اختطاف طائره المنتدى

السلام عليكم ورحمه الله وبركاته

اما بعد

اخوتي في منتدى البريد العربي

هنااك موضوع لم تسمعو عنهو

<========= يا شين الفصحه منك

اقول خلوني عامي ابرك المهم

http://www.4zz.net/show.php?pic=92171

اسير الشوق والناقد البسيط وانا معهم خطفنا طائرة المنتدى ...بتخطيط من أبو فوزان

اخليكم مع الاحداث الي صارت

برج المراقبة يتصل بالخاطفين : هل من أحد

الخاطفين : ألو نعم ,,,, يا الطيب ليش تدق وتسكر يعني بتوفرون في الفاتورة

البرج : نعم نعم ,, برج المراقبة يتحدث معك ,, عرفنا أنكم قمتم بخطف الطائرة ,,
فأخذنا رقمكم من شلة الاستراحة اللي عند الفحص الدوري

الخاطفين : أحلى يا للغة العربية المهم تامرانا بشي وإلا شيات

البرج : نريد أن نسأل هل بالفعل خطفتم الطائرة

الخاطفين : يا أخي تذكرني بالآنسة قواعد ..نعم نعم سرقنا الطائرة ,
وش فيها يعني مو حنا أول ولا آخر ناس يخطفون طائره وإلا شايفنا محناب رجاجيل

البرج : طيب وليش سرقتوها إذا ممكن

الخاطفين : والله يا لحبيب قال لنا أبو فوزان اسرقوها وحنا ما صدقنا من زمان ودنا نطلع في الأخبار

البرج : هل لكم علاقة بابن لادن

الخاطفين :أبن لادن اممممم أبن لادن أوهههه أكيد ما نشتري مواعين إلا منه

البرج : الله يرجكم هذاك سوق أبن دايل

الخاطفين :يا أخي يمكن أننا متغدين عنده يوم وإلا متعشين والله ما نذكر

البرج : غريبة مع أن أمريكا تقول أن لكم علاقة به

الخاطفين : يمكن نعرفه وحنا ما ندري أو أنه صديق ولد جيرانا ...هو راعي بلوت

البرج : المهم ما هي مطالبكم

الخاطفين : ما يمديك على اللغة ...مطالبنا والله مدري خل نتصل على
أبو فوزان هو اللي قايل لنا اسرقوا الطيارة , وما ندري وش يبي

الخاطفين : ألوابو فوزان يقولون وش تبون

ابو فوزان : اممممممم قلهم والله المطالب كثيرة وسجلو عندكم :


1 ـ يقولون فيه عضو بعدين نفصح عن اسمه اشغلنا بكثر مواضيعك
http://www.4zz.net/show.php?pic=92178

مايمدينا نزل موضوع إلا نلقاه في الصفحة التاسعة وبعدين خلوه يرد على مواضيعنا

2 ـ الناقد البسيط صح أنه من الخاطفين بس قولو له يخلي عنه المصاله أبو فوزان متوذي منه ,
المهم كانهم ما لبوا هالطلب أنطلو اسير الشوق من عندكم

3 ـ بلغوا تحياتنا لي ابو سلمان وجميع المشرفين وخاصه علي الامي خلهم يردون على مواضيع ابو شوشه

4 ـ خلو ابو شوشه يشيل الصوره السياره اللي في توقيعه تراه هبل بنا وخضتنا خض

http://www.4zz.net/show.php?pic=78334

5 ـ قولوا لبريد الشفا إذا نزّلنا مواضيع يعطينا وجه لنا كم شهر ما رد على مشاركة وحده
وإلا ترى اسير الشوق يبي بنشر كفرات الطيارة

6 ـ قولوا لأعضاء المنتدى وأنا أولهم الأخبار اللي تجيي في الجرايد لا ينقلونها للمنتدى
إلا إذا كانت غير عاديه أو لها علاقة بأعضاء المنتدى أو بأحد المواضيع التفاعلية

7 ـ من زمان وحنا ودنا نصير شعار بس ما أحد علمنا خلو الشاعر الغامض يعلمنا

8 ـ رحال يطالب المنتدى بهايلكس 2007 جنوط كروم وكالة
http://www.4zz.net/show.php?pic=92213

البرج : وجع كل ذي طلبات وش خليت للي بيخطفون الطيارة المرة الجايه

الخاطفين : لا باقي واجد بس محناب معلمينكم بها.. أسرار حربيه

البرج : طيب وش تطلبون الحين

الخاطفين : طيب شوي شوي نبي نبيييييى وش تبي يا اسير الشوق ...اااا
والله إذا ما عليكم كلافه نبي ثلاث وجبات (تشكن فيليه حار) من كنتاكي وببسي وترا معها هديه لا يلعبون
عليكم وما يعطونكم إياها تراها أهم من الوجبة ,

البرج : المقصود هدفكم من الاختطاف سمعنا أنكم سوف تفجرون الطائرة
في إحدى الوزارات أو في عمارة المملكة

الخاطفين : والله فكرنا في إدارة تعليم البنات ,,,بس قلنا حرام ,,, ومبنى المملكة تونا ما استانسنا به
اسير الشوق حالف ما نفجر الطيارة في أقل من برج أيفل بس المشكلة أن حنا ما ندله ونبيكم توصفون لنا

البرج : طيب كيف استطعتم خطف الطائرة و من وضع المخطط الدقيق لذلك

الخاطفين : ما فيه مخطط دقيق ولا يحزنون قال لنا ابو فوزان اخطفوا الطيارة وخطفناها .
الناقد البسيط واسير الشوق كانوا انتظار ويعرفون واحد في المطار وطلعهم على الطيارة
وأنا جيت للمطار متأخر كالعادة , وكالعادة تأخرت الطيارة وقعدت أكل سندوتش تونة
:d
وقتوه من السوق الحرة (أمحق) ومعطيني معهم شوكة مدري وش يبوني أسوي بها
وحطيتها في مخباتي وركبنا الطيارة وخطفناها بالشوكة وبشمغنا

البرج : شمغكم

الخاطفين : أية ليش مستغربين ..كتمنا بها سواقين الطيارة يعني اللي راكبين قدام لأنها
ما غسلت من خمسة أشهر وأغمي عليهم على طول

البرج : طيب ,,لم توضحوا الهدف الحقيقي لخطف الطائرة

الخاطفين : بكيفنا حررررين قال أبو فوزان اخطفوها وقلنا تم

البرج :Whaaaaaaat

الخاطفين : أقول لا يكثر الكلام وخل عنا المسبة
http://www.4zz.net/show.php?pic=92214

بصراحه الهدف الرئيسي عشان أمهاتنا يشوفونا
في التلفزيون ومعاد يقولون لنا يا الرخوم لأنها تحز في أنفسنا


وفي هذه الأثناء حلقت طائرة حربيه خلف الطائرة المخطوفة ,,,

http://www.4zz.net/show.php?pic=92205
وهو يردد بالميكرفون ,,,حرك يا راعي البوينغ وأسفط على اليمين !!
والشباب ما عاقت معهم ولبقوا بس ما عرف يوقفها اسير الشوق

http://www.4zz.net/show.php?pic=92184

والحمد لله لم تحدث إصابات

ارجوا أن أكون زرعت البسمه على شفاهكم
http://www.4zz.net/show.php?pic=92181
وللجميع تحياتي وتقديري

ههههههههههههههههههههههههه

اجل تقول ان ابوفوزااان قاال اخطفوهااا خطفتوهااا بس...مااا ني مصدق..

شكلهااا مااا عندكم قيمة التذاااكر وطلعتوا فيهااا وقلبتوهااا اختطاااف..

وبعدين احد يطلب وجبااات في الجو ..هههههههههههه...كيف الحااال ...هههههههه

وبعدين لا تبلشوني معاااكم ... ماا ابي سياااره ولا شي ومااا ني معاااكم..

وبعدين وين السلسله اللي معك ذيك الطويله اللي معلق فيهااا مفتاااح السياااره مااا لهااا تواااجد معك..

وبعدين..يااكثر بعدين..هههههههه..احد يخطف الطياااره بسكين بلاستك..

نشوف وش باااقي بعد الاختطاااف....

ربى يعطيك دائما الابتسامه والله انك شديتنى الى هذى المشاركه حتى اكملتها وفعلا ادخلت السرور على قلوبنا وهذى عاداتك اخى كل مشاركاتك طيبه وانت الطيب ومن طيبك تطيبنا لك دوام تقديرى وتقديرى واحترامى

اخوك ابوسمير

ما أعرفكم .. أصلا لي أسبوع ما طلعت من البيت ............

اخى 00 بوشوشة

وين رايح وين 00 اخوك خواف مررررررررررررررررررة 00 فى هذه الاشياء اكيد انت حلمان 00 صح 0

وبعدين انا منذ ثلاث ايام كنت فى دولة الامارت ومستانس فى طائرة الاير باص الاماراتية بصفتى 00 عضو -

والله لخلى حلمك هذا ينطح سيارتك السوبر بلاليه 00 قصدى لعبة الباليه التى وعتك بها فى استراليا

المهم سرنى اخوووى بوشوشة قصتك الجميله مرررررررررة 0


مع اطيب تحياتى لشخصكم 0


اسير الشوق0

مساك الله بلخير
تقول لك شهر ماشفناك راد انا عندي مشكله في فتح الصفحات اجل الصفحه تجلس معي نص ساعه يمكن تفتح ويمكن لا
مدري انتم تعانون نفس المشكله ؟ اتصال دي اس ال

وبعدين انت من تالي مواضيعك تروع ابن دايل ؟ خطف تفجير

:mad: مساك الله بلخير
تقول لك شهر ماشفناك راد انا عندي مشكله في فتح الصفحات اجل الصفحه تجلس معي نص ساعه يمكن تفتح ويمكن لا
مدري انتم تعانون نفس المشكله ؟ اتصال دي اس ال :mad:

وبعدين انت من تالي مواضيعك تروع ابن دايل ؟ خطف تفجير

:mad: مساك الله بلخير
تقول لك شهر ماشفناك راد انا عندي مشكله في فتح الصفحات اجل الصفحه تجلس معي نص ساعه يمكن تفتح ويمكن لا
مدري انتم تعانون نفس المشكله ؟ اتصال دي اس ال :mad:

وبعدين انت من تالي مواضيعك تروع ابن دايل ؟ خطف تفجير

وشفى يابوشوشه 00 بريد الشفاء


امكرر مواضيعه هذا اليوم 00لا ويقول امشغل 00d s l

اسير الشوق0

عاشو يابوشوشو نمشي ونمرح خل عنك الشلاخلاخ تحياتي لمن دمر حياتي

انا اقول ورى اذني تون اثاري ابو شوشه منفوشه الفضيحه سواها وعلم بس ماقال وش صار معه يوم رجع لعقله صار ثوبه من ورا وقدام خرايط من الروعه
وبعدين الشرهه مو على ابو فوزان الشرهه على الى يطاوعه من يوم خطفنى الطياره وهو مبلغ عنا يعني ماله خاتمه
والى ابوشوشه الذروق (الخواف) مسوي قوي وهو اول ماجا الجد قام يصيح ابى امي ابى ولد جيرانا
عاد اسير الشوق مصلح كوبوي رابط على راسه منديل وخر عنه اثريه قرقعت فناجيل ماعندك احد ماغير يزبد وكابتن الطياره مغير يضحك
يــعــنــي مــافيكم الى انا واعوذ با الله من كلمت انا

مشكور حبيب قلبي بو شوشه على الموضوع
والطائره لقـد ضموها أخيرا لمطار سموه والذي فيه خير يقـرب منها


ودمت طيارا بارعا

اخوك القلم العاقل

والله يا بوشوشه ورطنا مع الربع وهل الطيارة

ما لقيت غيرها الله يهديك ؟

اسير الشوق

شكرا ابوشوشة على الحوار المختلف وروح الدعابة وفقك الله .