عرض للطباعة
على اد لحافك مد رجليك"
"الغاوي ينقط بطاقيته"
"قليل البخت يلاقي العضم في الكرشة"
جمل قصيرة لكن مليانه حكم
تراثنا مليان أمثال كتير
لكن بما ان انا من هواة كل ما هو قديم وكل ما يمت للتراث بصلة
فأنا فكرت افتح الموضوع دة للمناقشة عشان اللي يعرف امثال قديمة يبقى يكتبها
عشان نحتفظ في ذاكرتنا بالتراث دة ولانفرط فيه كدا
ويفضل حي جوانا، مش يتحول لذكرى ويطويه النسيان
في انتظار مشاركاتكم
فكرة جميلة .... الله انتوحتسبونيش وحدي لنحافظ على الماضي
ويحضرنى مثلين وأتخذهما قاعدة فى حياتى
الأول " ما يحكش جلدك الا ظفرك فتولى انت جميع أمرك " .....المثل دة مهم جدا فى حياة اى انسان وطبعا كلنا تعرضنا لموقف اعتمدنا فية على الاخرين ثم خذلونا ..و تمنينا لو قمنا بة بأنفسنا .
ألثانى " أصبر على جارك السو ..يا يرحل ..يا تجيلة مصيبة تشيلة "
ودة افتكر واضح ...حيث يدعو الى الصبر على المكاره
معقول كدا:cry:
الحبيب رعــــــــــــــــد اليريد
المثل الثاني فيه من العبر الشى الكثير في وقتنا الحاضر
المهم من يعتبر
وماننحرم منك
سيدي
بسم الله الرحمن الرحيم
السلام عليكم ورحمة الله وبركاته
كل الشكر اخي الفاهم ولي عودة ان اراد الله
حبيب قلبي بريد مشكور اخوي الفاهم غلط
جمعتلكم شوة كده امتال ويارب تعقبكم
عيشك يحلالي يا خالي .. ده من قلة بختي يابن اختي"
لو كانت بيضة الفرخة لقيَّه يبقى جوز البنت هدية" مثل حمواتي
"اللي تعوفه تعوزه"
"اللي ما تطيقش وشه يحوجك الزمن لقفاه"
"يا مستكتر الزمن أكتر"
خد م التل يختل"
"على ما تتكحل العمشة يكون السوق خرب"
"العيش مخبوز والميه في الكوز" تقال للضيف للدلالة على وجود الخير بالمنزل .
"إن كنتوا نسيتو اللي جرى هاتوا الدفاتر تنقرا"
"اللي خدته القرعة تاخده أم شعر"
من كتر بناتنا ناسبنا الكلاب" مصاريه اخرزمن
وكفاية عليكم كده النهار ده
[align=center]بسم الله الرحمن الرحيم
مشكور أيها الفاهم غلط على ما تقوم به من جهدٍ مميز بارك الله فيك
تحياتي لكم
إداري
marhba@saudipostal.com[/align]
موضوعي عجبني اوي وانا بما اني بحب التخصص في كل حاجه حبيت اليوم اشارك بامثال عن
القطط
- ان غاب القط العب يافار
- القط مايحبش الا خناقه :?
- زي القطط تاكل وتنكر
- تجيب في سيره القط يجيلك ينط
- ولا اي اي ولا كل قط يتقاله يامشمش
- الي يلعب مع القط يتحمل خرابيشه :
كفايه كده؟؟
حبيب ألبي صامت عقيب مشكورومستناك
متتأخرشي عليا كتير اوي:cry:
كتب
[grade="00008B FF6347 008000 4B0082"]مش فاهم معنى الاتنين دولاقتباس:
"يا مستكتر الزمن أكتر"
"عيشك يحلالي يا خالي .. ده من قلة بختي يابن اختي"
حد يفهمنى يقماعه[/grade]
الشرح :
"يا مستكتر الزمن أكتر"
يعني لما ربنا يرزقك بفلوس ما تستكرهاش وتقول ده أنا بقى معايا فلوس كتير ، لأنك ما تضمنش ح يحصل إيه بكره ، فلازم تعمل حساب الأيام مهما كان عندك .
"عيشك يحلالي يا خالي .."
لأن ابن الأخت دايماً تلاقيه مرتبط بخاله وبيحبه ، لأن الخال والد زي ما قلنا ، فدائماً ياكل عند خاله ، وبالتالي بيقول له "عيشك يحلالي يا خالي" يقوم يرد عليه الخال ويقول له (ده من قلة بختي يا ابن أختي" لأنه مستلمه في الرايحة والجاية ياكل عنده .
مع التقدير والإعتذار( للغالي الفاهم غلط) وأسف مكانك في القلب
وكلكم عينين في الرأس إنت وأخونا رعد البريد
الله يعطيك العافيه
تحياتي
اخى
تسلم رائع
اقتباس:
مع التقدير والإعتذار( للغالي الفاهم غلط) وأسف مكانك في القلب
وكلكم عينين في الرأس إنت وأخونا رعد البريد
عينيا يا جميل بس كده بسيطه اوي انت تأمر
اتشرف بمعرفتك
طيب ماهوانارعدالبريد زات نفسه:)
اخاك
الفاهم غلط
امزح لاحد يصدق
امثال تانيه اهي
نهيتك ماانتهيت والطبع فيك غالب ديل الكلب عمره مايتعدل لو علقوه بقالب
ايش جاب ل جاب الشبشب للقبقاب
زي الجرس على قفا حماره كل ماحركت الحماره قفاها الجرس يضرب (بيتقال عن الشخص الثرثار) زيي كده
زرعنا لو طلع ياريت ( مثل شامي)
قالوا للحرامي احلف قال جالك الفرج
لا تغلط فيا ولا اغلط فيك بكره ربنا يبتليك يسخطك قرد واسرح بيك
يموت العجل وله حكة فى الصدود
المنحوس منحوس ولو علقه على راسه فانوس
وأهل الشقا للشقا يارب شقيهم راحو يجيبو الهنا عتر الشقا فيهم
جت الحزينه تفرح ملقتلهاش مطرح
ضربوا الاعور على عينه قال خسرانه خسرانه
يا وارث مين يورثك
بيحسدوا الغجر على ضل الشجر
كله سلف ودين حتى المشي على الرجلين
زرعنا لو طلع ياريت
بمعنى لما الواحد يبقى مستني حاجه وواثق اوي وضامن انها تحصل وماتحصلش ويتحسر عليها
ان كان حبيبك عسل ما تلحسوش كله
ان كان لك عند الكلب حاجة قوله يامديري
جت الحزينة تفرح ما لقيتلهاش مطرح
اللي يخاف من العفريت يطلعله
اقرع ونزهي
علمنهاهم الشحاته سبقونا ع الابواب
بيبيعو الميه في حارة السقايين :?
يا مامنه للرجال يا ممنة للميه في الغربال
كفايه كدة النهاردة على ما ابقى افتكر تاني
السلام عليكم ورحمة الله وبركاته
لما تنشف البكه تبان ضفادعه ههههههههههههههههههههههههههههههههه
[grade="00008B FF6347 008000 4B0082"]ايه ده ياخال'ااااا
انت عملت موضوع من انتاجكك من ورايا..... بقه كده يا فاهمااااا يهون عليك العيش والملح ..لكن ايا كان هشارك برضه
لما تكون واحده رزقها في الجمال قليل ( وانا بقول رزقها في الجمال قليل لانه ما ينفعش نقول واحده وحشه لانه بصراحه بحس انه حرام لان دي خلقه ربنا ) تلاقوها كل ما تكلم تكلم عن جمال واحده قريبتها او صحبتها يقولوا في دي
::::::::::القرعه تتباهي بشعر بنت اختها:::::::::::::
لما واحد يكون محلتوش حاجه يعني زي ما بيقولوا ع الحديده ويجي واحد يقوله هبيعك لي وراك ولي ادامك يقولوا في دي
::::::::: ال ضبروا الاعور علي عينه قال ماهي خربانه خربانه :::::::::::::::
لما يكون واحد ماعندوش زمه ولا ضمير وييجم يدوه مثلا امانه او يبقي حارس علي مال مش محسوب
:::::::::: سلاموا لاقط مفتاح الكرار :::::::::::::::::
وفي مثل جميل اوي سمعته ده لما بيكون واحد كل ما يبعته مثلا اهله يشتري حاجه وعمره ما جاب حاجه عدله
تلاقيهم يقولوا
::::::::::: الحاجه تقول نيني نيني لحد ما فلان يشتريني :::::::::::::::
[/grade]
وادي امثال تانيه اهي:
خليك ورا الكداب لحد باب الدار
الإبريق المليان ما يلقلقش: أي أن الإبريق الممتلئ لا يحدث ضجيجاً
احتاجوا ليهودي قال اليوم عيدي: يضرب لتعسر الأمور وقيام الموانع
ادلعي يا عوجة في السنة السودة: أي أن القبح لا يظهر إلا بجانب الجمال
إديني اليوم صوف وخد بكرة خروف: معناه ظاهر
أرقص للقرد في دولته: أي افعل ما يوافق صاحب الدولة مادمت مضطراً
إرميه البحر يطلع وفي بقه سمكة: يضرب للحريص الذي يستفيد من كل شئ
إضرب الطينة في الحيطة إن ما لزقت علمت: أي أن لكل شئ تأثيره
أعمش وعامل صراف: يضرب في وضع الشيء أو الشخص في غير موضعه
أفتكرلك إيه يا بصلة وكل عضة بدمعة: يضرب لمن لم يعرف له حسنة
اللي تسقف له ييجي يرقص: المراد أن الإجابة على حسب السؤال والدعوة
اللي حبه ربه جابله حبيبه عنده: أي أن من أحبه الله يسر له الأمور
اللي في بال أم الخير تحلم به بالليل: أي أن من ولع بأمر يحلم به ليلاً
اللي ما تقدر عليه فارقه وإلا بوس إيده: معناه ظاهر
اللي مالوش غرض يعجن يقعد ست أيام ينخل: أي من لا يريد عمل شئ يتلكأ فيه
اللي ما ينفع يدفع: أي أن من لا تنال منه نفعاً ربما دفع عنك ما تكره
اللي يريحك من الثوم قلة أكله: يضرب في استصواب البعد عن الشيء المكروه
اللي يعفر تعافير بتيجي على دماغه: أي أن من يثير الشرور تصيبه عواقبها
أفتكرلك إيه يا بصلة وكل عضة بدمعة: يضرب لمن لم يعرف له حسنة
اللي تسقف له ييجي يرقص: المراد أن الإجابة على حسب السؤال والدعوة
اللي حبه ربه جابله حبيبه عنده: أي أن من أحبه الله يسر له الأمور
اللي في بال أم الخير تحلم به بالليل: أي أن من ولع بأمر يحلم به ليلاً
اللي ما تقدر عليه فارقه وإلا بوس إيده: معناه ظاهر
اللي مالوش غرض يعجن يقعد ست أيام ينخل: أي من لا يريد عمل شئ يتلكأ فيه
اللي ما ينفع يدفع: أي أن من لا تنال منه نفعاً ربما دفع عنك ما تكره
اللي يريحك من الثوم قلة أكله: يضرب في استصواب البعد عن الشيء المكروه
اللي يعفر تعافير بتيجي على دماغه: أي أن من يثير الشرور تصيبه عواقبها
أمه عياشة وعامل باشا: يضرب لمن يتظاهر بالعظمة الكاذبة
إن كنت على بير اصرف بتدبير: أي اقتصد ولا تغتر بالكثرة والسعة
بعد ما طارت ساعدها بقولة هش: يضرب لمن يظهر المساعدة بعد انقضاء الأمر
بنت الفارة حفارة: يضرب لمن يعمل عمل آبائه ويبرع فيه مثل براعتهم
البيضة ما تكسرش الحجر: يضرب لمن يحاول معالجة شيء بما لا يقوى عليه
جهنم ما فيهاش مراوح: يضرب للأمر العصيب الذي ليس فيه راحة
تيتي تيتي زي ما رحتي زي ما جيتي
ما ينوب المخلص الا تقطيع هدومه
الجُبْن سيد الأخلاق
الجري نص الجدعنة
من حبنا حبناه وسار متاعنا متاعه ومن كرهنا كرهناه يحرم علينا أجتماعه
الرجل تدب مطرح ما تحب
لو حطوا الحية مع المنوفي في كيس تطلع الحية من المنوفي تستغيث
( عذراً لجميع الأخوة المنوفيين )
كفايه كدة النهاردة على ماابقى افتكرمن تالت
حبيب قلبي اداري مشكوراوي
فعلا من حبنا حبيناه أو ( أحببناه)
وأنا إنشاء الله من محبيك الفاهم غلط
مشكور وماقصرت
تحياتي
ااااه ياني وماحدش قاااااني
ودي بقه حقه تهوس حاقه تنيه خالص
الجنه من غير ناس ماتنداس
البعد عن الناس غنيمه
منتهي التناقد في امثالنا الشعبيه
وفي دي كمان كلهاااااااااااااااا عكس بعض
القرش الابيض ينفع في اليوم الاسود حكمة برضه
يجي المعارضين بقه يطلعوا واحد عكسه
اصرف ما في الجيب ياتيك ما في الغيب .... برضه وجهة نظر
البيعد عن العين بعيد عن القلب
ابعد حبه تزيد محبه
ابعد عن اهلك يحبوك
التناقض :!: :?:
البعيد عن العين بعيد عن القلب
اسمع كلامك اصدقك اشوف امورك استعجب
كلام الليل مدهون بذبده يطلع عليه النهار يسيحوا
حبيبك يبلع لك الزلط وعدوك يتمنى لك الغلط
اللى تولد فى مكة يجيب أخبارها الحجاج (يعنى الفضيحة عمرها ماتستخبى)
كفايه كدة النهاردة على مابقى افتكر قديد