يا جماعه بخبركم عن سوالف حقيقية تصير بين الحريم
يعني من باب الحيطة والحذر وبعد علشاان تعرفووووون تفكير الحريم كيف
صحيح ان الحرمه تغار من الحرمة لكن وقت الشده كلهم يد وحده وخاااصه لما يكون المووضووع فيه رجال . .
الحين تعالوا بخبركم عن سالفة من صج صارت .. .
كان يا ماااااااااااااكان . .
والله حااااله ..
نخوووووووووووش دوووغري عالموووضوووع
الحلقة الولى
تذكرووون وقت ما كان اسبووع المرروووور . اكيد تذكرووونه لأنه معظمكم ما طلع سيارته هاك الأسبووع .
والله وناااسة ايام قبل اسبوع المرررووور يسوي رعب للشباب . . يخاافون يطلعون سياراتهم ..
ما علينا نرجع لمحور حديثنا
تراها السالفة طويلة . . بتملوون منها . . بس بالنهاية وناااسه
سلمكم الله اياام اسبوع المرووور ..
وانا كنت طالعه من المدرسة بمعنى شارده وما ابا احد يشوفني من الإدارة وإلا الاخصائية تلمحني وتناديني وين وين
الله ياخذ العدووو اسكتي . .
فقالت هااااااااااااااااااااااااه شارده والله بخبر وإلا قدمي لي هالخدمه
طيب وش هي بسرعه ولا تطولين
الحين الشرطة مطرشين لنا فاكس يبون وحده منا تحضر الإجتماع التحضيري لأسبوع المرور بالمديرية وما عندي غيرج ارجووووووووووج وإلا اخبر ..
فقلت امري لله خل ارووح والإجتماع ان شالله ساعه وما يطول
وحضرت الإجتماع وانا على بالي بيعطونا جائزه فسجلت اسمي بالورقة اللي مررووها علينا ورقم موبايلي وكل بياناتي . .
المهم طلعت من المديرية وانا خايفه احد يشوفني يشك فيني وإلا شيء وش عندها فلانه بالشرطة هاااااااااااااااااه
المهم بعد اشبووع وإلا الجماعه متصلين على ما رديت
اتصلوا علىالمدرسة فلانه الفلانية لازم تحضر اليوم للمديرية بشأن اسبوووع المرور ..
ومن هنا لزق اسمي بالتحضير لأسبوع المرور . . لكن هنا عاااد انا لزمت وحلفت ما ادخل لوحدي لازم مع طالبات وإلا شلووووووووووون العالم يشكوون فيني لالالالالالالالالالالالالالا . .
مع بنات أأمن يعني من جهة رسمية والبنات بالزي المدرسي يعني رحله علمية عادي .
ما اطول عليكم دخلت المديرية ومعي مجموعه من الطالبات وحضرنا الإجتماع وخلصنا وجينا طالعين
طالبة من طالباتي حلفت ما تطلع إلا تشوف اخوها الضابط .
اتصلت عليه من موبايلي .. وقالت له انا عندكم بالمديرية تعال شوفني
حضر اخوها الضابط وسلم علينا ودقينا سوالف وياه واستانسنا فطلبنا منه ياخذنا بجوله بالمديرية واقسامها . . المهم جند لنا موظفة وجاب لنا الإذن بدخول بعض الأقسام .
وقبل لا نرجع مدرستنا طلبنا من اخو طالبتي الضابط يزودنا ببعض الصور الخاصة بالحوادث وما قصر ويانا
كلف الموظفة الخاصة بالكمبيوتر ان تعطينا بعض الصور للحوادث اللي من النوع الثقيل يعني الرعب ..
وبعد قالها لا تنسين تعطيهم الفلم
هني استانسنا فلم
فقال لا تستانسوون وايد فلم قديم العام الماضي قدمناه وفزنا بالمركز الاول فيه يعني عادي تاخذوونه ..
سألته والسنه شو مشررووووعكم
فقااااااااااااااااااااال هذا سررررررررررررر
ودعناهم ورووحنا لمدرستنا
نكمل الموضوع باجر .
