عرض للطباعة
@SaudiPost_Care @CITC_SA
السلام عليكم ورحمة الله وبركاته
نحن متجر عاشق العود ونفيدكم بأن البريد السعودي قد اسلتم مننا طلبات للعملاء
وتم تأخير التسليم لهم وارجاع بعض الطلبات دون التواصل مع العميل والعذر انه لم يتم التجاوب
وقد تم الضرر بنا كسمعه وخسائر مالية
وارجو الرد
وشكرا
اذا العميل ما يتجاوب لاستلام الشحنة ، ايش ذنب البريد ؟اقتباس:
المشاركة الأصلية كتبت بواسطة كنق البريد
أكثر ما يشغلك اللي دافع طفايس ، و يحملك مشاكله و عملائه ..يحط رقم تواصل فعال ، و يزودهم برقم الشحنة ، أو يتعامل بالعنوان الوطني حتى توصل لأماكنهم.
البريد الآن مفترض يتعامل مع العنوان الوطني واصل اي عميل يريد ارسال اي.طرد الممتاز الشي الأساسي العنوان الوطني واصلاقتباس:
المشاركة الأصلية كتبت بواسطة بس كذا
اقول الله يخلفه بس خبراء وعقود وماني عارف ايش واستراتيجيه وخطط وبنكون مقاربين للشركات المماثله بعدد الموزعين واخرها متاجر عود وفنايل علاق ومنفاخ هواء شكل هالخبرات بتجيب لنا بساطات وين المواقع والمتاجر العالميه ؟الله يخلف بس الشركات المماثله سبقتنا بسنين ضوئيه واحنا باقين على متاجر محليه لا بعد يبون يشتغلون مثلهم بالتوزيع لا حول ولا قوة الا بالله مانقول شي سمعا وطاعه هذا الصح والخطط هي الصح
والله اغلب المشاكل من العملاء اعطيكم امثلة
عميل نتصل عليه مايرد على الجوال وقبلها جاته رسالة من البريد وخلصت مدة الحفظ وحنا يوميا نتصل ورجعنا شحنته بعد 20 يوم جانا للبريد وقال ابغى شحنتي قلنا ارسلنا لك رسالة واتصلنا عليك ماترد قال انا ماارد على ارقام غريبة قلنا طيب الرسالة شفتها قال ايه شفتها وحذفتها قلنا سوي بلاغ واطلب استرجاع الشحنة قال مالي علاقة انا جالس عندكم وابغى شحنتي بالله زي ذا وش تسوي معاه
عميل آخر جانا للفرع مسوي رجة ويقول ماجاتني رسالة ولا احد تواصل معاي وشيكنا على شحنته طلع رقم الجوال خطا نتصل عليه ويرد علينا بنقالي وعطيناه رقم الجوال طلع هو مسجله خطا في المتجر اللي مشتري منه وجاء بيضاربنا بس حظ كانت على آخر يوم حفظ وترجع واستلمها من عندنا
عميل آخر وصلت لعند بيته وقلت له الحساب 198 ريال قال انا احسبها 144 ريال لكن خلني اطلع اجيب لك 56 ريال والمشكلة اخذ الطرد معاه قال والله اني بطلع اجيبها واجي قلت وش يضمن قال انا حلفت لك ماانت مصدقني واخذ الطرد مني وسحب علي وماعاد يرد ودفعتها من جيبي وهذا درس لي اني مااعطي اي عميل الطرد لين يكمل المبلغ لويحلف من الحين لين بكرة
عميل آخر اتصلت عليه ورفض استلام الشحنة بعد يومين مقدم شكوى يقول مافي احد تواصل معاي
عميل آخر نتصل على الجوال اللي على الطرد يطلع جوال حرمة ويرجع زوجها يكلمني برقم ثاني ويقول تعال لي بكرة واجيه اليوم الثاني يقول تعال لي بكرة كمان واليوم الثالث جيته يقول انت ماتفهم انا اصرفك انا الحرمة طالبت الشحنة وانا ماابغى ادفع
كثير من العملاء ارقام جوالاتهم خطأ والبعض الاخر يرفض الاستلام والمفروض يتم ايقاف الدفع عند الاستلام لانها متعبة مرهقة للموزع وضياع لوقت الموزع
واذا تذكرت شئ آخر راح اطرحه هنا مرة آخرى
موظف البريد، أكثر شخص يتعرف على مشاكل العملاء العائلية هههههههاقتباس:
المشاركة الأصلية كتبت بواسطة موززع بريد
ومع امازون بتشوفون المصايب اكثر
العيب في الاداره وليس الموظفين
العنوان الوطني يحتاج الى تحديث اغلب العناوين وهميه!لان البعض يحتاج عنوان لانجاز مهمه فيسجل عنوان عن طريق مكاتب الخدمات خارج البريد او بالجوال وهو خارج المنزل فيتم تحديد موقعه،،،يفترض ان يتم تحديث العنوان الوطني للكل.
الاخوه ردو عليك لكن بضيف امرين مهمه
المتجر يسجل بينات ناقصه واحيان كثيره وحصلت ان المتجر يحطها الدفع عند الاستلام وبالاخير العميل دافع والعميل يقول لك دافع وفي النظام مادفع وهات افلام لين المتجر يعترف الخطاء منه
عميل يصحى اخر الليل ويقول لك ابي البعيثه ياحبيبي مافي دوام يروح يشتكي عليك
عموما اذا البريد او المتاجر يبون ينجحون الامر بسيط
الاول العنوان الوطني حتى ينجبر الكل يعدل عنوانه وينتبه على الجوال
المتجر يكتب هالامر في الموقع حتى لو اشتكى العميل فيه رادع قانوني
المتجر يسجل البينات كامله وبشكل صحيح ويتأكد منها
بكذا تنتهي ٩٠ في الميه من المشاكل
صدقت الادارة جالسين في المكاتب وشغالين ارسال اميلات وكل اميل ضد الموزعاقتباس:
المشاركة الأصلية كتبت بواسطة الإنماء
ياريت يحطون العنوان الوطني على الطرود لاننا في المكتب نتصل على العملاء ونقولهم ارسلو مواقعكم على الواتس اب ونطلع لهم لان على الطرد مافي غير الاسم ورقم الجوال فقطاقتباس:
المشاركة الأصلية كتبت بواسطة موج البحر
والعميل مافي شئ يرضيه تخيل عميل اتصل عليه الصباح يقول انتم وقتكم مو مناسب وبعدها بفترة حولت مساء واتصلت على عميل يقول انتم وقتكم مو مناسب
ويجيك عميل يكون تعامله معاك سيء ويصارخ واذا رديت عليه اليوم الثاني تجي شكوى على اميل المشرف ان تعامل الموزع سيئ ويتلفظ علي والبريد يوقف مع العميل
مرة صار لي موقف وصلت لبيت عميل وطلع لي ومعاه ولده ويقول لولده تعال سلم على الموزع تراه انسان زيه زينا مسكت نفسي ومارديت عليه كنت ابغى اقوله ليه ولدك يحسبني حيوان
والله مقابلة الجمهور شئ مقرف وصعب على الاقل اللي يجيك في الشباك وفي مكتب البريد يحترمك لكن مادام انك في الميدان وتوزع اغلب العملاء مايحترمك يشوفك بنقالي
نعم الادارة كل يوم يوقعون عقود مع عدة جهات والموظف يحاسب حتى على الراتبين والترقيات مع العلم في كل مكان الترقية حق من حقوق المؤظف بس البريد غيراقتباس:
المشاركة الأصلية كتبت بواسطة الإنماء