عرض للطباعة
وعندنا كل يوم شكواي وفعلا لخبطه في كل القطاعاتاقتباس:
المشاركة الأصلية كتبت بواسطة موززع بريد
تروح التوزيع تشوف الكل ضايع ومافي ترتيب في العمل واجراءته
تروح التجزئه ضغط عمل ومافي موظفين نقص شديد في كل المكاتب
ليش اخوي موزع انت وباقي الربع ترسلون للرئيس او تحرجوه وتجلدوه في تويتر وتمنشنون الوزير السواحه https://twitter.com/Anefabanomai ماهو معقول رب اسره راتبه يصرفه على عمله اسرتك اولى
عندنا مافي ترتيب للعمل لاننا نفس وضعكم عندنا ضغط عمل وعددنا قليل لأن البريد يوميا يوقع اتفاقيات بدون دارسة ومايدري كم عدد الموزعين في النقاط يوقع اتفاقية ويحول البريد على نقطة توزيع ومالي علاقة لوتجيك 500 طرد توزعهااقتباس:
المشاركة الأصلية كتبت بواسطة الإنماء
وبخصوص منشن الرئيس قبل كذا موزع كتب تغريدات ومنشن الرئيس وتم ايقافه عن العمل وتحويله إلى التحقيق يعني لوتكلمت من الحين لين بكرة حقك ضايع
لذا قلت يديرون العمل من كراسيهم واعرف وضع التوزيع معكم بشكل يومياقتباس:
المشاركة الأصلية كتبت بواسطة موززع بريد
وليش الواحد لما يتكلم بالحق ومايحدث يحول للتحقيق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
راسلوه على ايميله وفي تويتر واذا مافاد ارفعوا للرقابه وانكم تصرفون على البريد من رواتبكم
الله يكون بعونكم ويارب تنتهون من هالمعاناه
اذكر قبل اسبوعين واحد من الادارة اتصل على المشرف قال في النظام واضح فيه اكياس كثيرة مااستلمتوها قال المشرف الاكياس كثيرة لدرجة ان المبنى ماعاد يشيل من كثرها وعندي نقص موزعين رد على المشرف معاك ثلاث ايام اذا ماا استلمت الاكياس ووزعتوها راح احاسبك انت والموزعين قال مانقدر والموزعين يوزعون من الصبح لين المغرب او العشاء ويوزعون الجمعة والسبت مجانا قال مالي علاقة دبرو انفسكم
وجاء اميل قبل كم يوم للمشرف وهو بلغنا ان اي موزع اذا ماسلم في اليوم الواحد 25 طرد واكثر نعطيه فرصة ثلاث مرات اذا سلم للمرة الرابعة اقل من 25 طرد راح يتحاسب ويتحقق معاه ويذكر الاسباب اللي خلته يسلم عدد اقل من 25 طرد طيب حنا كيف نسلم وانتم حاطين خيار الدفع عند الاستلام واغلب العملاء يرفضون الاستلام وانا وش ذنبي اذا سلمت اقل من العدد المطلوب توزيعه
تخيلوا هذا تعامل الادارة معانا ومع المشرفين
المشكلة في الادارة وليست في الموظفين الموظف يعمل فوق طاقته ولاهو عاجبهم ولو تعطيهم وحده من عيونك قالوا اعطانا العين الي مايشوف بها زين شين وقوة عين .اقتباس:
المشاركة الأصلية كتبت بواسطة موززع بريد
هذا خاص بالاداره نفسها الداخليه ماوصل لنا ايميل بهذا الكل ولا احد يقدر يرسل ايميل مثل كذا هذا ورط نفسه وبشكل قانونياقتباس:
المشاركة الأصلية كتبت بواسطة موززع بريد
المشرف والموزعين بكل بساطه يطبعون الايميل بصفحته وتاريخه ثم
يرفعون للشؤون القانونيه في البريد في حال المماطله او عدم التجاوب لمده تجاوزت ١٥ يوم يتم التصعيد حتى تصل للوزير في حال عدم الاستجابه يتم رفع شكوى في المحكمه على الوزير وبشكل مباشر