سعادة مدير البريد الممتاز

[وادي السليكون]

ما هكذا تورد الابل يابو فوزان ..

ياخي وستين ونعم بالجساس كرجل .. كلامنا على الخدمة وعلى رده على الموضوع .

ياخي ماحد يدعي أن كلامه هو الصح ( رأيي صواب يحتمل الخطأ ورأيك خطأ يحتمل الصواب )

ياخي خلنا نتعدى مرحلة شخصي وعداء شخصي .

يا استاذ حنا نكتب في منتدى كل اعضاءه من منسوبي البريد ( كلنا عيال قرية وكلن يعرف اخيه )

تقول العرب ياخوي صديقك من صدقك لا من صادقك .

طيب انا اوجهلك السؤال انت :



طيب خل عنك هذا وشف الخبر هنا

http://www.arapost.com/vb/showpost.p...22&postcount=1

وانت قلت



بصراحة .. وبصراحة ..

كيف سمحنا للجميع بان ( يلتهم السوق ) .

اليوم فيه سمحنا وما سمحنا .. بكرا السوق مفتوح ولا راح أحد ينتظرك تسمح ... ولا تنتظر دعم من الدولة .

كن أو لا تكن .. عش أو مت .. أشتغل زين ولا قفل الباب ..

مافيه حل وسط ..

طيب خلك من هذي بعد

اطلب فيزا من بنك الراجحي وشف وشلون يوصلونها لك .

با الــــــ DHL

داخلي .. ما بينك وبينهم الا 5 كيلو ويرسلونها بالــ DHL

خذ السالفه ذي

دخلت عند مدير أحد الادارات الجديدة بالمؤسسة , وانا طالع من عنده شفت كرتون فيه اغراض مرسلة للمدير المذكور

وكان عليها استكر الـ DHL .

طيب وش رايك إذا كان هذا المدير هو مدير إدارة التس**** ..

سمعت أخوي بنظرية ال 80/20

ان كانك ما سمعت فيها هي باختصار تقول 20 بالمية من العملاء يجيبون لك 80 بالمية من الدخل

وبالعكس 80 بالمية من العملاء يجيبون لك 20 بالمية من الدخل .

ال DHL و ARAMEX ووو ... شغالين بموجب النظرية ذي .. خذ منها مثلا الخبر اللي فوق

وبالاخير تقول ..


ما هكذا تورد الابل يابو فوزان .

دمت لاخيك المحب ...

اشكر كافة الزملاء على تفاعلهم مع هذا الموضوع الحساس بالرغم انه اصبح خارج نطاق صلاحيات ابن الجساس
وبالرعم اني والله لااعرف سعادته ولا هو يعرفني ايضا, الا اني سأقول لكم كلمة حق, سبق و ان ذكرتها في اول رد على خطاب سعادة مدير البريد الممتاز.

اصبح الموضوع موضوع علاقات دوليه فاسألوا من هو مسؤول عن الشؤون الدوليه


اطلب فيزا من بنك الراجحي وشف وشلون يوصلونها لك .

با الــــــ DHL

داخلي .. ما بينك وبينهم الا 5 كيلو ويرسلونها بالــ DHL



بالله عليك هل يوجد فيزا سعوديه
هذه شركه امريكيه وترغم الراجحي على إستخدام المؤسسات الامريكيه يعني لديهم وطنيه حتى خارج بلادهم

بعدين يا اخوان اذا كان والدك هو صاحب مؤسسه فأنه يجب عليك ان تخدمه وتخدم مؤسسته فأن اطاعة الوالدين واجب شرعي

تفبلوووووووووا تحياتي,,,,,,وادي السليكوووووووون

[المملوح]

اطلب فيزا من بنك الراجحي وشف وشلون يوصلونها لك .

با الــــــ DHL

داخلي .. ما بينك وبينهم الا 5 كيلو ويرسلونها بالــ DHL



بالله عليك هل يوجد فيزا سعوديه
هذه شركه امريكيه وترغم الراجحي على إستخدام المؤسسات الامريكيه

لا لا يا خوي وادي ..

كلامك غير صحيح .. ماحد يجبرك على استخدام وسيلة التسليم .. سلمها ان بغيت بسيكل !!

كانوا زمان ( وبعض البنوك الى الآن ) تسلمها عن طريق البريد ..

القصة وما فيها ((( ما فيه ثقـــه ))) وبس !!

ولو فرضنا ان كلامك صحيح .. هل أرامكو امريكية .. غير ارامكو الآف الشركات والمؤسسات و الافراد السعودين ما يبون

البريد ولا يوثقون بخدمة البريد الممتاز ..


ياخي قبل فترة ارسلت بحث لجهة ما وكلمتهم بعد ( 3 أيام ) قام الموظف يبحث وقالي ياخي ما وصلتنا .. دخلت موقع

االبريد وصلحت بحث عن مسار المادة وعطاني رسالة: الرقم المدخل غير صحيح نأمل التأكد من رقم المادة , دخلت الرقم

الف مره ونفس المسج قلت ليتنا من حجنا سالمين لو اني مرسلها بالـ DHL أو Aramex أو انشاء الله بالنقل الجماعي

كان قد وصلت .


واستاذنا عبدالرحمن الجساس يقول هذا انما يدل على ثقة المنافس !! عش رجبً ترى عجباً .


أخوي وادي مرت علي ويمكن عليك وعلى الاخوان اللي معنا أنك مره بالمطار وجاك واحد وعطاك ظرف وطلب انك

تعطيه لواحد ينتظرك بمحطة الوصول .. كثير يجيك .. ولا حد يقول يمكن ما يقدر يدفع .. الرسوم بسيطة وغير مكلفه بس

نروح ونرجع ((( ما فيه ثقه ))) خايفين يرسلونها بالبريد ويطيح عليها جدار ولا حد يدري وين راحت .


لو كنت مسئول عن قرار واحد بالبريد الممتاز كان خليته (( تغيير مسمى البريد الممتاز )) .. ومن وجهة نظري السخصية

هو أهم قرار يمكن انك تتخذه .. واسألوا عن العوامل النفسية ( وتأثيرات العقل الباطن ) على سلوك العميل .


فاصلة : يعيرني واحد من الاصدقاء من 6 سنوات أرسله واحد بالبريد الممتاز من مكه صور من أوراق وإلى الآن ( والله ما

أبالغ ) ما وصلت . 6 سنوات من مكة للرياض .. تصدق الحين يخاف يرسل شيك شغالته بالبريد .. والرجال شغال على

حوالات .

بالعربي حنا لازم نغير جلدنا كله ونبدأ من جديد .. مدراء من 25 سنه وإلى الآن ثابتين بكراسيهم ( لو كان عنده شي

كان طلع بسنتين مهوب بعد خمسة وعشرين سنة ) , اسماء شعارات اسلوب عمل وتعامل وضوح شفافية نظام محدد .


فاصلة : موظف على مرتبه واحده من 20 سنة !! بأي منطق وقانون ونظام وعقل تطالبه بمضاعفة جهده .. ويوم يغيب

عن دوام يوم خميس تخصم عليه 3 أيام !!! ( هذا لو يجي ينام ماحد يلومه ) ,, شف الانتدابات وخارج الدوام تروح لمين

قدام عين موظف الميدان مدير ادارة كذا وموظفين ادارة كذا يستلمون خارج دوام وهم نايمين ( وانا بالمناسبة واحد منهم

والله ما اشتغل خارج دوام لكن يصرفلي ) بالله لو كنت مكان موظف الميدان وتشوف كذا وش ردت فعلك , أكيد ردت فعل

سلبيه وما حد يلومك عليها والنتيجة : إهمال وعدم حرص على جودة العمل . ( لكل فعل ردت فعل ) طنش أطنش , احرص

على مصلحتي أحرص على مصلحتك .


ختاماً هذي كلمة مني لرئيس المؤسسة :

(( يا معالي الرئيس , يا أبو مهاب ... حنا نحتاج سلخ الجلد القديم كلياً ... نحتاج لاعادة تهيئة ) .

والله الموفق ,,,