والله ماعندكم ماعند جدتي ، ولا تقولون ذنب رئيس ولا ظهر ولا جنب ، أنا موظف مثلي مثلكم لا ومهدد اقضب الباب اليوم قبل بكره يعني انتوا احسن مني ، بس هالأشياء اللي تسوونها ترفع ام الضغط الى 3000درجة ، ياخي وش هالخوف اللي انتوا عايشين فيه ، مافيه واحد منكم يقول انا رجال وياخذ له مجموعه ويدخل على الرئيس ويتكلم بإسم هالمظلومين كلهم ، ياخي خلكم من هالحركات رقم ورساله وسخافه ، منتوا فالحين الا في التوزي خلف هالساحات ، سيليكون وقرميد وبلاط والمونيوم ، وفي النهاية الواحد له 1000 سنه في هالبريد وهو يغرد ، وما قدر ياخذ خطوه جريئه يرجع فيها حقه ، صدق مثل ماقال الشاعر:

إِذَا كَشَـفَ الـزَّمَـانُ لَكَ القِنَـاعَا
وَمَدَّ إِلَيْـكَ صَـرْفُ الدَّهْـرِ بَـاعَا
فَـلاَ تَـخْشَـى المَنِيَّــةَ وَالتَقِيْـهَا
وَدَافِـعْ مَا اسْتَطَـعْتَ لَهَـا دِفَـاعَا

لكن وين الشجاعه فيكم يا ابطال البريد اللي ماعندكم الا القرقره والبربره ، قال رسايل قال .