السلام عليكم ورحمه الله وبركاته
اسدقائي وزوار منتدى البريد العربي
تعرفون ايام العيد كنت مستلم في المنتدى ثلاث ايام مسنتر فيه تقولون حارس استراحة
الا واشوف رحال قاعد يدور في المنتدى وأنا الي أناديه قلت وش تسوي
قال قاعد أدور ساعتي طايحة قبل العيد
ايه طيب الله من التصريف
المهم واناديه قلت له ما تشتهي لحمه حاشي قال إلا
قلت خلاص ابي اطبخ حاشي في الاستراحه خذ لكم بصله وقطعها واذا شفت لك احد لزم عليه وخله يجلس يتعشى معنى قال طيب
وانقز للعثيم واشتري لحمه حاشي وأشوف ابو فوزان معه عربيه قاعد يدفدفها و العربيه مليانه اغراض
وازاعق على أبو فوزان وأناديه وهو مطنشني ما يبي يشوفني
قلت في نفسي إيه هين ناشب لك ناشب لك
وانا الي القط عربيتي محمله بصحنين حاشي واطارده بين الاسياب والممرات
وما دري الا وأنا حاجرة عند قسم البهارات ويوم شافني قال وش تبي ناشب لي ياخي عيد وابي افتك من شرك انت وخشتك
عاد تحطمت وأنا كنت ناوي اعايده معي كاكاو في مخباتي ما خذها من بيت عمتي هيله
وبعد صاير الكاكاو مايع ومتعفط وناشب في مخبئتي ( تره الكلمة مخباتي )
قلت تبيني أدف معك العربيه قال لا وعصب علي ويوم شفت علامه استفهام في رأسه وأنا إلي أخذها
ههههههههههههههههه:d
قال ليش أخذتها قلت نبي نطبخ في استراحة المنتدى أبي أحرك فيها القدر هههههههه
وقال من عندك قلت له رحال فرح يوم قلت رحال وإلا ابو فوزان ما يواطني
وبعدين وحنى واقفين نتبادل اطراف الحديث وعيني على عربيته قاعد أشوف وش شاري
لزمت عليه انه يجي ويجيب معه بهارات
وقال طيب ونطل العربيه الي ماليها اغراض ويجيب كيس بهارات
ايه ما اطول عليكم السالفه هذي طبخه طبختها ثالت ورابع وخامس العيد
ما غير طبخ في الليول وغسيل المواعين في العصريه
واثناء عودتي من العثيم اتصل علي القلب الكبير وقالي ابو شوشه طالبك قلت له افا ابشر بعزك
قال مشتهي لحمه حاشي
( بصراحه ما ادري من الي معلمه عن الحاشي )
ارتحت يوم قال ابي لحمه حاشي احسبه يبي سلف
المهم وطقيت صدري ( بغيت اموت انكتمت طلع كربون من صدري )
قلت ابشر بعزك تعال الحين عندنا في استراحه المنتدى وراح تجد ما يسرك
بس انت عليك غسيل المواعين وقال طيب
هذا الصحنين مع الصحون الاخرى قبل يفارق اخوانه الى عربيتي
http://www.4zz.net/show.php?pic=77564
هذي الصحنين يا اسدقائي وش رايكم فيها
ودكم تاكلونها وهي توها ما طبخت
جايب الفمتو شاريه عشان مدير المنتدى قال أبي افطر عندك أخر يوم في رمضان
أيه يوم خلص أغراض رمضان عند علي اللامي عزم الشباب وأنا الي اسكر جوالي
ههههههههههههههه
الحين توهقت نبي نصوم الين يخلص الفمتو
وهذي مويه تنورين ترها زينه يسقون الرز بها في لبنان
وواحد من الشباب في المنتدى يحب المويه
وهو الي مطيحني فيها وكل يوم اشوفه في نفس المكان وحاط كراتين المويه في العربيه
http://www.4zz.net/show.php?pic=77566
وبعدين تجيبون اربع بصلات من الحجم العائلي قصدي كبيره مره
وبعدين تجيبون ثوم تقطعون قطع صغيره و حبتين ثوم كبيره
ما تلمسونها تحطونها بكبرها قبل تكبون الرز
http://www.4zz.net/show.php?pic=77571
وبعدين تكبون جميع المقادير في قدرالكاتم وتجبون ليمون اسود وعلبين حبحر ( فلفل)
http://www.4zz.net/show.php?pic=77573
وبعدين تحركون المقادير تحريكا جيدا
http://www.4zz.net/show.php?pic=77578
وبعدين تحطون مقدار كافي من الماء الساخن المغلي
لا تحطونه بارد حطوه ساخن وحط ايدك في المويه عشان تتاكد انه حار :d
http://www.4zz.net/show.php?pic=77579
وبعدين جيبو الغطاء واحكمو اقفاله
على حسب قدر الكاتم الي عندكم
http://www.4zz.net/show.php?pic=77580
واخيرا وليس اخيرا تطلع لكم الكبسه بالشكل هذا
وطبعا المقبلات بصل مقطع شرايح والثوم الي كان في القدر طلع ثوم مهروس
والشطه .. وهذي اطراف اصابع رحال الله يهديه داقه الجوع
يقول يالله نبي نسمي ريحه الاكل واصله اخر الشارع
http://www.4zz.net/show.php?pic=77582
وش رايكم في الطبخه عساه اعجبتكم
قاعدين نسخن عشان فيه طلعه للشباب للبر
اتمنى ان تحوز على اعجابكم