الرجل ياقف الى جوه الضيوف 000 يرسم البسمة بضحكات ولطافه
والردي لو جوه كنه مايشوف 000 صابته رعشه ورجفه وانحرافه
يالرشيدي ماخفى الخرج معروف 00 0 البدو فزاتهم طيب وضيافه
ولا يغرك بالغنم كبر الخروف 000 ولايغرك وجهة النسر 00 لجيافه
رد على الشاعر الغامض

حنا بوقـات الوغى ضربنــا غيـــر *** أبشر بعزك ون طرى لك طواري
حنا معك دايم على الشـر والخيــر *** أشبالنا تنهش ظهــور الضــواري
حنا وكـر للحــر والشبل والطيـــر *** لاماأحتمى الميدان والجسم عاري
حنا حمينا الماء وسط جمة البيـــر *** وحنا المطر والغيث وقت الطواري
حنا حماة الأرض وقت المغاويــــر *** والصقــر لا حلق يصيــد الحبــاري
من غيرنقصـانٍ ومن غير تقصيـــر *** به مثلنــا والـي بطيبــه يمــــاري
البوم غادي له بذا الوقت تصفيــر *** والبوم لا صفــر يشوف العـــزاري
لا ما أحتمى الميدان به روس بطير *** شفت الردي دور لراســـه مذاري
شجعـان حنا ناخذ الشور ونشيـر *** هـــاذي فعايلنــا اذا منت داري
العون فينا خصله اصغير وكبــير *** للي عليه امن الصــواديف جــاري

وسلامتك