ترقية خمسة من 45-47 (( !!!!!))

[ابو شوشه]

نبارك للاخوه
ونقول لهم الف مبروك وعقبال العاشره بأذن الله تستاهلون

الله يوفقهم ويكفيهم شر الترقيه الي كل الناس تطالعهم

تصدقون اني ارحم الي ترقو , تقولون ليش
اقولكم

تخيل انك ولد نعمه كاش وصغير في العمر ومعك عسكريم وانت تمشي في الشارع وتشوف ولد في عمرك صغير قاعد ينشق ويمسح من اول كمه الين طرف الاصبع الاخير بخشمه ويطالعك وش تبي تسوي
وانت ثوبك يلق ولبسه طاقيه ام جنيه والقلاب واصل سرك وش تبي تسوي
كانك ولد حساس راح تعطيه العسكريم وكانك ولد عاطفيه راح ترمي اللعسكريم وكانك ولد متغطرس راح تطالعه بطرف خشمك وتقول له وع يا ولد الفقراء

تصدقون وانا اكتب االتعبير هذا ضاق صدري وقاعد امش بكمي خشمي بغيت اروح ادور الولد واشتري له عسكريم

تصدقون عاد ما لقيت اسمي من ضمن المرقيين

نقول لهم على البركه
وعقبالنا في الجنه

[abufuzan]

تخيل انك ولد نعمه كاش وصغير في العمر ومعك عسكريم وانت تمشي في الشارع وتشوف ولد في عمرك صغير قاعد ينشق ويمسح من اول كمه الين طرف الاصبع الاخير بخشمه ويطالعك وش تبي تسوي
وانت ثوبك يلق ولبسه طاقيه ام جنيه والقلاب واصل سرك وش تبي تسوي
كانك ولد حساس راح تعطيه العسكريم وكانك ولد عاطفيه راح ترمي اللعسكريم وكانك ولد متغطرس راح تطالعه بطرف خشمك وتقول له وع يا ولد الفقراء

ابو شوشة حبيبي ترى الشيوعية اول ما بدت بمثل هذا الكلام انتبه لنفسك

محبكم

[وادي السليكون]

نبارك للاخوه
ونقول لهم الف مبروك وعقبال العاشره بأذن الله تستاهلون

الله يوفقهم ويكفيهم شر الترقيه الي كل الناس تطالعهم

تصدقون اني ارحم الي ترقو , تقولون ليش
اقولكم

تخيل انك ولد نعمه كاش وصغير في العمر ومعك عسكريم وانت تمشي في الشارع وتشوف ولد في عمرك صغير قاعد ينشق ويمسح من اول كمه الين طرف الاصبع الاخير بخشمه ويطالعك وش تبي تسوي
وانت ثوبك يلق ولبسه طاقيه ام جنيه والقلاب واصل سرك وش تبي تسوي
كانك ولد حساس راح تعطيه العسكريم وكانك ولد عاطفيه راح ترمي اللعسكريم وكانك ولد متغطرس راح تطالعه بطرف خشمك وتقول له وع يا ولد الفقراء

تصدقون وانا اكتب االتعبير هذا ضاق صدري وقاعد امش بكمي خشمي بغيت اروح ادور الولد واشتري له عسكريم

تصدقون عاد ما لقيت اسمي من ضمن المرقيين

نقول لهم على البركه
وعقبالنا في الجنه

و

يش اعلق ..ويش اقول ..احسن اخليها كذا .ورعان وعسكريم ...

[ابو شوشه]

ابو رياض في الدول المتقدمه ما يتشائمون خلوكم وسيعين صدر

والترقيات راح تترقون ان شاء الله عن قريب

وابشرو بالخير

[وادي السليكون]

ابو رياض في الدول المتقدمه ما يتشائمون خلوكم وسيعين صدر

والترقيات راح تترقون ان شاء الله عن قريب

وابشرو بالخير

يا حبيبي يا ابو شوشه ..صحيح في الدول المتقدمه ما يتشائمون لات في هذه الدول المسؤل يحترم الموظف لانه يدرك ان نجاح اي عمل يعتمد على الموظف و الموظف يحترم المسؤل لانه يعرف ان رضى مسؤله عنه سوف يكون مدخل لطريق النجاح وهذا غير موجود لدينا ..نحن هنا المسؤل يستهزيء بعقل الموظف و لا يعتبره الا مجرد دابه تمشي على البسيطه وتعمل لديه سبع ساعات ..هذه الدابه اقصد الموظف ليس له الحق في الاعتراض على اي شيء حتى ولو كان تصرف خاطي ويؤثر على مستقبله و مستقبل المؤسسه ..وانا اعتقد يا ابو شوشه انك لا تعمل في الميدان والا لادركت ان هناك اوامر من المؤسسسه وصغط رهيب على مدراء المناطق لتنفيذ امور اخجل ان اذكرها هنا ....
وصحيح يا ابو شوشه انه تفائلوا بالخير تجدوه ولكن خارج مؤسسة البريد السعودي لان هذه المؤسسه غريبة الاطوار فهي اول مؤسسه لها ادارتين منفصلتين كل منهما يتلقى توجيها من مرجعه و نحن يا غافل لكل الله ............

[ابو شوشه]

شوي واكتب الرد

[ابو شوشه]

ابو رياض اغلب الموظفين عندهم امل في تغير الامور والخير جايهم

بس اقف هنا واقول ان المؤسسة وراها شي وشهو ما ادري

وبعدين شف وين كنا ووين حنا الحين وشف عاد وين راح نكون

الله يستر وين نبي نروح وش نبي نصير عليه

[وادي السليكون]

ابو رياض اغلب الموظفين عندهم امل في تغير الامور والخير جايهم

بس اقف هنا واقول ان المؤسسة وراها شي وشهو ما ادري

وبعدين شف وين كنا ووين حنا الحين وشف عاد وين راح نكون

الله يستر وين نبي نروح وش نبي نصير عليه

اولا مبروك الترقيه كاني قريت اسمك مع المرقين في الهواء ...
وثانيا ..ان بصراحه يا ابو شوشه واقولها لك على البلاطه لا ارجوا خيرا من المؤسسه و انا مقتع انني سوف احال على التقاعد بالمرتبه الخامسه لان الترقيات القادمه هي لابنائهم و الذي بعده لا خوانهم و الذي بعده لاصدقاء ابنائهم والذي بعد للموظفين الذين ابنائهم من كبار المسؤلين مثلك عارف الدنيا مصالح ..فالموظف العاقل في البريد يقتنع بالمرتبه الذي هو فيها ويترك لهم الترقيات و التطوير بس اللي اتمناه ان ما يطلع علينا واحد في مؤتمر ويقول البريد والبريد والبريد والبريد .....
هذه يا ابو شوشه مؤسسه اوجدن لمضايقة المو ظفين القدماء لان لديهم عقول وذكاء خارق فبدل ان يمنح الموظف شيك ذهبي وهذا مكلف يتم مضايقته بالضغط على مدير المنطقه و مدير الاداره بالاوامر التلفونيه طبعا هذا كله لتطوير البريد المرموق الى مصاف برد العالم العالميه ...
وصدقني يا ابو شوشوه انه بالرغم من هذا الظلم فنحن بخير فالمصيبه سوف تحل بنا عندما نتحول الى مؤسسه و لا اعتقد ان البريد سوف يتحول الى مؤسسه .....وسوف يعود للديوان او يبقى الاسم مؤسسه و النظام على الديوان ...