السلام عليكم
يا اخوان الله لايهينكم ابي رد عاجل
هل ارسال جوال كاميرا عبر البريد السعودي مسموح
شخص في الرياض وراح يرسله بالبريد لشخص برضو في الرياض
تكفون ياجماعه ولحد يقول شي الا متأكد منه
عاجلاااا ارجوووووكممممم
واذا كان غير مسموح فايش الطريقة المناسبة للأرسال جوال كاميرا؟؟ :(
عن تأكد :
الرسائل والطرود المرسلة ( داخليا ) داخل المملكة لا توجد عليها رقابة جمركية
فيمكنك إرسال أي أجهزة داخليا وسوف تصل إن شاء الله بدون أي مشاكل
وشكرا
نسيت أن أقول لك
أرسله مسجلا أو بالبريد الممتاز لتضمن وصوله :):)
حبيبي الباحث اول شي مشكور
لكن للأسف كلامك غير صحيح مية بالمية
للأسباب التاليه
1- واحد من ربعي كلمته وقال انه يعرف واحد قبل مدة اشترى جوال من بريطانيا وصادروه
طبعا يمكن تقول عشان فيها جمرك وخارج المملكه
نروح لرقم 2
كلمت موظف كبير بالبريد وللاسف قال بالحرف الواحد مستحيل يوصلك الجوال راح يتصادر
وان المباحث هم المسئولين عن الشي هذا وذكر لي اسم العقيد اللي يشرف عليها
وانو مستحيل اي جوال كاميرا مايتصادر
فما اقول الا مالت على هالبريد الناس وصلت القمر وهم يصادرون طرود الشعب :(
ارسل الجوال أبو كاميرا بالبريد المسجل أو طرد
واذا تصادر ، كلمني وخلك صادق معي وأنا مستعد أعوضك بقيمته
لأني متأكد إنه مارح يتصادر
تحياتي
معليش اخوي الباحث لا تورط استفسار
وترى اي شي تسمع انه ممنوع لا ترسله
بالبريد لانه يمر على اجهزة كشف قبل
لا يطلع واذا كان ممنوع يتصادر ويمكن
تروح فيها .
وخل عنك الهدايا (من الرياض للرياض)!!!!
وترى اخونا الباحث ناقصه حرف (م) بس
اخوي الباحث والل الكلام نقلته من موظف كبير بالبريد وهو شغال في البريد الممتاز وقال لي بالحرف الواحد مستحيل مايصادرونه
وكلامك الى الان ما ادري على ايش مبني؟؟
---------------
وخل عنك الهدايا (من الرياض للرياض)!!!!
لووووووووووووووووووووووووووووووووووووووووووووووول ياقافطني
عموما انت سألت وأنا أجبتك حسب معلوماتي
وشكرا
بسم الله الرحمن الرحيم
أخواني بنسبه لنقل الجوال المزود بالكمرة وحسب علمي غير ممنوع سواء داخلي أو خارجي ولكن ؟؟؟؟؟؟؟؟؟؟؟
البريد ماهو إلا جزء من منضومه حكومية وينطبق عليه كل ما ينطبق على باقي الدوائر الحكومية الأخرى في كلاً في ما يخصه. وبالتالي وبحسب التعليمات الصادره من الجهات الأمنية (( وزارة الداخلية)) فإن الجوال يمنع تداوله في الأسواق السعودية .وبالتالي يحق للجهات الأمنية (( الأمن البريدي)) حجز أي شيء تراه ممنوع بموجب النظم والتعليمات الخاصة بالبلد.
وبصفة عامة
الممنوعات في البريد تنقسم إلى قسمين هم
ممنوعات بريديه مثل الحيوانات الحية - الذهب - السوائل - الأشاء المضرة بالموظفين أو البعائث الأخرى أو المعدات البريد.....ألخ
وهناك ممنوعات أخرى وهي تلك الممنوعات السياسية -الإقتصادية - الدينية - الأمنية .....ألخ
والفرق بينهما هو أن الممنوعات البريديه الذي يقررها ويقةم على مراقبتها هم منسوبي البريد. أما الممنوعات الأخرى فالذي يقررها ويقوم على مراقبتها هم جهات أخرى كلاً بحسب إختصاصة (( الجمارك - الإعلام - الأمن البريدي ))
في الختم أمل أن أكون وضحت الصورة للجميع
وأنا على استعداد للرد على أي استفسار بحسب مقدرتي المعرفية
تحياتي للجميع
ارسال جوال من مدينة الى مدينه داخل المملكة غير ممنوع لم تكن هناك اسباب لمنعة كاحتوائه على متفجرات او اخرى ولايتم مصادرته حيث انه لم يرد منعه في لائحة الممنوعات البريدية
وشكرا