قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء الي يحرضون الاولاد على عقوق أمهاتهم
والدنيا دوارة
يامسندي قلبي على الدوم يطريك : : ماغبت عن عيني لو طيفك سمايا

هذي ثلاث سنين والعين تبجيك : : ماشفت زولك زايرن ياصنايا

تذكر حياتي يوم اشيلك واداريك : : ولاعبك دايم وتمشي ورايا

ترقد على صوتي وحضني يدفيك : : ماغيرك احدن ساكنن في حشايا

وياما ردت اسهر بقربك وادريك : : ماذوق طعم النوم صبح ومسايا

ياما عطيتك من حناني وبعطيك : : تكبر وتكبر بالأمل يامنايا

لكن خساره بعتني اليوم وشفيك : : واخلصت للزوجه وانا لي شقايا

انا ادري انها قاسيه وماتخليك : : قالت عجوزك ما ابيها معايا

خليتني وسط المصحه وانا ارجيك : : هذا جزا المعروف وهذا جزايا

ياليتني خدامتن بين اياديك : : منشان اشوفك كل يوم برضايا

مشكور يوليدي وتشكر مساعيك : : وادعي لك الله دايمن بالهدايه

حمدان ياحمدان امك توصيك : : اخاف من فرحك تشوف الوصايا

اوصيت دكتور المصحه بيعطيك : : رسالتي وحروفها من بجايا

وانl مت لاتبخل علي بدعاويك : : واطلب لي الغفران وهذا رجايا

وانطر تراب القبر بدمع عينيك : : ماعاد ينفعك الندم والنعايا
ماعاد ينفعك الندم والنعايا

ابيات مؤثر جدا جدا