المستخدمين وماادراك ما المستخدمين الترقيات
يسم الله الرحمن الرحيم
المستخدمين وماادراك ما المستخدمين
اولأ نعرف الموظف المستخدم
موظف رايح فيها من كل النواحي (واهم شي الناحيه المادية ) الدرجات الوظيفيه ثلاث فقط اللي هيه( 31 و 32 و 33)
يسئل احدكم ليش رايح فيها
اقولك ليش
خلنا ناخذ المرتبه 31
الراتب الاساسي 1095 بدل نقل 400 خصم 9% تقاعد الصافي 1396
اسئلكم بالله واحد راتبه 1396 هل يقدر يزوج نفسه وهذا راتبه
طيب خلنا نقول جاه فاعل خير وزوجه هل يقدر يصرف على بيته وهذا راتبه وهل يقدر يشتري سياره بهالراتب احسن شي يجلس عزوبي طول عمره ويمشي كعابي يروح من الرياض لين جده على رجوله على قول المثل الي مامعهوش ماليزموش
اوووووه قال اخر السنه جاتك علاوهيارجال انبسط ودع الفقر
كم ياربي طلعة 85 ريال وبعد مخصوم منها 9% تقاعد
بعدين عمال ماتجيب باسمك سجل تجاري ماتفتحه باسمك وظيفه ثانيه ممنوع تتوظف خلك على 1396
بعدين والله لو تتأخر عن
7.30 الصباح نخصم عليك من الراتب . الراتب هذا وش تخصم وش تخلي منه
رغم ان فيه مستخدمين لديهم شهادات اعلى من من الناس الي في المراتب العليا والله ان فيهم واجد سواقين واخويا وفراشين جامعيين بس حدهم الوقت عليها
ا ماعلينا نرجع لموضوعنا
بعد ثلاث او اربع او خمس سنوات ابشر يا ابو فلان ترقيت من 31 الى 32 خلاص انتهى امرك تزوج وخذسياره وخذلك جوال وانبسط
كم الراتب ياربي كم تتوقع بعد خدمه 5 سنوات
1815.5 ريال مره وحده كل سنة علاه 104 ريال
ماسوينا شي يعني يبيله عشر سنوات عشان يزيدله في راتبه 1000 ريال
خلنا نقول ما كمل الا خمس سنوات واخذ المرتبه العظمى المرتبه الكبرى المرتبه الي مالها وصيف اللي هيه 33 خلاص يافلان انت لك اللحين عشر سنوات في الخدمه خمسه قضيتها في 31 وخمسه في 32 اللحين ترقية الى 33 ودع الفقر من جد. الشهر الجاي خلاص بيكون راتبك 2593
ياسلام اللحين لما سار راتبي 2593 وانا كم عمري اولآ هذا الراتب ما يسوي شي بس خلنا نقول انه يسوي انا اللحين كم عمري بعد ماقضيت عشر سنوات لين سار راتبي 2593 اكيد اني طافح الثلاثين مافيها شك
ماعلينا قول عمري ثلاثين باقيلي عن التقاعد ثلاثين سنه يا اخي والله ماهي معقوله اجلس ثلاثين سنه في مرتبه وحده معقول اهل العلاقه ماهم عارفين الشي هذا ولا ساكتين كذا
يا اخي على الاقل خلوها عشر مراتب 31.32.33.34.35.36.37.38.39.40
الموظف لما يعرف ان هذي اخر مرتبه له يصيبه اليائس مافيه دافع له عشان يبذل مزيد من الجهد يقول اجلس على هالمراتب فرفر فيها طول عمرك
وبعدين ياليت المرتبه الاخيره مغنيه مادين تعمل فيها لين يوصل عمرك 50سنه واخر راتب لها خمس الاف ريال تخيل وانت عمرك 50 سنه كم ولد عندك وكم بنت كل واحد له متطلباته الخاص
بالعربي
المستخدم مستحيل يكون نفسه و يملك بيت مستحيل يملك قطعة ارض حتى مو بيت
المستخدم مستحيل يزوج نفسه الا في سن الخمسين بعد مايسير راتبه خمس الاف
اخر الكلام اقول للمسؤلين
اذا انت اليوم مسؤل او وزير ابنائك ما راح يطلعو وزراء مثلك
ما تقدر تظمن لهم انهم ما راح يطلع فيهم مستخدم
منقول ju
تعلـــــــيق
خادم الحرمين ماقصر ولن يقصر والدليل على ذلك هو القرار السابق الذي صدر لهؤلاء المساكين وطبق على جميع الدوائر الحكومية الاخرى والغريب ان البريد لم يطبقه يعني بالمختصر مشكلتنا من الحواشي الذين لايحبون الا مصالحهم ولكن اعظم كلمه هي ان تقول حسبنا الله ونعم الوكيل انها كلمه تكفي كل مظلوم
