حين يصل الأمر الى قوت الموظف وحقه فهو في مشكله ماهو مع الـ10300 موظف فقط بل حوالي 60 الف نفس كموظفين وعوائلهم عايشين على الله ثم على هالمكافأه في امور كثيرة
بدأت تتعالى اصوات المؤيدين للتقييم الجديد و كأننا نعارض الآليه الموجودة من عهد محمد بنتن اساساً ، نعارض طريقه التنفيذ في فرض النسبه بالقوة على الادارة و على الموظف واجبار المدراء المباشرين والمشرفين بتوزيع رقم محدد على جميع موظفينه دون مراعاة لجهد الموظف طوال السنه في الاخير يتساوى اللي المهمل مع المثابر مع الصالح والطالح كلهم على نسبه 92% والحجه ان هذي والله النسبه حقت القطاع كامل رضيت ولا مارضيت
يعني ممكن في السنه الجايه اذا استمرت بنفس طريقه الجبايه والعشوائيه والغباء والتخلف هذا تصير 91% ولو انك حاك عمرك حك بالشغل وبنفس الحجه يقولون لك هذي اعلى نسبه اداء لقطاعك و تأخذ عليها راتب واحد !!
اما انهم يقيمون القطاع بشكل كامل دون التعرض للموظف معنوياً ومادياً او يقيمون الموظفين بشكل فردي بناءً على جهده هم لا هذي ولا هذي النيه خالطين هذا على هذا عشان يقنعون السذج انها نزاهه منهم وطريقه مبتكره
رد مع اقتباس