يقول لك واحد تزوج
دوبه عريس
خرج من حياة العزوبية المملة والمقرفة
راح على الدوام الصباح
وعلى الساعة 9 اشتاق لزوجته
اتصل عليها وقال لها حبيبتي حضري لي الفطور أنا جاي للبيت نفطر سوى
قالت له من عيوني حبيبي
من الفرحة صار يغني في الطريق
رجعت زوجته دقت عليه وقالت له معليش حبيبي جيب معك خبز لان البيت مافيه
قال لها تؤمري أمر
بعد شوي دقت عليه وهو لسه في الطريق قالت له حبيبي الله يخليك جيب الخبز وجيب معك من اي مكان اثنين سندوش لي ولك
قال من عيوني يا بعد عمري
وكمل طريقه وهو يغني
رجعت دقت عليه قالت له حبيبي لا تنسى كمان تجيب عصير لي ولك
قال ياسلام انتي تؤمري
كمل الرجال مشواره ويوم وصل للبيت قبل يدخل ارسلت له زوجته مسج على جواله
قالت له الله يرضى عليك اذا دخلت ادخل بشويش علشان انا نايمة ومرهقه اجلس انت في صالة الشقة وافطر
قال بس كذه انتي تؤمري أمر يا بعد قلبي
دخل خوينا البيت وحط الفطور في الصالة وافطر وشرب عصيره ورجع خرج وقفل باب بيته وراح لدوامه
وهو في الطريق يقول ياسلام على الزواج كيف والحمد لله افتكينا من حياة العزوبية
تلاقي حرمه في البيت تهتم فيك
والله وناسة
هذه القصة حقيقية لاحد الزملاء في العمل عندنا
