لازال بعض مشرفي واصل يقدمون المهازل المتكرره .. ويرضخون للضغوط الاداريه لأجل منصب (حركي) اوكل لهم لفتره محدوده
فهم استجابه لمطالبات بعض مدراء عموم واصل .. وقامو ينكلون بموظفي واصل شر تنكيل ..
كل ذلك لأجل مطامع (مكيفات) لايريدون الخروج منها الى الشمس
بسم الله
الساعه 9 صباحاً .. اتى عمل نقطه توزيع .......... وبدأ الشباب في الفرز في الكازيهات الخاصه بكل رمز بريدي ..
المشرف : ياشباب الهمه الهمه شدو حيلكم
الموزعين : ياخي من كثر ماشدينا حيلنا مع واصل انقطع الحيل ومعد فيه حيل نشده ..
المشرف : بلا استهبال اشتغلوا اشتغلوا
الموزعين : وانت ليه ماتفزع معنا .. البريد اليوم كثير ؟؟
المشرف : ياخي انا مشرف .. !! وبعدين عندي عمل كثيييير !
الموزع : يامشرف شوف عملي اليوم !! اكثر من 150 رساله .. وغالبيتها غير متشابهه .. يعني اكثر من 90 موقع والحي كبير جداً جداً
المشرف : الله يعينك .. الله يعينك !
الموزع : يامشرف عندي رسائل بالهبل ناقصه العنوان .. يعني يبيلها خرائط او يبيلها تحديد معلومات عالاقل ..
المشرف : طيب طلعها من النظام
الموزع : ياخي المشكله عدد الاجهزه مايوازي 10% من عدد الموزعين .. وكل جهاز عليه موزع .. نبي دعم بأجهزه ياخي ..
المشرف : الله يعين الله يعين !!!
الموزع : ينتظر ينتظر ينتظر .. جاري الانتظار ..
مبروك فضي احد الاجهزه القليله جدا جدا واتى دور الموزع عند الساعه 11 ونصف
الموزع : اخيراً مابغى يجي دورنا .. لو اننا في البيك كان اكلنا وخلصنا ..!!
الموزع يعدل عنوان المشتركين الخاطئه .. واغلبها من (طقة موبايلي) التى لا تحمل الا اسم ورمز او اساسي بالكثير
وانتهى الموزع من تعديل عناوين المشتركين عند الساعه 12 تماماً ..
خرج الموزع الى الميدان .. وهو يحمل حقيبته التى مزقت من كل جانب بسبب الاعداد الهائله من الرسائل يومياً
ذهب الموزع لأحد المساجد القريبه لأداء صلاه الظهر "جماعه" بعدها ينطلق لمهمته التوزيعيه
انتهى الموزع من الصلاه عند الساعه 12 و 40 دقيقه .. ركب سيارته وتوكل على الله وبدأ بالتوزيع
انتهت الساعه الاولى 1.45 دقيقه وهو لازال في رمزه الاول المضغووووط
اتت الساعه 2,45 دقيقه .. وقد اتم واكمل رمزه الاول بنجاح باهر .. وانهى مايقارب الــ 65 موقع بمقدار مايقارب الـ 90 رساله
انطلق سريعاً للرمز البريدي الاخر .. وبدا توزيعه عند الساعه 2,55 دقيقه تقريباً ..
اتت الساعه 3,55 دقيقه وهو وقد اتم واكمل رمزه الثاني بنجاح باهر .. وانهى مايقارب الـ 35 موقع عميل بمقدار 55 رساله تقريباً ..
بعد عمل دام 3 ساعات .. توجه الموزع لنقطة التوزيع ليلحق على المشرف الذي ازعجه بالاتصالات .. (هاه خلصت .. هاه خلصت) ابي امشي انا ..
فهو تحت المكيفات المركزيه ولا يعلم شيئاً
بقي للموزع رمز بريدي واحد فيه مايقارب الــ 15 موقع بواقع 20 رساله .. دخل الموزع نقطة التوزيع الساعه 4.05 .. ودار هذا الحوار ..
الموزع : السلام عليكم
المشرف : هاه بشر خلصت ؟؟؟؟؟
الموزع : الحمد لله انهيت مايقارب 90% من الرسائل الكثير التى اتت هذا اليوم من مركز المعالجه .. وبقي رمز واحد بهذا العدد فقط
المشرف : ؟؟ ياخي ليه ماوزعتها ؟؟؟؟؟ يعني لازم ارفع فيك للاداره ؟
الموزع : يابن الحلال قول "ماقصرت" جزاك الله خير .. وانت رأيت ضغط اليوم كيف جااا والحمد لله معد بقي شي
المشرف : ياخي انت وضعك مو عاجبني هاليومين احسك منت مركز بالعمل !
الموزع : ياخي اذكر الله .. وربي اني مركز وانا من الساعه وحده الا ثلث وانا اوزع .. ولي اللحين اكثر من 3 ساعات ياخي ..
المشرف : ماقريت تعميم النائب .. ماتعرف ان المفروض ماترجع بـ ولا رساله ؟ والا ماتعرف ؟
الموزع : ياخي كيف ما ارجع بـ ولا رساله ؟ ارمى الرسائل بالزباله ؟ لو مارجعتها مكتب البريد وين ارجعها ولا تكبرها مابقي الا شي بسيط
السبت بيخلص في نص ساعه انشاء الله ..
المشرف : يابن الحلال لا تنـكبني مع الاداره يجي احد من المتابعه يسوي لي سين وجيم .. وماني ناقص .. شيل الرسائل من النقطه ..
وبعدين ليه ماخلصتها مع البقيه ؟؟
الموزع : ياخي انت شفت عمل اليوم كيف جانا من المعالجه ,, وشكلهم مكومينه .. وانا ماقصرت .. وانتهى دوامي الرسمــي الساعه 4 م
تبغاني اوزع اوفر تايم ؟ بترفع لي للاداره بالاضافي ؟
المشرف : افزع مو لازم مقابل . وبعدين كان امداك تشد على نفسك شوي وتخلص
الموزع : قال تَعَالَى : { مَا جَعَلَ اللَّهُ لِرَجُلٍ مِنْ قَلْبَيْنِ فِي جَوْفِهِ } .. وربي انتم مايفيد معكم العمل بضمير وامانه واخلاص والخوف من الله
شكلي بستخدم في العمل اسلوب اخر بلا ضمير وبلا امانه .. يبدو انه سيكون انجع
المشرف : الله يعين الله يعين الله يعين
الموزع : ياخي لو شفت انسان تعبان توه جاي من الميدان .. قول له شكراً ماقصرت جزاك الله خير او يعطيك العافيه .. مو تستخدم هذا الاسلوب الفظ
ياخي انت اليوم مشرف بكره موزع .. والايام دواره ..
المشرف : انا يوم كنت موزع كنت اخلص دبــل عملك في ساعتين
الموزع : لاتعليق !!
المشرف : من جد ترى ما اكذب
الموزع : طيب ياخي ماقلت شي مصدقك .. انت بطل ياخي .. ربنا سبحانه يمكن خلق لك اكثر من قلب في جوفك .. سبحان الله
الموزع : سأجري اتفاق بيني وبينك .. موافق ؟
المشرف : وش الاتفاق ؟ طيب موافق
الموزع : انا بمسك الاشراف الاسبوع القادم فقط كاااااااملاً .. وانت عليك بتوزيع خط سيري .. لأن الاسبوع القادم ضغط غير طبيعي بدايه الشهر .. كلو فواتير ..
المشرف : هااه هاااه !! لا لا ممنوع ممنوع .. يالله خلاص وقع ونشوفك على خير ..
رد مع اقتباس