عزيمه في الاستراحه

ابو شوشه وكعادت معاليه دائماً :d

قرر انه يسوي لكم نزهه بريه على حسابه الخاص (تكفى ياولد بعض الناس )

بعد ترقيته الي مراقب في قسم استراحة الأعضاء

و النزهه هذي غير عاديه وفيها مفاجأت حلوه وكثيره بعد

أهم شي فيها أنكم بتشوفون الشخص الي طالما (احبها طالما هذي )

تمنيتوا انكم تشوفونه شخصياً (نصيحه لاتوهقون وتسوونها )

الثاني اني ابشربكم كوكتيل من لبن الخلفات من الناقه الى المائده

ثالثاً فيه مراجيح وبعد زحليقات واللي يحب يركب دبابات ترا موجود

كل اللي مطلوب انك تسجل اسمك عند البيه ابو فوزان والباقي انساه

وبتكون هذي النزهه دوريه يعني كل خميس من كل شهر

هااه وش قلتوا موافقين ولا لا ؟؟؟؟؟؟؟:d

وما مطلوب منكم شي بس 50ريال وكم ماعون من بيتكم

http://www.sama.gov.sa/en/museum/iss...ages/3-50f.jpg

http://www.sama.gov.sa/en/museum/iss...ages/2-50f.jpg

http://www.sama.gov.sa/en/museum/iss...ages/4-50f.jpg

ولا يمنع اي شي يوكل خخخخخخخخخخخخخخخخخ

التجمع يكون دائماً عند بيت أبو فوزان الكائن في العليا عماره المملكة ( تره بيتهم )

يمنع وجود أطفال أو مغاتير ( البراقع ) ومطلوب موافقة ولي الآمر المسبقة

وأشوفكم هناك :d

طيب ترى ابا ارسلك الخمسين على رسالة الخاص اسرع من ارسالها لابي فوزان ثم هو يرسلها لك وذلك منعا للروتين الذي قد يقتل متعة الاجتماع بالاستراحة ..........وفقك الله ..........على هذه الفكرة الجميلة ................والاجتماع مطلب عزيز ................وعسى أن يتحقق بمباركتكم (مراقبنا ــ ابوشوشة ) والسلام ختام .........

اخى ابوشوشة

الضاهر رحنا احنا فيها

هذى اولها مطاليب 50 ريال

ونحضر للرياض لا وفى برج المملكة

الضاهر يابوشوشة بتودينا فى خرخر

بلاش يابوشوشة فلوس خليها شى ثانى مثل كل واحد يجيب معاة اى شى

ويقدمها لك 0وشكر على العزيمة مسبقا 0

اسير الشوق 0

ليه ممنع البراقع ؟ من الحين اشتغلت العنصريه ؟

اخوي خالد ابراهيم

الا وش رايك ارسلك رقم الحساب ووتحولي لي قطه الشباب كلها :d

وبعدين ابو فوزان محلفني انه تكون القطه معه وانا اخوك اخاف اصرفها

واهم شي وانا اخوك نبي الكل يلبس ترنقات ( يعني تكميله رياضه )

ايه فكره جميله تعرف الفراغ ولا ادري وش اكتب بالمناسبه هذي قلت خلني اجمعهم في الاستراحه

واخذ القطه واجيب لكم نواشف ترى الاسراف مهوب زين وباقي المبلغ ودي بصراحه ازين سيارتي :d

خلاص سجلت اسمك والوعد بعد صلاه الظهر وتكون الشمس واقفه على الرمح

<============== من جد تره ما يفقه بالامثال :d

ايه وجب معك كم حافظه فيها شي ينوكل لا تنسى

تحياتي

اسير الشوق

وش دراك انكم تبون تروحون حنى نبي نقعد كان تبون تروحون :d

ايه خاصه الي خارج منطقه الرياض يجي الله لا يهينه بالنقل الجماعي القطه ما تكفي النقل بالطياره :d

لا نبي نطلع للاستراحه ما نبي نروح للمملكه

والاستراحه واقعه في الثمامه بين مخرج 7 ومخرج 21 حلها:d

والي مهبو جاي يرسل 100 ريال عشان نعذره

<======== بدى يشتغل طراره

اسير الشوق لزم فلوس والا ما تطلع الرحله لها طعم عشان اذا تعشيت تقول انعم الله على قطتي

هذا اذا حطينى لكم عشااء هههههههههههههههههه


ايه لا تنسى جب معك كم حافظه واتمنى بعد انك تجيب ترمس فيه عصير برتقان

والمويه ترها من الحنفيه وش طعمها

ههههههههههههههه
اسير سجلنا اسمك وقطتك تبي تدفع انت 250 ريال رسوم اداريه

ههههههههههههههههه

تحياتي لك

أم ابراهيم مو ممنوع بس نبي ناخذ الحذر والاحتياط :d

وبعدين حنى ديمقراطيين

<=========== متشقق وجه من الديمقراطيه صار بعد يستخدم فازلين من كثر المشق

يا وخيتي هذي الاستراحه يالله لقينها ما فيها قسم نساء

وبعدين ماخذينها ومعنى اخواننا من السودان متشاركين فيها في نفس اليوم

وبعدين انتم يا الحريم نبي نوديكم لجزر الكناري الي ما ادري وينها فيه , فاصله ومن اول السط

وش رايك في الفاصله ترها متعوب عليها

ايه وبعدين بصفتي مشرف في القسم هذا رشحت نفسي عشان ما يكون فيها محاوش وتمعيط شوش

قررت اكون انا مرشدكم لجزر الكناري ههههههههه:d

ام ابراهيم ارسلي القطه 7500 ريال بدون التذكره عشان نبي نروح بالباخره :d

شكرا ام ابراهيم على تبرطمك على الموضوع

بشري عساك الحين انبسطتي ( هي تكتب بالسين والا الصاط )

لا تنسي هاا ترني علمتك

ماشاء الله عليك اخي بو شوشــــــــــه والله انت مرح الله ينفع بك الاخوان البريدين؟

اقتباس:

---

المشاركة الأصلية كتبت بواسطة تميم

ماشاء الله عليك اخي بو شوشــــــــــه والله انت مرح الله ينفع بك الاخوان البريدين؟

---

جزاك الله خير اخي تميم :)

اشكرك على مرورك وعلى تعليقك


يكفيني نظره او ابتسامه من اي عضو هذي في قي تسوي راتبين :d

تحياتي لك تميم

بوشوشة انت خطير خطير خطير وبل الثلاثة بل


اشعرفك يابوشوشة انى اتكلم هندى مافية فلوس مافية فلوس فلوس عند كفيل كفيل راه بهر

انتة مافية مشكل يعطى بوشوشة فلوس 250v,fdm hk]dh

رحنا فيها --وايد وايد 0

وسلملى على البتنقان الاسود0

اسير الشوق0

ما يسوى علينا حطيناك مشرف طلعتلنا محاسب 0ايرادات 0باااااااااااااااااااااااااااااااااال

مع اطيب تحياتى 0

حياك ابو شوشه والجميع الله يحييهم ... بيتهم ومحلهم ..
لكن لاتنسون بطاقة الدخول الخمسين اللي في الصوره مهيب الاوله ولا الاخيره الوسطى اللي تسلسلها 00000009/1
برج المملكه البرج الغربي والماريه فيه حارس وعطيته صوره من الخمسين وأهم شي التسلسل ...لا تأخرون ..

ههههههههههههههه

من اولهااا مناسبااات وخساااير..

وين وانت دااق صدرك وبسوي عزيمه عشااان الترقيه..هههه

وبعدين ما قلت الاسترااحه فيهااا بركه..عشاان نجيب السنااارات نصيد سمك..

وعلى مين السناارات...واصلاً وين السلف اللي ماااخذه منى عشااان الاستراااحه..واخرتهااا قطه..

طيب طيب نتفاااهم بعدين في الاسترااحه..

اشوفك على خير..

اسير الشوق وش خطيره لا تنكبنى لا احد يسمعك يقولون هذا الي مخططف الطائره :d

ايه اسير اتكلم عندي خذ هذي مثلا

اردو ارطا هيه

على فكره البتنقان الاسود يسلم عليك سلام كتير يقول لا تتخار بالقطه

وش محاسبه انا ما سك القطه حسيت ان ابو فوزان يبي يلعب فيها وهونت انا ابي اجمع القطه

ما يسوى علين كان ما تب جايب القطه ما فيه جيه خل احد يقط عنك

ههههههههههههههههههه

اسير الشوق راح اعلمهم يومكتخطف الطائره

راح انزل موضوع يومك تختطف الطائره :d

هلا ابو فوزان ايه الله يحييهم

ترني عازم الربع عندكم في مطعم ماريه

الا على فكره هو مطعم والا وشهو دايم امر من عنده وانا راكب باص مناحي

<========== يحب يركب باصات

وبعدين هونت ابي اخلي القطه عندي عشانك قمت توزع خميسنات للحراس والمشكله مصورها

والمساكين يحبسونها زكاتك الله يهديك وكل الخمسينات رقمها واحد

شكلنا ما نحن ما خذينك معنى هوناا:d

ابي اعلم الشباب انك انت الي قايل لنا اخطفو الطياره :d

اخي وصديقي رحال

وش خسايره كلها خمسين ريال اعتبرها قطه الشاهي في العمل

ايه كنت ابي اسوي عزيمه وناس حلفو اني ما ادفع ولا ريال ونبيك تمسكها والفايض لك حلالك هديه منا

وانا ما صدقت تعرف قرب العيد وودي افرح العيال بالعيد

وبعدين يوم دقيت صدري انكتمت اثر صدري مكربن يبيله مسكه خط:d

ما فيه سنارات الاستراحه ما فيه مسبح قصدي بركه والا ناوي تجيب اللستك الجمس حقق تسبح فيه

انا كلمت حارس الاستراحه الي جنبنا اذا طلعو اهلها نطب من السور وعلى المسبح بس جب معك لي لستك حق ددسن

ايه وجب معك 1000 ريال خمسين قطتك و 950 ابي سلف منك اردها بعدين :d

شكرا اخي رحال على السلف مقدما :d