السلام عليكم جميعا


تصدقون حبيتكم مدري يمكن عشانكم مظلومين

اسمعو ياشباب انتم من يوم صار بوش رئيس امريكا وانتم تتكلمون عن بدل السكن ولحد الحين ماجا

مدري بس يمكن عشان احنا طيبين ونرضى بالي قسمه لنا رب العالمين ..


تصدقون ياأخوان ماعمري سالت عن بدل السكن ولا اهتميت مع العلم اني على وظيفة مستخدم لاني كل همي شي واحد بس وهو الي قاهرني وهو بالله عليكم انتم راضين ببدل العيد الي يجينا ؟؟

بالنسبه لي اتضايق لما اشوف بدل العيد في حسابي 5800 ريال ؟؟!!

بالله مو ظلم وغيري ياخذ على 14000 الف

ليه بدل العيد صاير على اساس الراتب ليه مايكون مقطوع بمعنى 10000 الاف ريال لكل موظف ..


تصدقون ياجماعه يوم دققت لقيت انو لو يصرفون لكل موظف عشرة الاف بدل عيد راح تكون التكلفه اقل على البريد من اساس الراتب !!!

ليه كل مدير مايدور الا مصلحة نفسه !!


تصدقون ياخوان امنيه عندي انهم يعطوني بدل عيد 12000 الف ولا ابي لهم بدل سكن لكت مالبيد حيله ..


بدل التوزيع اخذوه مننا ووحدو النسبه 20 بالميه لجميع الموظفين يعني الي جالس على مكتب زي الميداني ياناس احد يجاوبني للدرجه هاذي كلن يدور مصلحة نفسه ..


كثير من الاخوان تكلمو عن بدل السكن بس ماتكلمو عن بدل العيد ارجع واقول كلن يدور مصلحة نفسه وعشان كذا دامكم تدورون على مصلحة نفسكم لاتنتظرون احد يدور مصلحتكم ..



فاصله اخيره

((( لو كل انسان يتمنى لاخوه مايتمناه لنفسه وربي كلن ياخذ اكثر من الي تمناه ))


في النهايه اعتبرو الموضوع فضفضه مع كامل احترامي لجميع منسوبي البريد اداره وموظفين