قبل تندم على التوقيع للمحضر؟!

ملاحظة يا اخواني اليوم وصلنا ايميل التثبيت وموافق او غير موافق ؟؟؟
ولي ملاحظة عليها قبل الوقوع بشئ لا تحمد عقباه
اذا كان راتب الاساسي مثلا 6000 وانت مستخدم على اخر مربوط وجاء تثبيتك على المرتبة 41 وراتبها الاساسي للدرجة الاولى 5885
يعني الراتب الاساسي نقص وتم التوقيع من قبلنا ونحن لا نعلم على اي درجة !!!!
فكيف بيكون موقفك؟
انا اثرت هالموضوع لانه لي زملاء ترسموا ونقص راتبهم
وعندي ناس اقرباء لي وتثبتوا وجاءهم ورقة المحاضرموضحه كافة التفاصيل (الراتب الاساس +الدرجة+النقل+الاجمالي) ليش البريد ما ارسل ووضح هالشي يا اخواني انتبهوا والله اعلم

طيب وش الحل

نوقع والا لا


انا اصلا ابعترض مدري تنصحون اعترض او لا

والله النصيحة لأحد يوقع انا ماني موقع

والله أنصح كل شخص يوقع ويحمدالله على إلي جاه
لئنه الاعتراض راح يطول وله حبال طويله والله و أعلم
والحريه لكل شخص في التوقيع والاعتراض
البريد مماطل وماتدري شو يكون الوضع لو إعترضت
والمشكلة في ناس كثير أسمائهم ماجت والخلل من البريد
ماتدري بعدين شو يسير فيالمعترضين وربي يمكن معد ترجع أسمائهم
انا أشوف الواحد يرضا بنصيبه أحسن له
وكل إنسان له الحريه في التوقيع او ارفض
والله ولي التوفيق ،،،

يا شباب اناانصح بالاعتراض

فاتضح وجود اخطاء في التثبيت لاتعد ولا تحصى والبريد الآن يحاول تصليح ما يمكن تصليحه قبل التوقيع والذي سوف يوقع يتحتم عليه تحمل نتيجة توقيعه

وانا من اول المعترضين بإذن الله

يا يعطوني المرتبة اللي استحقها يا اقعد على عقد اشرف لي

من هو الأحمق اللي يوقع وحقه مهضوم ..!؟

بالنسبه لي مستحيل اوقع .

المستخدم لا ينقص راتبه .. يعطى حسب ما يوازيه !

العقود طبيعي بيزيد لأن رواتبهم قبل الترسيم وضعت حسب المؤهل وبعد الترسيم زيادة !

بند الاجور لا أملك معلومة !

وقبل التوقيع طبيعي أن تكون هناك معلومة عن الدرجة .. فالمحاضر لم توزع على المكاتب حتى الآن .

الأيميل هل وصل الجميع و ما هو مضمونه

ياخوان انا راتبي الاساسي 5260 ريال قبل الترسيم ولمن اترسم اخذ 5885 ريال الاساسي

رجاء من الاخوان المشرفين لي في المنتدى يشيلون الموضوع هذا لانه صاحبه يبغه يسوي فتنه في البريد الله لايوفقك ياهمس كانك بتضيع عقول ربعنا

بالنسة للايميل ماوصل ياليت تزودنا بصوره منه ياهمس لنكون في الصوره ونكون واثقين بكلامك لان كذا ماشفنا شيئ كثر الكلام وماتدري من الصادق من الكذاب .......

نعم الايميل ما وصلنا فيا ليت الي وصلهم يصوروه لنا نشوف مضمونه

اقتباس:

---

المشاركة الأصلية كتبت بواسطة مستريح البال

والله النصيحة لأحد يوقع انا ماني موقع

---

شاور نفسك واستخر ربك قبل لا تسوي شي ..وبالتوفيق

اقتباس:

---

المشاركة الأصلية كتبت بواسطة موزع منتاز

ياخوان انا راتبي الاساسي 5260 ريال قبل الترسيم ولمن اترسم اخذ 5885 ريال الاساسي

رجاء من الاخوان المشرفين لي في المنتدى يشيلون الموضوع هذا لانه صاحبه يبغه يسوي فتنه في البريد الله لايوفقك ياهمس كانك بتضيع عقول ربعنا

---

لا كلمهم صحيح ..بعض الموظفين راتبهم الاساسي قبل التثبيت 7000 ويوم ترسموا على المرتبة الخامسة 5885 اقل .. لازم يعدلون على الدرجات وهذا النظام موجود التثبيت يكون نفس الراتب او اعلا منه .

لم يصل اي ايميل بخصوص التثبيت ؟؟!!

انا يا شباب ما طرحت الموضوع الا عشان الانتباه واخذ الموضوع من الجهتين وحنا كنا مظلومين بفروقات وصرفت وسكن ولم يصرف فالعبره واجبة

والايميلات عند ادرات المناطق بالنسبة للشرقية والباقي الله اعلم...


الاسم بالكامل
وهل انت موافق على التثبيت

موافق غير موافق
واللي مش مصدق يتصل بادارة شؤن الموظفين بالشرقية

وللمعلومية يااخواني انا مستخدم 18 ودرجتي الثالثة وتم تثبيتي على الرابعة ولست متضرر حيث ان الراتب الاساسي بيرتفع بفرق كبير ولله الحمد وليس لي مصلحة بطرح مواضيع لفئه هنا او هنا بس عندي ربع ترسموا ونقصت رواتبهم فتندموا ع الترسيم بس هالحكي بالامر الملكي السابق وانا عتبت ع البريد لانه ما وضح لزملائي بالدرجات بعد ان تم ارسال موافق اوغير موافق بالمحضر امس ويقولون في كشف طبي فارطبوا الاحزمة وصباحكم خير ....

الرجاء من المشرف حذف اي موظوع يتعلق بالمحاظر
وارجو من الاخوان الي ترسمو انهم يوقعون على محاظرهم ويحمدون الله ويشكرونه على النعمه ويتركون منهم اي موظوع يحذر او ينبه او يحرض والله مالها داعي كل هالاشياء
بارك الله لكم اخواني المترسمين في ترسيمكم والحمد لله على عطاء ربي
دعونا اخواني نبارك ونهني بدل ان نعرقل كل شي ونحبط من عزيمت اخوانا المترسمين