اذا ما وصلنا التثبيت الإسبوع الجاي فراح يكون موعدنا 26 /3 والسبب ....||||
أعزائي وإخواني الموظفين أصحاب العقود والمستخدمين
بيض الله وجيهكم يا جماعة عند أنفسكم ووقوفنا مع بعض يدآ واحدة يدل على عدم السكوت عن أي حق من حقوقنا في موضوع التثبيت ..
ولكن لا تنسون إنة مر سنة ع القرار الملكي الآمر بتبيت جميع الموظفين أصحاب العقود والمستخدمين ..
وآنا معكم بكل شي وراح أكون أولكم إن شاء الله في المطالبة بحقوقنا من القرار الملكي والمطالبة بالتثبيت ..
ولكني أقترح عليكم تقديم موعد الإضراب عن العمل وتقديمة الى يوم السبت الموافق 26/3/1433 هـ
لان حن اذا صبرنا لموعد 4/4 فراح يعطون أنفسهم نفس ويقولون راح نثبتكم بعد أسبوع يعني بعد نزول مسيرات الرواتب لشهر 4 على السلم القديم(سلم رواتب المتعاقدين والمستخدمين) مثل ما حصل هذا الشهر ونزول يوم أمس مسيرات الرواتب للمتعاقدين والمستخدمين القديمة وإستفادة الشؤون المالية من ميزانية رواتب الموظفين المثبتين بالسلم الجديد.. ولازم نكون يدآ واحدة بداية الأسبوع القادم يوم السبت 26/3/1433 هـ ونضرب عن العمل والوقوف أمام الإدرات في جميع مناطق الممللكة دون إستثناء أي منطقة ..
وحبيت أنبهكم بنقطة قد تغيب عن الجميع وهو عدم مصداقية الخبر اللي نشر أمس بموقع تواصل واذا كان الخبر حقيقة بالقريب العاجل(ع قولتهم) فلماذا لم يتم إرسال ع الأقل مراتب وأسماء الموظفين أصحاب العقود والمستخدمين على إيميل كل موظف منا.. وتذكروا إنة تم تثبيت موظفي التربية والتعليم وعددهم ضعف موظفي البريد 6 أضعاف وتم أبلاغ كل موظف بمرتبتة المستحقة وإعطائهم موعد يوم الأربعاء بتسليمهم المحاضر ..
وتذكروا سالفة الخماش مع البريد السعودي وإفصاحة بعدم شمولهم للقرار الملكي وبعدها بيوم تم إرسال كلمة الرئيس وتهنئتة بتثبيت جميع موظفي البريد السعودي وشمولهم بالقرار الملكي ومن بعدها بيوم تمت إقالة الخماش ..
فهذا هو حالهم زي ما تشوفون
أمس أرسلوا البشرى ع موقع تواصل لتهدئة الأوضاع وعدم الأضراب وراح يكون المماطلة منهم كعاداتهم من بكرة في بكرة وطفح الكيل ..
الوعد قدام يا أخوان واللي يؤيدني بالتاريخ 26/3/1433 ه يدلي براية واللي يشوف نأجل ماعندي مشكلة بس حبيت نآخذ الأراء من الواقع اللي نشوفة ونعيشة من البريد السعودي وعدم إعطائهم وقت أكثر من السنة اللي راحت من أعمارنا بدون جدوى ..
ويمقن تزبط أمورنا ويمقن لا
