أقول المـوت فينـي

أول أقول المـوت فينـي ولافيـك
واليوم جعل الموت ياخـذ حياتـك
دامك تبيع انسان بالكون شاريـك
موتك ولاتوهـم لغيـري صفاتـك
فيني مشاعر كل ماانساك تطريـك
تلعن وفاهـا يـوم لاقـت رداتـك
وقف دقايق واذكر اللـي يواسيـك
جفف دموعك قبل تاصـل شفاتـك
تذكر تجيني تبكي الظلـم وابكيـك
واشيل جرحك "اجبرتنـي غلاتـك"
وإن غبت عني كل مابـي يناديـك
حطمت حلمي ورحت ألبي امنياتـك
ادري الجمال وسود الأهداب كاسيك
لكن حسافه .. عكس وصفك خفاتك
ياما رجيتك ودمع عينـي يحاكيـك
طاوعت نفسك وكلمتي اليوم جاتك
مابيك انـا بدنيـاي والله مابيـك
رح ياعساك بجرح ينزف شقاتـك
واول أقول الموت فينـي ولافيـك
واليوم فرحي " ينولد في وفاتـك "


ولكم احترامي،،،

اخوكم رحـــال...

بِكَ الشعر النبطي قد ابتنى عزاً *** كزميله الشعر العربي فطحلاً

فالقلم مسروراً لاقى أحبة غراً *** فلله درك كم أنت للمنتدى مبجلاُ


هذه بيتان أمدحك أيها الرحال ، فأنت صاحب قلم فَذْ

أخوك الفطحل

اهلاً ومرحباً بك اخي الغالي...في منتدى البريد العربي...

واشكر مرورك الكريم...

رحــــــــال...