رساله من القلب إلى من يهمه الامر بخصوص مراكز الخدمه بالرياض

[عدانا العيب]

السلام عليكم



أعلم يا رعاك الله ان اوضاع المكاتب الآن بحسب ما اشوف بحكم اني موظف باحد المكاتب و من تواصلي مع الزملاء بالمكاتب الاخرى يرثى له .. كميه البريد الوارد للمكاتب لا يخضع لأي شيء اسمه طاقه استيعابيه
بعض الشعب بالرياض لا يوجد بها مستودعات كافيه للعينات و يتم فرز العينات في كل داحوس بالمكتب , و هذا ياخذ وقت كبير للبحث عن عينه بسبب كثره اماكن فرز العينات بالمكتب واغلبها عشوائيه حتى لو المطبخ صارت بعض المكاتب تفرز فيه عينات !!

الا يوجد رجل عاقل ينزل يشوف الوضع بعينه ؟ او انكم ماشين بنظام دامها تمشي مشها !؟ دام الموظف اللي بالمكتب هو اللي ماكلها ماعلينا منهم .. هل هذا اللي ماشين عليه في خطتكم الادارية ؟

ناهيك عن القحط الشديد بالموظفين الوضع كان يقتصر على كم مكتب الآن اربع مكاتب كبيره و بالرياض والوضع "مصخره" انتم المسؤولون عنها , تذكروا اننا نعمل معاً ما نعمل "عندكم" , اضافه الى النقص بالموظفين ماهو كل موظف موظف ينحسب مع الموظفين , و بالمكتب اللي انا فيه امثله كثيره ناس تخجل انهم يخدمون العملاء لا من اسلوب ولا من درايه بالعمل ولا من ادنى المميزات اللي تؤهل لأمثال هؤلاء ان يشغلوا هذا المكان أمام الجمهور , الشغله ماهي سد الاحتياج بأي نيله .. المكاتب تحتاج لموظفين اكفاء قادرين على اداره العمل , او على الاقل يعرف يستخدم كيبورد وماوس الله يرحم والديكم !!

هذا غيض من فيض و أجزم لو تم قياس نسبه رضا الموظفين كما هو معمول به في الجهات (المحترمه) اللي يديرها ناس اداريين صح و يعرفون اهميه قياس نسبه الرضا لأتضح لكم الأمر فعلياً .. و هذا ينعكس ايضاً على العملاء و على المصلحه العامه

أتمنى ان يتم التحول بأسرع مايمكن انا اول من يطلب النقل لأي جهه حكوميه اخرى فالبريد خايب ولا فيه رجا بسبب العقول الاداريه المغفله .

المعذره من القهر لو كان الكلام غير مرتب

وعليكم السلام

اخوي أسألك بالله انت منت شخصيه مستاجره بمبلغ أو موعود بمنصب حتى تقول هذا الكلام وتسجل انك ناصح للمؤسسه بسبب إهمال البريد ... عفوا أقصد إهمال موظفين البريد ولامبالاتهم ... اخوي والله فعلا لو كلامك صحيح أنه فيه تقصير وإهمال ماقلت هذا الكلام لأنك رايح تخسر بعض المزايا اللي عندك كموظف بريد .... بس انت واثق انك رابح شي ومارايح تخسر بل ربحك زياده على ماعندك ... والله أعلم ..

[رسالة ياهاجر]

وعليكم السلام

اخوي أسألك بالله انت منت شخصيه مستاجره بمبلغ أو موعود بمنصب حتى تقول هذا الكلام وتسجل انك ناصح للمؤسسه بسبب إهمال البريد ... عفوا أقصد إهمال موظفين البريد ولامبالاتهم ... اخوي والله فعلا لو كلامك صحيح أنه فيه تقصير وإهمال ماقلت هذا الكلام لأنك رايح تخسر بعض المزايا اللي عندك كموظف بريد .... بس انت واثق انك رابح شي ومارايح تخسر بل ربحك زياده على ماعندك ... والله أعلم ..

احترم سعيك في التفكير والاستنتاج لكنك بعيد كل البعد عن الحقيقه .. لو تعرض علي ادارة وفوقها وزني ذهب في البريد لن اقبل