عندنا مشكله تعودنا على تكميم الافواه و تعودنا على السكوت عن الحق
الآن الوضع تغير قيادة المؤسسه ماعاد هي من شله البريد القديمه و الرئيس يعلم انه تحت الضغط ويعول عليه نقله نوعيه للمؤسسه و خصخصتها اذا الله اراد
فالرأي للزملاء موزعين وغيرهم ان اي مشكله تخص العمل يتم رفع خطاب لمكتب الرئيس بخصوصها .. انا موزع سابقاً ورفعت خطاب شكوى بخصوص البنزين والله ان الدعوة انقلبت فوق تحت و صارت الكروت تمشي للنقطه زي الالف صح انها فتررة ورجعنا على وضعنا بنزين بالقطاره بس على مايقولون كثر الدق يفك اللحام انت تشتكي وانا اشتكي وفلان يشتكي لين يعرفون حجم المشكله .. كل مدير ادارة ينقل صورة للي فوقه ان الوضع تمام عشان يحافظ على المكان حتى مشرفين بعض نقاط التوزيع للاسف جبناء ولا يعرف يطالب بحق ولا باطل ولا يوصل صوت الموزع اللي عنده اذا فيه شكوى او غيره .. هذا في حال كنت تبي تاخذها بطريقه رسميه بدون تخطي مراجع
لكن الدعوه اللحين فوضه لذلك اسلم حل خطاب دايركت لمكتب الرئيس الامر ماعاد هو بلحيه مراجع ولا غيره الدعوه ضايعه تحتاج تدخل عاجل وضرب بيد من حديد اما ناس تدير الامور صح ولا يسرحونهم وفيه من هو اكفأ منهم