بسم الله الرحمن الرحيم
ليست الاولى ولن تكون الأخيرة من الكذب والنصب اللي يمارسه البريد على منسوبيه وعملائه
اخواني المتعاقدين انا بنفسي رحت اليوم وقبل ساعتين من الآن لديوان الخدمة المدنية مهوب اللي على طريق الملك فهد بل اللي يقع غرب شمال عنه وتحديدا اذا جيت مع طريق الملك فهد وانت رايح جنوب وصار الديوان على يمينك لف يمين وخل الديوان يمينك وادخل طريق الوشم المتقاطع مع طريق الملك فهد
على طريق الوشم مسافة 60 متر يجيك شارع 30 ادخل معه يمين وأول اشارة تعدها وانت رايح شمال وبعدين ديور وتلقا الديوان على يدك اليمين وأسال عن لجنة التثبيت في الدور الثاني وستجد الاجابة الفاجعة
لا يوجد لك بيانات مسجلة
انا بنفسي ذهبت واستفسرت عن زميلي ( جامعي ) فإذا كان الجامعيين ما رسمهم البريد فما ذا ينوي علينا يا حقين الثانوي
الخلاصة لا يوجد ترسيم بل حتى اللي كانوا مسجلين قبل اسبوعين الآن تم مسحهم ولا ادري وش القصة
واحد من بريد الروضة كان مسجل واستعلمت عنه وطلع ما فيه شي
لا تقولون كذاب ولا تقولون صادق
اذهبوا بانفسكم وتأكدوا ترى ما يبي لها الا نص ساعة
السوال
وش هذا التخبط ؟
يا بنتن انت قلت في لقاءك مع الشريان ان البريد اول من رفع الاوراق للترسيم وين راح الترسيم
يا ادارة المنطقة الراقدة هل من حل غير الفردي والعايلي والأحصائية الشهرية واليومية والسنوية ووافي المدة
اشهد انكم وافين مدة ويجب ترحيلكم في اقرب وقت ممكن