سواليف..عشا ن أثبت لكم ان الأعضاء الجدد مهوب كلهم ماصلين الريس
تحياتي المضمخة بالعود الهندي
