وتوت توت عـ بيروووت

[ابو شوشه]

السلام عليكم ..

قصه قديمه قد كتبتها

بس اليوم جبتها لكم بشكل جديد واسم جديد



الظاهر اسم الموضوع جذبكم

وتوت توت عـ بيروووت

أنا جت في باااالي قصة انما اييييه

كنت فيها أنا و رحال نناظر قناة المستقبل ونناظر هالزينات.

قلت له ورا ما نزرق لبيروت كم يوم .. قال قدااام يا حلو ..

وخل بنات بيروت ينفعهم ولد الحريري

المهم قلت للوالد ابروح اعتمر انا و رحال قال ايييييه

تعتمرون قلت ايه .. قال زين ..


الله يوفقك وأنا ابووك ولا يجينا خربطه وهبال

<< --- خابرني ابوي ..

رحال قال لأهله وجهزنا الاحراام وعلى المطاار على طول

المكااان : مطار الملك خالد ..

الوقت الساعة 1 الظهر ..

وين : الرحلات الداخلية

<< --- قدام أهلنا طبعا لا يشكون ..

الإقلاع يا طويلين العمر الساعة 3 ونص بالضبط ..

ورحنا وودعناهم .. يوم ركبوا السيارة بيمشون ..

ونجدع الاحرامات .ومراكض في اسياب المطار للرحلات الدولية .

و نروح لحمامات المطار .. ونبدل ملابسنا ونلبس ملابس

تونا شارينها من الفالح ترنق ابو 20 ريال اللي كل الألوان فيه

ازرق على احمر على بني .يعني تركيبه ..

وجزمه بوما وطاقية اللي فيها أسد .. ونناظر بعض ونكركر

ركبنا الطيارة .. ووصلنا ..

المكان .. : مطار بيروت الدولي

الوقت الساعة 8 بتوقيت أم القرى ..

والله ونروح فندق فينيسا

<< --- ترانا منحب نلعب نعرف ..

ونتهاوش على يبي يحجز التلفزيون

<< --- قراوى

ونفتح على المستقبل .. نشوف هالمزيونات .قلت أنا لرحال .

والله لو تشوفني ذي بفنيلة العلاق ان تنهبل علي

قال احلف لك لو تشوفني بفنيلة الكت ان تاخذ توقيعي

ولو اني ما اعرف اوقع ابصم باصبع رجلي

<< --- وتبي تقول تقبرني يا قمر

وسبحان الله يوم صولونا بيروت وقت ملكااات جمال

لبنان 2006 ونتهاوش انا وياه عليهن

ونناظرهن بالتلفزيون ويقول هذي تحبني أقول لا هذي لي المهم

تهاوشت أنا وياه ورحت البحر اجدع حصى على بالي زعلان

وجاني وقال تترك خويك عشا نهن

<< -- وعطاني كتشب وتصالحنا

المهم ونمنا ونقوووم من بكرة لابسين ثياااب كبك والياقه قلااب

وصاكينها ولابسين طواقي بدون شمغ

<< -- هذولا يبي يخقوون الملكات

طبعا الغرفة ما جازت لنا لانها صغيرة ولا توااجه ..

راح رحال وقال لو سمحت نبي غرفه سويتز

جيت انا ابتميلح قلت لا يا ابن الحلال هذا رقاق سمبوسه .

قال مهوب وقتك انت وخشك ..

المهم وعطانا ذيك الغرفه .. الرهيبه اللي ما ينشاف اخرها

<< --- ما شاف خير ..

المهم ناظرت ثوب رحال ولاااه معرفط وناظر ثوبي لقى مكبوب

عليه زيت من عقب ما طبخنا رز كبسة على قدر الكاتم

<< --- خخخخخ

ونرقى الغرفه نغيرها ونلبس تكاميل خضراء فاقعه مع فنيلة

عناابيه مقلمه ببني بس ترانا ما شريناها من الفالح

شارينها من عويس .

قال يا اخي اشكالنا تضحك .. قلت ابد قال ابغيرها والبس ثوب بس

قلت ثوب ثوب ولابسنا الثياب ونطمر للسوليدير

واناظر رحال الله يجزاه خير يقاله الموضه الجديدة

حاط الثوب داخل السروال ويمشي ورافع كمومه ..

قلت له فشلتنا الله يفشلك المهم رحنا وجلسنا في احد القهاوي

من صاااااادفنا

(( ملكات جمااال لبنان ))


ولا فيه حراامي يجي ويسرق شنطة واحده منهم ..

وأقول وأنا اخو ....... مشفره عوائل هذي فيها قبايل

وينقز رحال وأنا وراه ..

طبعا بحكم ان عصاقيلي اطول طمرت وادبج عليه

وينط نطة النمر المقنع المنقلب

الى ان اصبح الحرامي بلى حراك والعالم تصفق ..

وهو مسيكين يقول دخيلكون وانا ورحال نقول اقلب وجهك ..

المهم قالو الملكات يااااي شو مهضومين هالابضايات

وانا مستحي واناظر نظرات ناصر القصبي الى شاف فتو ..

يجي رحال ما شا الله عليه مهوب يستحي رحال قال من زوئكن يا بنتوتات

قالو لنا بدنا اياكم ضيوف عندنا

قلت انا لا فشر

<< -- ما العب

العزيمة لازم عندنا بالفندق وحنى اللي بنطبخ الغدا ..

والليله اللي بعدها عازمينكم عند البحر

<< --- عشقي البحر

المهم وااافقو وجوا عندنا بالفندق ولاهاا الساعة 1 الظهر

ولاااي انا و رحال طابخين هاك الكبدة اللي يحبها قلبكم

اللي ما فيه احد بالفندق ما شمها .. ويدخلون حايمت سبودهم

مساكين قالو عم تاكلوا كبدييي

قلنا ايه بالله عم ناكل بدكن قالو يييييييييييي لاااا شو بدنا

قلت بكيفكم وإذا على الريحه هالحين يا رحــــــــال

يبي يجيب بخور وتبخروا

وعقبها نطبخ لهم وجبة الغدا اللي هي مهنتي انا و ورحال

طبخ المرقوق ويغمى على الصبايا وحدة وحدة

وودوهم العناية المركزة عقبها .,.

اليوم الثااني قلت خلااااص محنب متعودينها

<< --- ولا ناااااااوي انت وهالخشة ..

المهم رحنا لم البحر .. عاااد انا و رحال ما جبنا ملابس سبااحة

والبنات جاهزات ولابسات مايوهاتهن

وانا ورحال يا غافلين لكم الله .. جايين بفنيلة وسرواال ..

والمناااشف فوق روسنا .. وشايلين وجايبين عدة الطبخ معنا

قالو شو بدكم تطبخوا لنا الليله

قلنا مرااااصيع يحبه قلووبكم .. على يد الشيفتين اقصد الشيفين

ابو شوشه ورحال ..

قالو شو هيدا قلنا بعد السباااحه تبي تعرفون شو هيدا ..

المهم شبينا الضو ونروح ونطبخ الجريش والسليق

والمراصيع مع شوية دجيجات ..

المهم اغراني البحر انا و رحال .. قلت خلنا نترك الاكل

على الضو ونروح نطافش لنا شوي ؟؟

ويجي رحال الله يهديه ويمسك حصاااة ويفلق يمني

جاي يحظر مؤتمر ويوسع صدره بهالبحر شوي

قال يا عمااااه مالك علينا قال رحال بكل براااءة وبروود اااسف

قال .............. ما ادري وش قال كنت مغطس راسي في البحر

ووننزل انا و رحال البحر نطافش بفنيلة وسروال ..

والعالم تناظر رحال ما فيه تفاهم شاف شامي يسبح

بلستك راح وجاب كفر السيارة يبي يقلده ويطب فيه

والبنيات يضحكون علينا .. وملابسنا ترطرط مياه ..

المهم نطلع وننشف ونشوف الاخبار ..

والبنات يتضورن جوعا

<< -- اخس يا سيبويه ..

ولا فيه وحدة من البنات ما تتحمل تشوف احد يطبخ واجي

انا واغط يدي بالجريش ابشوف صار ثقيل ولالا

ويجي رحـال خخخخخخ ويدس يدياته بالسليق

وحدة من البنات راحت وأغمى عليها بمستشفى الشميسي

حق بيروت بس خخخخخخخخخخخخ شميسي بيروت سنتر

<< --- الله من النصب ..

البنات الباقيات طبعا لحقوا خويتهم للمستشفى .

واجيك انا احسب وحدة منهن تستهبل ..

وامسك بصيلات المراصيع وارعصها بيديني المهم

جا يوم الجمعه ويحطونا بالروبرتاج ..

ويغمى على المقدم والمقدمة ..


عااد رجعنا للفندق مخذولين ..

واهلنا يحسبونا رايحين لمكه نعتمر

جت اخر ليله قلت انا خلونا نسوي شي زين بذا الليله بدال هالفجور

واركب الساعة على الساعة 3 ونص بتوقيت بيروت .. وأقوم أنا

و رحال وننزل للرسبشن وواقفين انا وياه جنب بعض ..

واقوم واقصد وهو اللي يردد وراي الين قاموا الناس راحوا

اشتكوا علي انا و رحال ..

ونروح للمدير .. ويهزئنا .. ونروح نمسك قديرنا .. والكبيدة اللي

حاطتها لي اميمتي الله يجزاهاا خير .. واطبخا انا و رحال

الين فاحت الريحة بالفندق .. واغمى على الفراشين ...

واغمى على حق الرسبشن



.. ونطلع من الفندق ونلقى كل الناس متسدحه على الأرض

نحسبها الكاميرا الخفية ..

المهم .. رحنا للمطار

نريد العودة ادراجنا ..

وانا ورحال نغطس يدينا في قدر الكاتم ونطلع هالكبدة النية

وناكلها .. وكلها دم .. وينهبل وااحد من السيكيوريتي

ويروح يشتكي علينا ..

ودخلونا السجن .. وجدعوا قدرنا بالبحر ودروا اهلنا اننا رايحين

بيروت ندج .وبعد تمحيص وتفحيص رجعوا لنا قدر الكاتم ..

وصرنا نطبخ فيه انا و رحال ..

وانهبلوا المساجين وقضينا



ما يستفاد :

1 : الي نزل الصفحه على الاخير يرجع الله لا يهينه تعبت الين نزلت الموضوع ..

2 : ان رحتوا لا تنسون قدر الكاتم والحكمة اكله بالفندق .. وحبذا لو صار فينيسيا ..

3: خذوا سويت

4: ان بغيتوا تروحون قولوا لاهلكم نبي نروح نعتمر ..

5 : انصحكم تشترون من الفالح ترنقات

6 : ترني اعرف لبنان شبر شبر كان تبون واحد يخاويكم على حسابكم

7: مخليها فاضي احتاجها في ردودكم

أن شاء الله تعجبكم ولو أنها طويلة شوي ِ


وراح أكمل لكم البقية على حسب الردود

واااااو تعبت في التعديلات والأخطاء الاملائيه ومافية صور