مكافئة رمضان .. الخبر كاااااااذب ...

الاخوة الكرام ..
كتب احد الاخوة ... خبر ....بموضوع مبروك نزلت مكافئه رمضان ..
بالانظمه الماليه ...

واحقاقا للحق .. وكما تعودنا كبريديين .. الخبر كاذب ... 100 %
ولا صحه له .. اليوم السبت .. اللي نزل في قسيمه الرواتب هو فرق التعديل في الراتب
وليس المكااااافئه ...
ولكن الكثير من البريدين يطير في العجه .. وصل الكذب حتى في الاخبار المشاهده
كذب في الامور الغيبيه من مكافئه وفروقات ممكن .. بس عاد الانظمه الماليه والاداريه ماتجي ههههههه
يالله دورو لصاحبكم عذر .. وقولو مادرى .. والا قاله واحد عن واحد وهو تسرع .. ويالله ..
هات اعذار ...

ياهذا لقد كانت موجوده في الانظمة البريدية يوم الاربعاء وقد حذفت

المشكلة يجيك نايم واخر من يعلم وقام يكذب العالم

لكن كلن يرا الناس بعين طبعه

كانت موجوده حتى الساعه 9 وبعدها سحبت وانا طابعها من الاوركل بالراتب الجديد

كانت موجوده من يوم الخميس وكنت انا شخصيا رايتها في نظام الاوراكل وقمت بطباعة مبلغ المكافاه واختفت من النظام يوم السبت الساعه 9 صباحا اختفائها لايعني عدم وجودها لربما لتغير اساسي الراتب للموظفين الذين تمت ترقيتهم حيث نزلت لهم بالراتب القديم ونا شخصيا رايت ذلك عند الساعه 8 والنصف مكافاة الموظفين الذين تمت ترقيتهم وقد نزلت له على الراتب القديم

السلام عليكم ياشباب البريد كيف الحال
اريد معرفه كم الزياده السنويه وهل يوجد ترسيم ولا لا افيييدوووووني

بالفعل تم ادراج مبلغ المكافئة لشهر رمضان المبارك بالأنظمة المالية للموظفين الرسميين في البريد السعودي وقد تم سحبها من الأخوة المختصين بالمؤسسة لوجود بعض التعديلات عليها , وسيتم اعادتها مطلع الأسبوع القادم ان لم يستجد شيء جديد

الكلام صحيح انها نزلت في الانظمه اليوم السبت

اقسم بالله لو أنا مشرف لأحذف عضويتك ياتافه كيف تكذب الرجال
ان لم تستحي افعل ماشئت
يابابا في اسلوب افضل من انك تكذب الرجال حتى لم يكونو صادقين

يا حربي
استغفر ربك الحين معظم الموظفين شافو حق رمضان وكلهم ان شاء الله صادقين وتجي انت وتكذب الموظفين الله يهديك استغفر ربك وقدم اعتذارك للموظف جزاك الله الف خير

عيب كذب الرجال ياحربي كل الموظفين شافوا المكافئه

لا مو كذب انا شفتها بعين يوم الاربعاء ...

اخي فهد الحربي المكافئة فعلا نزلت بقسيمة الراتب بالانظمة المالية ولكن سحبت فيما بعد وانا مشيك الساعه 8وموجودة لكن فيما بعدسحبت ماادري وش السبب ولكن اكيد اللي دخل من الساعة 9ومابعد يمكن ان لايجدها وشكرا

شيكت على مكافائة رمضان مع بداية الدوام اليوم السبت وكانت موجودة ثم تم حذفها تقريباً في حدود الساعة العاشرة..

نعم تأكيدا لهم أنا شيكت عليها الخميس عند صلاة الظهر وزميل معي وكانت موجوده . هالمره تسرعت يابونايف لكن سمعت أنه عشان تعديل بعض الموظفين المترقين أن شاء الله يكون صدق عشان يستلمون المكافأه ع الراتب الجديد


( كل أبن خطاء وخير الخطاؤون التوابون )

ليش شايلين حمله على الحربي مكذب النبي الحين

كلمة الحق تزعل

.... تحياتي ....

ياأخوان الاحترام واجب على بعض لاتكرهوناالمنتدى المكافئه نزلت في المالية والادارية ونسحبت ولا يحتاج الغلط هذا كله

وين المشريفين جلسين يحذفون المواضيع والكلام هذا متروك

انا الساعه 8:30 موجود بالانظمه وطابعه بالاوركل

السلام عليكم
آملُ من الإدارةِ غلقَ الموضوع
لدرءِ الانزلاقات

تحيّاتي

عيب تكذب الرجال ..

اخواني في الله الله يجزاني ويجزاكم خير

الموعد الساعه 9 صباحا اول يوم رمضان كما تعودنا تنزل المكافئة كل عام وبس

رمضان كريم
وكل عام وانتم بخير

مدري وش أهمية الموضوع من اساسه يعني بكل صراحة مثل هالمواضيع تكون في مزبلة المنتدى
وبعدين الأخوان متنرفزين ليه كل واحد بيقعد يخربط ويخنبق نرد كلنا ونعطي الموضوع اكبر من حجمه
سبحان الله البريديين صارت تهمهم توافه الامور غرييييييييييبه

لا تستعجل ياهييه تأكد اولا من نفسك قبل تكذب الرجال . هذا آخر الإستعجال طلعت انت ... والا تدري بلاها
( الله يصـلحك )

الله يعينك يارفيقي ؟؟ المره ذي استعجلت وكذبت الاخ بس فعلا والله انا شفتها يوم الاربعاء في المساء بعدالعصر
وانا بالنيابه عن رفيقي اعتذر لكم ؟بس انا عارف انه مالقيها ولو قال والله ماشفتها كان افضل اخيرا الله يهدي الجميع وكل عام وانتم بخيربقدوم الشهرالفضيل ؟ اللهم بارك لنا بشعبان وبلغنا رمضان واجعلنا من الصائمين القائمين يااكرم الاكرمين...

الامر بسيط جدا .. هناك من قال بوجودها .. وهناك من بحث عنها ولم يجدها
ولم اعلم ان الادارة المجيدة .. تنزل الشي ثم تسحبه من النظام ..
ولعلها تكون اخر الاخبار الغير صحيحه في منتدانا المجيد ..

ودام الجميع بخير .. وكل عام وانتم بخير