ركضت الحق الهلرب ومتمرد افكارى
ابا روض الفكره على حالى الجارى
ابا اغضب عنان الطامح الجامع العاصى
ابا المس حنان الساهم الحالم السارى
ابا اجمع شتاتى عقب رحلات غرباتى
واناغم هواجيسى على باكى اوتارى
تعبت وجرحى - ياهل المعرفه - دربى
وطالت مسافاتى وانا اطارد افكارى
وراها توارى من ورا حاضر ايامى
وراها تسافر من ورا قدرة اسفارى
وراها توارى عجزى تشوفه عيونى
وراها تطير وكلى قيود واعذار
حبسنى رمانى بالثرى والسما حلمى
اغازل سحاباتى وانا اكتب لها اشعارى
اروح - لها صوتى مع رايح النسمه
واقول امطرى ياغيمتى خفت انهارى
ويمسى على الليل خالى وانا خالى
لا باح لى سره ولا بحت باسرارى
نجوم السما تدح وليلى بها ساكن
عجيب السكون بليل فيه الفلك جارى
ويافكرى الهارب ويانورى الغارب
بدونك فراشاتى تهاوت على نارى
وانا لو عذرت الغير مااعذر افكارى
انا مواطن افكارى ودار الفكر دارى 00
وسلامتكم 00
اسير الشوق00
