(بنتن) تحدى للصعاب وقواها

قصيده خاصة بيوم البريد العالمي ألقيتها بحفل بريد منطقة القصيم باليوم العالمي ؟ الاخوان مسؤلي المنتدى أين برنامج تنسيق قصيده فهو لايعمل؟؟؟؟؟ وتم أرفاق القصيده منسقه



يوم البريد العالمي فيه نختال
.............................. تاضح به أعمال البريد ونماها
(ياهل البريد) الدرب محتاج لرجَال
......................... تاقف : وترمي ما مضى من وراها
تنسى زمان ٍ واضح ٍ فيه الإهمال
......................... وتمشي على درب التطور إخطاها
وأول بداياته عن الناس تنشال
............................... فكرة سنين ٍ عايشين بعناها
ومن يطلب التغيير من حال لاحال
........................... يصدق مع النفس بسبايب خَطاها
وتغيير فكر الناس يحتاج لاعمال
.............................. بالصدق والاخلاص ناصل مداها
وحسن التعامل (بسمتك) طولة البال
............................... (عنوان ) للجمهور لحظة لقاها
والصمت (حكمه) واثبت القول (بافعال)
............................. تلقى جميع الناس تعلن رضاها
وكسب الثقة مايثبته غير الاقبال
................................. إلى تزايد (بالبريد ) أعملاها
وترى الموظف له طموحات وآمال
............................ مهضوم حقه لين جاء من حماها
(ياهل البريد) تكاتفوا بيد رجال
.................................. حتى نرافق للنجوم بسماها
ماخاب ضن اللي موليه الاعمال
............................... (بنتن) تحدى للصعاب وقواها
فيه التواضع : صادق ٍ شال الاحمال
............................... دايم كفوفه (للموظف) عطاها
له وقفة ٍ معكم بها الخير مدهال
...................... (بنتن) عرف سر ؟ الجروح : ودواها
ياصاحبي لايكون همك هو المال
.................................... للمجد نرفع دارنا وانتباها
(المملكه) دار الوفا دار الابطال
.......................... (أم الجميع ) اللي سعد من نصاها
بحكم المليك اللي له المجد منوال
............................. (صقر العروبه) بالشريعه حماها
هو ذخرنا هو فخرنا رمز الاجيال
............................... مَد الكفوف اللي تزايد وفاها
(يسلم (ابومتعب) لنا طيب الفال)
............................. اللي مسح راس اليتام وكساها
وولي عهده للثقيلات شيال
............................. (سلطان) للمحتاج يروي ضماها
هذي قصيدة حب : والحب شَلال
................................. لاهل البريد اللي تزايد غلاها

ناصر الشعلان

الأخ / ناصر الشعلان صح لسانك على هذه الروعه 0

ســـلام هــالــنــاصرعلــى كــل ماقال 000 صاغ القوافي والمعاني بناها
حــكى عـن الـماضي وعـصرة والأطلال 000 وأعطى لحاضرنا شموخاً رقاها
تـحــيـة الــغــامـــض بــتقــدير وأجــلال 000 ال : ناصر الشعلان وألي قراها
000000000000000000000000000000000000

(((((((((( الـــــــغـــــــامــــــــــض ))))))))))))))
11 / 10 / 2006م

الأخ / ناصر الشعلان صح لسانك على هذه الروعه 0

صح السانك
الشعلان
تسلم ابيات جزاله

صح لسانك على هذه الابيات الطيبه ..

صح لسانك اخوي ناصر

مشكوور وما قصرت

ياليت تكتب فيني قصيده واكتب فيك قصة

وتسلم اخي الغامض على الابيات

اقتباس:

---

ســـلام هــالــنــاصرعلــى كــل ماقال 000 صاغ القوافي والمعاني بناها
حــكى عـن الـماضي وعـصرة والأطلال 000 وأعطى لحاضرنا شموخاً رقاها
تـحــيـة الــغــامـــض بــتقــدير وأجــلال 000 ال : ناصر الشعلان وألي قراها

---

شكر ( ناصر الشعلان )
على ماجادت به قريحتك الشعرية تجاه البريد ...........